1 PETER 1:2 - DARA GADAIN N.T. with PSA and PRO (BSI)

² Bupha Madai mithi daba lai saikho dajaoyaba, Jisu Krista ni grao khe mani mane ode boni thijao ha susa hi ragao mani Bese jang gathar khlai jaoyarao niha: Nisi ni basao ha khasaoma ar shanti bara phalang thing.

1 PETER 1:2 Iomraidhean Croise

MATTHEW 24:22

Bo basain buthu khe songthedao riya thikhade subung musi dara jangbo hamhi go nang niya; thikhabo saikho jaoyarao ni khlai hide bo buthu bubli khe songthe ri ma se.

MATTHEW 24:24

Bede thikhade, mosol Krista ode mosol gorasalirao bonsi baigo phu ma; blai khade saikho jaoyarao khebo bonsi thokhi phu mane khlai hi sin ode gmang thaosisi khusi gedeba buthu khebo bonsi dang phnu ma se.

MATTHEW 24:31

Bibul khurang jang baosi hokhlai hi jar ni deglarao bo haiha nang. Ode, bonsi nokhasao ni sainja gede ni phrang sain jroba sosi mulug grongbri ni phrang saikho jaoyarao khe bo bojom khlai ma se.

MARKA 13:20

Bo basain buthu khe Gabra songthe daoriya thikhade subung saosibo thanghi dong nang niya. Bo jarne saikhoyarao ni khlai hi bo basain buthu khede songthe ri ma se.

MARKA 13:22

Bede thikhade Krista mosolrao ode gorasali mosolrao baigo nang, bonsi gmang thaosisi sin phnu hi khusi dang nang. Blai khade saikho jaoyarao khebo thokhiphu mani khlai hi khusi dang ma se.

MARKA 13:27

Boni yaohonha mulug grongbri ha habsao thaothan sosi, boni deglarao khe haihahi bo jar saikhoyarao khe bojom khlai ma se.

LUKE 18:7

Jarni subung buthu sain hor juru mane boni ha biyarao khe Madai bisar khlai nang niya? Budu lao ri nang kho?

DANGYASARAO 15:18

Ebo grao buthu khe ning Gabra, habsao jenba ni phrang khna rihi phaiba se, thihi Gabra thi du.

DANGYASARAO 2:23

Nisi jar ning nisi tharmai la kha, bo Jisu khe Madai ni bisar ode, bo tharmai da ba lai ning, bonsi ne rem rihi, nisi ning subung hamyayarao ni yao jang kross ha dikpha hi sthai kha.

DANGYASARAO 20:32

Duha Madai jang bo khasaoyaba grao niha nisi khe ang deng kha, bo se nisi khe gede slamphu ma, ode subung gatharrao ni bising ha nisine don ni phantha bo ri phuma.

ROM 1:5

Boni dara jang se, Madai ning khrip jadi ni bising ha subung buthu khe lonma ha mani ri mani khlai hi khasaoma jang haijaoyasa ni khusi khe jing main kha.

ROM 1:7

Madai ning bo jamjaoyarao jang boni subung gathar ja manibo longyarao, Rom nogor ni subung buthu niha: Jini bupha Madai, odehe Gabra Jisu Krista ni phrang khasaoma jang santi dong thing.

ROM 11:2

Madai jang mithijao dayarao, jar ni subung buthu khe bo dangkhlaiya, Madai ni laisi ni grao ha Elija ni balam khe nisi khnaya na? Madai niha Israel sarao ni balam ni grao habo ning so ri kha:

ROM 11:28

Hamba graojma gede ni balam ha de, bonsi de nisi ni khlai hi bonsi Madai ni sotrurao se; thikhabo, saikho bani grao gede ni balam hade, bonsi ni greng buthu ni khlai hi bonsi hamdao thaoyarao se;

ROM 15:16

Jentailrao khe Bese Gathar ha Madai jang khaja jao gothai, bandai yaopha mani khlai hi, hamba graojma sainthiba de ani jonthai ni khusi se.

ROM 16:19

Nisi ni grao khnathai khe khripbo mithi du, odebani nisi ni basao ha ang khaja du; bede thikhade, hamba khusi gede girik lah, hamya gede hamya jaya hi dong mani nisi khe ang nangjao du.

ROM 16:26

bo grao makhao khe, jug jug Madai grao riba lai, gorasalirao laisi ni grao jang khrip jadi niha, nisi khna ri kha, bonsi khrip mani phu mani khlai hi.

ROM 8:13

saomang gede nisi thanghi dong khade nisi thih ma se; thikhabo saomang khusi dangyaba buthu khe bese jang nisi sthai kha de, nisi hayu mai ma se.

ROM 8:33

Madai subung saikhoyarao khe sere ning gajai khlai ma? Dormo ja riyaba de Madai se.

