Zefania 1:3 - Digo Bible

³ anadamu, nyama, nyama a mapha na ngʼonda. Chila chimuhendacho mwanadamu kuhenda dambi, ndachiangamiza phamwenga na atu ayi. Nindaphyera anadamu osi duniani, mimi Mwenyezi Mlungu nkaamba.

Zefania 1:3 Iomraidhean Croise

Mwandzo 6:7

na Mwenyezi Mlungu achiamba, “Nindaangamiza anadamu nrioaumba himu duniani, na piya nyama, nyama a kuambala na nyama a mapha, kpwa mana baha kala siaumbire.”

Isaya 27:9

Kpwa njira ihi, uyi wa chivyazi cha Jakobo undatsuswa, vivi ndivyo dambize ndivyoswamehewa kabisa, andabananga-bananga mwatu mwa kulavira vizuka sadaka, na kusaga-saga mawe gosi ga mwatu himo hadi gakale chokaa, taphana viguzo vya Ashera au mwatu mwa kufukizira uvumba ndimosala.

Isaya 6:11

Ndipho nchiuza, “Ee Mwenyezi Mlungu, hadi rini?” Naye achinijibu achiamba, “Hadi midzi ndiphokala magandzo, na ikale wekee bila atu, nyumba zitsamwe na minda irichwe bila kurimwa.

Isaya 6:12

Hadi Mwenyezi Mlungu ndiphotsamiza atu aphiye kure sana. Na tsi yosi irichwe bila atu.

Jeremia 12:4

Yo tsi indaenderera kusononeka hadi rini? Na zo nyasi kunyala mindani? Kpwa sababu ya uyi wa nyo asagalao mumo nyama na nyama a mapha akamalwa tse mana aamba, “Mlungu kandagaona go huhendago.”

Jeremia 50:3

“Mana taifa kula vurini rikedza kupigana naye, ambaro rindabananga tsiiye tsetsetse. Takuna ndiye sagala mumo, anadamu na nyama andachimbira.

Jeremia 7:20

“Kpwa hivyo Mwenyezi Mlungu anaamba, ‘Kureya kpwangu na tsukizi zangu zindamwagbwa phatu phapha, dzulu ya atu na nyama, dzulu ya mihi ya mindani na matunda ga weruni. Gandaaka na moho nao taundazimwa tse.’ ”

Jeremia 9:10

Nindatulukpwa ni matsozi kpwa kuririra yo myango, na kusononekera nyasi za jangbwani, mana zindabanangbwa na takuna ndiyetsapira, na ngʼombe tazindasikirwa zichirira tsona Nyama a mapha na nyama a tsakani akachimbira na kuzirimika.

Ezekieli 44:12

Kpwa sababu aahumikira mbere za vizuka vyao, ahenda atu a Iziraeli ahende dambi, kpwa hivyo nkaapa kukala andatiywa adabu kpwa dambi zao, Mwenyezi Mlungu anaamba.

Ezekieli 7:19

Andatsupha feza zao mo njira-njira na zahabu zao andaziona najisi, tazindaaokola siku ya tsukizi za Mwenyezi Mlungu. Tazindaamvunisa wala kuausira ndzala mana ndizo zirizosababisha ahende dambi.

Hosea 14:3

Ashuru taandahutivya, wala farasi ehu a viha taandahuterya. Vizuka hurivyovitengeza enye kpwa mikono yehu, tahundaviiha tsona milungu kpwa kukala uwe ukuonera mbazi anachiya.”

Hosea 14:8

Mwimwi atu a Efuraimu, msikale na vizuka tsona, nindajibu mavoyo genu na nkumanyirireni. Mimi ni dza muhi wenye makodza maitsi, mimi ndiye ninayekuhendani muvyale matunda.”

Hosea 4:3

Kpwa sababu hiyo, yo tsi indauma na osi asagalao mumo anaonda. Nyama a tsakani, nyama a mapha hadi ngʼonda a baharini anafwa.

Zakariya 13:2

Mwenyezi Mlungu, Mlungu wa majeshi anaamba, “Siku iyo, nindausa madzina ga vyo vizuka kula kahi za yo tsi, ili visitambukirwe tsona. Piya nindausa manabii gosi ga handzo genye roho mchafu.

Mathayo 13:41

Mimi, Mutu Yela Mlunguni, ndiphouya kutawala dza mfalume nindahuma malaika angu, akusanye kula ufalume wangu osi ariohenda dambi na osi ariosababisha anjina kuhenda dambi.

Mathayo 23:39

Nakuambirani kukala, tamundaniona tsona hadi wakati ndiphokpwedzaamba, ‘Waajaliwa iye edzaye kpwa dzina ra Mwenyezi Mlungu.’ ”

Maono 2:14

Ela muna utu ambao unanisononesa. Ayawenu anjina analunga mafundzo ga Balaamu. Hiye Balaamu ndiye ariyemfundza Balaki kuhenda Aiziraeli ahende dambi ra kurya vitu vyolavirwa sadaka vizuka, na kuhenda udiya.