Zefania 3:6 - Digo Bible

⁶ Mwenyezi Mlungu anaamba, “Nkaangamiza mataifa na minara yao iriyo kpwenye pembe za ngome ikakala magandzo. Barabara zao názibananga, na njira zao tazitsupirwa ni mutu. Midzi yao ikakala magandzo, na taisagalwa ni mutu.

Zefania 3:6 Iomraidhean Croise

Isaya 14:26

Huno ndio mpango nrionao kpwa ajili ya dunia yosi na huno ndio uwezo ndioonyesa mataifa gosi.”

Isaya 37:36

Phahi, malaika wa Mwenyezi Mlungu wamenya ndani ya kambi ya Aashuru usiku uho na kuolaga atu elufu gana mwenga na mirongo minane na tsano. Ligundzure, wakati atu aripholamuka, aona kambi ikagota nyufu za hinyo achioolagbwa.

Isaya 6:11

Ndipho nchiuza, “Ee Mwenyezi Mlungu, hadi rini?” Naye achinijibu achiamba, “Hadi midzi ndiphokala magandzo, na ikale wekee bila atu, nyumba zitsamwe na minda irichwe bila kurimwa.

Jeremia 9:12

Ni ani ariye na ikima kuweza kuelewa mambo higa? Ni ani ariyephundza malagizo ga Mwenyezi Mlungu ili aweze kugaeleza? Kpwa utu wani tsi ikabanangbwa na kuhendwa gandzo dza jangbwa hata mutu asiweze kuitsupira?

Alawi 26:31

Ndaihenda midzi yenu ikale magandzo, na kubananga mwatu mwenu mwa kuabudu. Na kungu nono ya sadaka zenu taindanihamira.

Zefania 2:5

Shaka hiro mwi atu kula Kerethi msagalao pwani kulunga-lunga bahari. Neno ra Mwenyezi Mlungu ri chinyumecho uwe Kanani, yani tsi ya Afilisti. Ndakuangamiza na taphana hata mutu ndiyesala kpwenye tsiiyo.

Zakariya 7:14

Náatsamula na chikulukulu kuaphirika tsi zanjina zosi ambazo kala taazimanya. Kpwa hivyo yo tsi yao ariyoiricha ichisala gandzo, hata kuchikala takuna mutu ainjiraye wala atulukaye. Aho aihenda tsi nono ikale gandzo.’ ”

Mathayo 23:38

Haya phundzani, mkarichirwa mudzi wenu enye na vivi ni muhuphu.

1 Akorintho 10:11

Phahi mambo higo gaaphaha atu hinyo ili gakale mifwano kpwehu, nago gaandikpwa ili gahukanye swiswi ambao hunaishi siku za mwisho.

1 Akorintho 10:6

Phahi mambo higa gahendeka ili gahukanye sisi, naswi husiaze kuhenda mai dza akare ehu arivyohenda,

Joshuwa 23:4

Hebu lolani nákuganyirani kpwa kupiga kura tsi za mataifa ganjina garigosala phamwenga na mataifa ganjina gosi ambago hwagashinda kare. Tsi hizi nákuganyirani zikale urisi wa mbari zenu kula muho Joridani hadi Bahari Kulu iriyo uphande wa mtswerero wa dzuwa.