Zakariya 9:1 - Digo Bible

¹ Ujumbe wa Mwenyezi Mlungu kuhusu tsi ya Hadiraki, na mudzi wa Damasikasi ni phatuphe pha kuoya. Kpwa mana Mwenyezi Mlungu analola anadamu osi dza viratu alolavyo mbari zosi za Iziraeli.

Zakariya 9:1 Iomraidhean Croise

Mwandzo 14:15

Hiko waaganya atue madiba-madiba; usiku achipigana na hara maadui na achiashinda. Achiazoresa hadi Hoba ambako ni uphande wa vurini wa mudzi wa Damasikasi.

2 Nyakati 20:12

Ee Mlungu wehu, vino hano kundaamula? Kpwa mana swino tahuriweza likumundi hiri ambaro riredza kuhuvamia. Swino tahumanya huendedze, ela matso gehu ganakulola uwe.”

Zaburi 145:15

Viumbe vyosi vinakulolera uwe nawe unavipha chakurya kpwa wakati unaofwa.

Zaburi 25:15

Wakati wosi namlola Mwenyezi Mlungu anisaidiye, mana iye ndiye anitivyaye na mihambo.

Isaya 13:1

Hino ni ruwiya iriyoonyeswa Isaya mwana wa Amozi kuhusu Babeli:

Isaya 52:10

Mwenyezi Mlungu andaunula mkpwonowe mtakatifu wenye uwezo mbere za mataifa gosi, andaaokola atue duniani kosi, na atu andaona wokofu wa Mlungu wehu.

Jeremia 16:19

Ee Mwenyezi Mlungu uriye nguvu yangu na ngome yangu, uriye kuluphiro rangu wakati wa tabu, ko kpwako mataifa ganjina gandakulunga kula pembe za dunia na kuamba, “Sowe zenu taayakala na chitu isiphokala milungu ya handzo ambayo taiyaafwaha chitu.

Jeremia 32:19

Ushaurio na mahendogo ni makulu. Uwe unaona gosi gahendwago ni anadamu, uwe ukutuza chila mutu kulengana na tabiyaze na mahendoge.

Amosi 1:9

Mwenyezi Mlungu anaamba, “Kpwa sababu atu a Tiro akahenda dambi vivyo kpwa vivyo, ni niatiye adabu. Aho ahala mateka malalo mazima-mazima, na atue achiaguza dza atumwa kpwa Aedomu, nao taayagbwira chilagane cha udugu.

Amosi 3:12

Mwenyezi Mlungu anaamba, “Aiziraeli achache asagalao mudzi wa Samariya andatiya na kutsola-tsola vipande vya makochi na magunguhi ga vitanda bahi. Indakala dza wakati ambao mrisa andatsola marondo mairi au chipande cha sikiro ra ngʼondzi chiroriwa ni simba.”

Nahumu 1:1

Hichi ni chitabu cha ruwiya za Nahumu kula chidzidzi cha Elikoshi. Ni maono kuhusu mudzi wa Ninawi.

Zakariya 4:10

Mana hata ye ariyebera siku ya mambo madide-madide andahererwa ndiphoona Zerubabeli ana kabiro mkpwononi, anadzenga. Chisha ye malaika achiniambira, “Hizi taa sabaa ni matso ga Mwenyezi Mlungu, nago ganaona chila phatu duniani.”

Zakariya 5:4

Mwenyezi Mlungu, Mlungu wa majeshi anaamba, ‘Nindaihuma hino lana, nayo indamenya nyumbani mwa muivi na nyumbani mwa iye anayeapa wakati anagomba handzo. Indakala mumo hadi ibomole na kubananga mbaoze na mawege.’ ”

Malaki 1:1

Hiri ni neno ra Mwenyezi Mlungu kpwa Aiziraeli kutsupira nabii Malaki.