Zefania 1:17 - Digo Bible

¹⁷ “Nindaarehera mashaka atu aha chiasi cha kuahenda anyendeke kuno anaphaphasa dza vipofu, kpwa kukala anikosera mimi Mwenyezi Mlungu. Milatso yao indamwagbwa dza madzi na nyufu zao zindarichwa ziole.”

Zefania 1:17 Iomraidhean Croise

Zaburi 83:10

atu urioaangamiza kuko Eni-Dori achikala dza chitole cha ngʼombe dzulu ya tsi.

Isaya 29:10

Mana mwimwi manabii, Mwenyezi Mlungu akakutiyani roho ya usingizi. Akakufungani matso, mwi manabii na kubwiningiza vitswa vyenu, mwi aonadzi.

Isaya 50:1

Mwenyezi Mlungu anaamba hivi, “Chi kuphi cheti cha kumricha mayo yenu? Kpwani nakuguzani ili niriphe madeni? Hata, nárichana na mayo yenu na mwimwi nchikuguzani kpwa sababu ya dambi zenu.

Jeremia 10:18

Mana Mwenyezi Mlungu anaamba, “Lola, atu a tsi naatiya teroni niatsuphe dza dziwe wakati uhu, ndaarehera mateso ambago gandaaguta.”

Jeremia 15:3

“Mimi Mwenyezi Mlungu naamba, ‘Nindaaphirikira aina ne za abanangi. Ndaaphirikira upanga wa kuaolaga, madiya ambago gandaamwamula, nyama a mapha na nyama a tsakani ndioarya na kuaangamiza.

Jeremia 18:21

Kpwa hivyo ariche ana aho ahirike na ndzala, ariche afwe vihani kpwa upanga. Achetu aho naakale bila ana na magungu Alume aho afwe kpwa makongo mai-mai, na ana aho barobaro atsindzwe na upanga vihani.

Jeremia 2:17

Dze, tamuyadzirehera enye mambo gano kpwa kumricha Mwenyezi Mlungu, Mlungu wenu ariphokulongozani njira?

Jeremia 2:19

Uyio mwenye undakutiya adabu, na kuasiko kundakudemurira. Vivi manya kukala, kumricha Mwenyezi Mlungu, Mlunguo na kusamuogopha, ni utu uyi na wa kulumiza, Mwenyezi Mlungu, Mlungu wa majeshi anaamba.

Jeremia 3:25

Nahulale photsi kpwa waibu hurio nao na waibu wehu ukale wazi, mana hukamuhendera dambi Mwenyezi Mlungu, Mlungu wehu, swiswi na baba zehu hangu hu adide hadi rero. Tahuyaishimu sauti ya Mwenyezi Mlungu, Mlungu wehu.”

Jeremia 4:18

Njira zenu na mahendo genu gakahureherani mai gaga. Higa ndigo mafwa ambago gakakuphahani tsona ga utsungu, sonono ikakuinjirani hadi mwenu mioyoni.”

Jeremia 8:2

Nayo indatsamulwa ipigbwe ni dzuwa na mwezi na viumbe vyosi vya mlunguni, ambavyo avimendza na kuvihumikira, ambavyo avilunga na kuviabudu, nayo taindakusanywa na kuzikpwa ela indakala dza mavi pho photsi.

Sonono za Jeremia 1:14

Dambi zangu zafungbwa kpwenye gogolo, kpwa mikonoye wazifunga phamwenga, nazo achinivwika mwangu singoni. Akanihenda nisirirwe ni mkpwotse. Mwenyezi Mlungu wanilavya mikononi mwa nyo ambao siaturya.

Sonono za Jeremia 1:18

“Mwenyezi Mlungu ni wa haki, mana nkakala wa kuasi nenore, ela phundzani mwimwi mataifa, lolani kugaya kpwangu. Ahana angu na asichana angu akahalwa mateka.

Sonono za Jeremia 1:8

Jerusalemu akahenda dambi sana, kpwa hivyo akakala najisi osi ariokala anamuishimu anamʼbera mana akaona chitsahache. Ye mwenye anaula na kufyula usowe kpwa waibu.

Sonono za Jeremia 2:21

Miri ya avyere kpwa adide irere photsi barabarani; ahana angu na asichana angu akagbwa kpwa upanga. Uwe waaolaga wakati wa tsukizizo, waatsindza bila mbazi.

Ezekieli 16:38

Nami nindakutiya adabu dza achetu ariolólwa kuno ni azindzi na ni aolagadzi. Kpwa tsukizi zangu na wivu wangu nindakuamula chifo.

Ezekieli 24:7

Mana mlatso arioumwaga u kahi-kahiye, kaumwagire photsi ili aufwinike na mitsanga ela waumwaga phereru dzulu ya mwamba.

Ezekieli 24:8

Kpwa kufyakatsira tsukizi zangu na kuriphiza chisasi, nyo mlatso nauiika phereru dzulu ya mwamba ili usisirirwe.

Amosi 4:10

“Nchikureherani makongo dza nrigophirika Misiri barobaro enu náahenda aolagbwe kpwa upanga nchisababisha farasi enu ahalwe, na nchihenda lovu ra nyufu kpwenye kambi yenu rikuinjireni mwenu pulani ela tamuyaniuyira vivyo,” Mwenyezi Mlungu anaamba.

Mika 7:13

Ela tsi indakala Gandzo, dza kutiywa adabu kpwa sababu ya mai arigohendera atu ariosagala himo.

Mathayo 15:14

Msidzishuulishe na hinyo vilongozi vipofu. Chipofu achilongoza chipofu myawe, osi airi andavoromoka dibwani.”

Arumi 11:25

Enehu, nalonda mmanye mpango hinyo wa siri wa Mlungu ili sedze mkadzitogola. Aiziraeli akala visoto kpwa muda hadi isabu ya atu ambao sio Aiziraeli ndiphokamilika kuphokerwa ni Mlungu.

Arumi 11:7

Kpwa hivyo ni hivi phahi: Aiziraeli anji aendza kuphaha haki na achiikosa, ela ariotsambulwa ni Mlungu aiphaha. Nao anjina osi achihendwa visoto,

2 Akorintho 4:4

Naye Shetani, ambaye ni mlungu wa handzo wa dunia hino, watiya jiza achili za atu hinyo asiomkuluphira Jesu, ili asiweze kuona mwanga wa iyo habari nono ambao unaangʼarira. Piya taaelewa gara hunagohubiri kuhusu utukufu wa Jesu, ambaye ni mfwano haswa wa Mlungu.

2 Petero 1:9

Ela yeyesi asiye na togo zizo ni dza mutu ariye na matso na kaona mana kaelewa mambo ga chiroho, tsona akayala kukala Mlungu wamswamehe dambize zosi arizohenda pho kare.

1 Johana 2:11

Ela mutu aziraye myawe a jizani wala kamanya aphiyako, mana jiza ramuhenda chipofu.

Maono 3:17

Munaamba ati mu matajiri na muna chila chitu, hata tamuna mutsowacho! Kumbavi tammanya rorosi, muna mashaka ndulu ndzima! Tamdzimanya kala munafwaha kuonerwa mbazi kpwa vira mu achiya, mu vipofu, tsona mu vitsaha.