1 KORINTH 1:30

Madai de Krista Jisu ha nisi ni hayu ni bugung se, Krista Jisu de jinthane khlai hi Madai ni phrang gyan ja thing, dormo ja thing, gathar khlaiyaba ja thing, odehe khoyaba japhai kha.

1 KORINTH 6:11

Nisi ni bising ha gejesi de eleiyaba khe nisi dang re. Thikhabo, Gabra Jisu Krista ni bumu jang jini Madai ni Bese ha ning, nisi susajao kha, odehe nisi gathar khlaijao kha, ode nisi dormo khlaijao kha.

2 KORINTH 10:5

Bonsi ni dongthan khe jing ru pha lang hi, Madai ni gyan khe gaso suso khlaiyaba, phuthan jayaba si khe disai phalang hi, khrip jadi baothai khe Krista ni grao maniyaba ni leng ha jing dismai re.

KOLOSSA 3:12

Madai subung saikhoyaba jang baosi subung gathar jahi, mayama, maigru gruyaba, basasa jayaba, grao ni hukhum bakhla ha dongyaba, dukhu suiyaba buthu khe lahi thu lah.

2 THESSALONIKA 2:13

Gabra nangjaoyaba daphlungrao, Bese Gathar khlaiyaba ha ode grao gibi lonma ni khlai hi sogoma mai mane bathai thai dayarao jama ni, Madai jang nisi saikho jao bani, Madai niha nalaibo nisi ne khajama ni grao sainthi ma ning nang du.

2 TIMOTHE 2:10

Odebani, Jisu niha dongyaba sogoma khe, thaoglao muima jang masi bonsi mai mani khlai hi, saikho jaoyarao ni khlai hi ang blaiyasi blaiyasi dukhu khlai ba se.

TITA 1:1

Paul, Madai ni dangyasa jang Jisu Krista ni haijaoyasa, Madai subung saikhoyarao khe, lonma ha didih mani ode, Madai khe khiyal khlaiyaba gede grao gibi khe mithi bani balam ha juruyaba thi du:

HEBRAIRAO 10:22

Odebani, phap andar jayayaba, khah susayaba ha dong hi, saomang khebo dih thar jang susa hi, lonma ha ragao sisi tharmaiyaba gyan khe la hi, rogong gabasi ha jing thang la nang.

HEBRAIRAO 11:28

Lonma jang baiglai busu ni mel thijao jang phaidayaba khe bonsi mani hi, basa sagra khe sjamyaba de Israel bongso ni basa sagra buthu khe bo dophaya mani khlai hi.

HEBRAIRAO 12:24

grao khayaba gadain ni graodiyahsa Jisu niha, thijao saiphrayaba, Abel ni thijao thabo hamdaoyaba grao sainthiyaba niha se nisi sohidao ba.

HEBRAIRAO 5:9

Gibi khlai hi jaba ha, jar ni khrip grao maniyarao ne khlai hi thaoglao sogoma ni khithabo ja kha.

1 PETER 1:14

Basa grao maniyarao lai dong hi, sagang ha jar ni phap libima ha dongba lai nisi da dong lah.

1 PETER 1:19

melmasa mainthi giriyaba, ode musi gajai giriyaba, Krista ni thijao muilo gnang jang se khojao ba thi hi nisi tharmai kha.

1 PETER 1:20

Bode phirthi khe sangsai bani sagang ha ning bokhe saikho kha; thikhabo, nisi ne khlai hi ning bubli jamthaoba ha bo nujaoba se.

1 PETER 1:22

Gibi jang daphlungrao khe hamjao mani khlai hi, grao gibi khe mani hi, nisi ni hayu ni dongthai buthu khe nisi gathar khlai khade, khah guthu ni phrang nisi hamjao lai lah.

1 PETER 2:9

Thikhabo, nisi de boni jnama ha hap mani khlai hi andar ni phrang nisi khe long hi muima jang gmang thaosisi khusi dangyaba buthu khe bara riphu mani khlai hi nisi saikho jaoyaba jadi se, nisi de Jonthaima ni bongso, jadi gathar, Madai ni phantha ja kha.

2 PETER 1:2

Jini Madai ni gyan ha ode Jisu, jini Gabra Jisu ni gyan ha ning, khasaoma jang shanti bara phalang thing.

2 JOHN 1:1

Khrao de- Masainjik man gnang, saikho jaoyaba ode boni basathu khe, grao gibi ha ang hamjaoyarao, ang khe se ning niya hi, grao gibi khe mithiyaba khrip gibinbo bonsi khe khasaoyarao niha;

2 JOHN 1:13

Nini bahandao, saikho jaoyaba ni basathu ning khe bonsi khlim ha du.

JUDA 1:2

Khasaoma, shanti, hamjaoma nisi ni basao ha gabang lupha jao hi dong thing.