1 PETER 1:3 - DARA GADAIN N.T. with PSA and PRO (BSI)

³ Jini Gabra Jisu Krista ni Bupha ode Madai ni bakhan ja thing. Subung githi ni phrang Jisu Krista khe baijaphin ri ba, asa gathang khe mai mani khlai hi, boni maya gedeba jang, hayu gadain ha jing khe mathangphin ba.

1 PETER 1:3 Iomraidhean Croise

BAKHAN NI RAJABTHAI 41:13

Gabra, Israel ni Madai khe khripbo bakhan ri lah Thaoglao sosi bo khe khripbo bakhan khlai lah. Amen, Amen.

BAKHAN NI RAJABTHAI 86:15

Thikhabo, O Gabra, ning de maya-gnang ode khasaoma-gnang Madai se Srap thamsi baigoyayaba, hamjaoma bangyaba, ode lonma-gnang se.

BAKHAN NI RAJABTHAI 86:5

O Gabra, ning de map-gnang ode hamba se Sere ning khe long du, khrip ni khlai hi hamjaoma nini ha dong du.

JOHN 1:13

Bonsi thihjao ni phrang hajai ba niya, saomang ni nangjaoma jang bo niya, miyahrao ni nangjaoma jang bo niya, thikhabo Madai ni nangjao ba lai se hajai ba.

ROM 12:12

Asama ha ning bai hi; dukhu habo khah lao hi, asaba bubli habo bi lah.

ROM 15:13

Bese Gathar ni raothai jang asama bang phu mani khlai hi, asama ni Madai thi du, nisi lon bani khlai hi khajama odehe khrip ne santi jang nisi khe gablai ri thing.

ROM 4:25

Bo de jini gajai buthu ni khlai hi thih mani yaopha lahi dong ba, odehe jing gajai jaya mani khlai hi bo mathang jaohi dongba se.

ROM 5:10

Jing boni sotru jahi dongba ha ning, boni thihyaba ni balam ha Madai jang jing mili khade, boni hayu ni balam ha jing hamsi ning sogoma asaba dara jang jing mai nang!

ROM 8:11

Subung githi ni phrang Krista Jisu baija phinyaba ni bese khe nisi niha dong kha de, subung githi ni phrang Krista Jisu khe baija phin riyaba ning nisi niha dong hi boni bese ni khlai hi nisi ni saomang thiphuyaba khe bo ning mathang ma se.

ROM 8:24

Ebo asama ha se sogojao hi dong ba. Thikhabo, nuhi se asa jayaba de asa niya. Bo nu hi ning dongyaba khe sere asa ja re?

1 KORINTH 13:13

Odese, ebo jinis matham, lonma ja thing, asama ja thing, odehe hamjaoma khasaoma buthu dongsong ma, odehe ebo buthu ni bising ha dedao thaoyaba de hamjaoma khasaoma se.

1 KORINTH 15:20

Thikhabo, Krista de githi ni bising ni phrang gibi jang thangphin kha bani, githirao baija phinyaba ni hoja se.

2 KORINTH 1:3

Khasaoma buthu ni bupha jang khrip santi ni Madai, jini Gabra Jisu Krista ni bupha Madai de bakhan ja thing.

GALATIA 6:16

Bo dara ha dongyarao ni basao ha ode Madai ning Israel sarao ni basao ha bo shanti jang khasaoma dongpha lang thing!

EPHESI 1:17

bede thikhade, jini Gabra Jisu Krista ni Madai, muima ni Bupha de, bo jar tharmaiyaba balam ha gyan jang jna mani Bese khe bo ri thing.

EPHESI 1:3

Jini Gabra Jisu Krista ni Madai jang Bupha de bakhan jahi ning dong thing. Bo ning sorgo ni hathan buthu ha Bese ni gede khrip jadi hamthai riyaba jang Krista habo jinthane hamthai ri kha.

EPHESI 1:7

Bede thikhade, Krista ni thijao ni khlai hi boni ha jing khoyaba khe mai kha, boni khasaoma bangthai lai ning, jini gajai buthu khe bo map khlai du.

EPHESI 2:4

Thikhabo, Madai de khasaoma bangba ni, bo jing khe hamsi ning khasao bani khlai hi,

EPHESI 3:20

Jini ha dangyaba raothai lai jasosi ning, jing sainyaba ode baoyaba khrip thane bangdao hi dangphuyaba niha ning,

KOLOSSA 1:23

Odebani, lonma ha ning asa deng hi rao dada nisi dong ma nang du. Bo hamba graojma khe nisi mithi ma nangjaoyaba ni phrang degaoya hi dong lah. Bo hamba graojma de nokhasao bakhla ha khrip jinis sangsaiyaba ni gejer ha baipha langyaba ning ja kha, bo khusi dang mani slamjaoyaba de ang Paul ning ja kha.

KOLOSSA 1:27

Bo subung buthu niha de Jentailrao ni bising ha grao makhao ni muima ni muilo khe Madai ning tharmai rima nangjaoba se; bo grao makhao de Krista nisi niha dongyaba ni muima asa jayaba se.

1 THESSALONIKA 1:3

Jini bupha Madai khe lonba ni khlai hi khusi dangyaba, hamjaoma ni khlai hi dukhu khlaiyaba, ode jini Gabra Jisu Krista ha nisi asa rao hi dongyaba buthu khe jing wainso ha du.

1 THESSALONIKA 4:13

Daphlungrao, malai saosi khe bo asa maiya hi dongyarao lai nisi khah waimu nangya mani khlai hi thuyarao ni balam ha nisi tharmaiya hi thao mane ang nangjaoya.

2 THESSALONIKA 2:16

Odese, jini Gabra Jisu Krista jar ning ode jini bupha Madai, bo jing khe hamjao ma ode khasao mani balam jang thaoglao shanti ni hamba asa riyaba jang,

1 TIMOTHE 1:14

Odehe, Krista Jisu ha dongyaba lonma jang hamjaoma baosi sophai ba jang, jini Gabra ni khasaoma de anthane khlai hi bo gaphao lang la kha.

TITA 2:13

Jing asa khlaiyaba khajama, jar ni dedao thaoyaba Madai ode sogoyahba Jisu Krista nujao ginyaba grao khe jing jon hi ning dong ma se.

HEBRAIRAO 3:6

Thikhabo, Krista de basa jang baosi Madai ni nohkhor ni phantha dong; ode boni nohkhor buthu de jing ning ja kha, jing khitha raohi jar ni asa ni sanggama ni basao ha remsong hi dong kha de.

JAKOB 1:18

Bo dangma baoyaba phura japhu mani khlai hi, bo slamyaba buthu bathai thai jenyaba ja mani khlai hi, grao gibiyaba jang bo jing khe hajai riba se.

1 PETER 1:13

Odebani, dang mani khlai hi nisi baoyaba buthu khe salai lah. Jar khe sibring lah, Jisu Krista nujao phaiba ha khasaoma khe nisi nebo labu ri mani khlai hi asa khlai lah.

1 PETER 1:21

Githi ni phrang bokhe mathang phinyaba Madai khe nisi lon kha; odese Madai de nisi ni lonma ode asama dengyaba ning ja kha.

1 PETER 1:23

Bumuh hamya japhuyaba ni phrang niya hi, Madai ni grao thang hi ning dongyaba, ode dong songyaba ha ning, bumuh hamya japhuyayaba ni phrang nisi hajai slamyaba ja kha.

1 PETER 2:2

sogoma ha nisi dedao phalang phuma ni khlai hi, nana gili hajaiyarao lai, bese gede abudih musibo gibringyayaba khe libi lah. Ede khlai hi nisi bara hi sogo jao phu nang.

1 PETER 3:15

Bede thikhade, nisi ni khasu ha Krista khe man khlai hi Raja slam lah. Nisi ni asa ni balam ha sere nisi khe sing du, srap thiphla ri mani khlai hi salai hi ning dong lah.

1 PETER 3:21

Bo lai jayaba baptisma, Jisu Krista baija phin bani khlai hi, duha nisi khe sogo du; baptisma de saomang ha rege rege dongyaba khe susayaba ning niya hi, hamba hamya mithiyaba gathar jang Madai niha grao hanggaiyaba se.

1 PETER 3:5

Olei jasosi ning, gada ha masainjik gathar, Madai niha asa dengyarao de, bonsi ni basairao ni grao maniyaba jang bo majang ri re.

1 JOHN 2:29

Bo dormo subung se thi hi nisi mithi khade, gibi jang dangyaba si de boni ha hajai kha thi hi nisi tharmai lah.

1 JOHN 3:3

Sere boniha asa dengyaba side bo gathar ja ba lai ning bonsi gathar khlai re.

1 JOHN 3:9

Sere Madai ha hajai du, Madai ni bumu boni ha dong kha bani bo phap khusi khe dangphuya kha; bede thikhade Madai ha bo hajai kha bani phaphi japhuya kha.

1 JOHN 4:7

Hamjao daothaoyarao, jing saosi jang saosi hamjao lai nang, hamjaoma Madai ni phrang baigoyaba se; hamjaoma khe maiyaba side bo Madai niha hajai kha. Bo Madai khebo tharmai du.

1 JOHN 5:1

Sere Jisu khe Krista thi hi lon du, bo Madai niha hajaiba se, odehe sere basa maiyaba khe hamjao du, bo jar ni basa khebo hamjao re.

1 JOHN 5:18

Sere Madai niha hajai kha phap khusi dangya kha thihi jing mithi du; Madai niha hajai kha bokhe bo dimkhao du, subung hamyayaba de bokhe dopha phuya.

1 JOHN 5:4

Madai niha hajaiyaba si de habsao khe bonsi de du. Ode ebo ning habsao khe deyaba se, jini lonma ning.