Zakariya 8:16 - Digo Bible

¹⁶ Higa ndigo mambo ambago ni muhende: Ambiranani kpweli, amulani na haki kukale na amani.

Zakariya 8:16 Iomraidhean Croise

Zaburi 15:2

Ni yuya asiye na makosa, ahendaye haki na kugomba kpweli kula mwakpwe moyoni.

Zaburi 34:15

Matso ga Mwenyezi Mlungu ganalola ahendao haki, na masikiroge ganaphundza chiriro chao.

Misemo 12:17

Shaidi anayegomba kpweli nkulavya ushaidi wa kpweli, ela shaidi wa handzo nkugomba handzo.

Misemo 12:19

Kpweli inadumu hata kare na kare, ela handzo ni ra wakati mfupi.

Isaya 9:7

Uwezo wa utawalawe taundakala na mwisho, amaniye indaenderera hadi kare na kare. Andatawala kula Jerusalemu dza mfalume Daudi, na auhende ufalumewe ukale na nguvu. Siku zosi andatawala na kpweli na haki kula sambi hata kare na kare. Mwenyezi Mlungu, Mlungu wa majeshi andahakikisha higa gakahendeka.

Jeremia 22:3

Mwenyezi Mlungu anaamba kukala muhende ga haki na garigo sawa. Mteryeni achiyetiywa mikononi mwa atu ayi achiomuiyira malize. Musiahendere mai ajeni, anachiya na magungu wala msimwage mlatso wa mutu asiye na makosa kahi ya tsi ihi.

Ezekieli 18:8

Mutu iye kaaphasa ili aphahe fwaida, ela nkuepusha mkpwonowe usihende mai, nkuhukumu kpwa haki kahi ya mutu na myawe

Ezekieli 45:9

“Mwenyezi Mlungu anaamba hivi: Vinatosha mwi akulu a Iziraeli! Komesani fujo na kuonera, na mkahukumu kpwa haki. Richani kuausa atu angu kula kpwenye tsi yao, Mwenyezi Mlungu anaamba.

Alawi 19:11

“Msiiye, msigombe handzo wala kuchengana.

Amosi 5:15

Menani mai na mmendze manono na muhakikishe haki inalungbwa mwenu makotini mendzerepho Mwenyezi Mlungu, Mlungu wa majeshi, andaonera mbazi atu a Yusufu ariosala.

Amosi 5:24

Ela uamuli wa haki ujere dza madzi, na haki dza muho usiouma.

Mika 6:12

Atue ario matajiri a mudzi wa fujo na enyezie ana handzo aho anagomba handzo.

Mika 6:8

Hata, uwe mwanadamu Mwenyezi Mlungu akakuonyesa ririro ra sawa. Ye Mwenyezi Mlungu analonda utu wani? Iye analonda uhende haki na ukale na mendzwa isiyosika, ukale mutu wa kugbwa maguluni mbereze.

Zefania 3:13

Nyo Aiziraeli ndiosala taandahenda mai na taandagomba handzo, mana takundakala na mutu wa handzo kahi yao. Andarisa na kulala salama na takuna yeyesi ndiyeaogofyera.”

Zakariya 7:9

“Mwenyezi Mlungu, Mlungu wa majeshi anaamba hivi, ‘Lavyani uamuli wa haki, muonerane mbazi na mmendzane.

Zakariya 8:19

“Mwenyezi Mlungu, Mlungu wa majeshi anaamba hivi, ‘Mfungo wa mwezi wa ne, wa mwezi wa tsano, wa mwezi wa sabaa na wa mwezi wa kumi undakala wakati wa kusherekeya na kuhamirwa kpwa atu a Juda. Kpwa hivyo mendzani kpweli na amani.’ ”

Zakariya 8:3

Chisha Mwenyezi Mlungu anaamba hivi, ‘Nindauya Sayuni na nindasagala Jerusalemu. Nayo Jerusalemu indaihwa Mudzi wa Kukuluphirika na Mwango wa Mwenyezi Mlungu, Mlungu wa majeshi, undaihwa Mwango Mtakatifu.’

Mathayo 5:9

Baha apatanishao atu, mana andaihwa ana a Mlungu.

Aefeso 4:17

Phahi enehu, nakuonyani dza mtume wa Bwana Jesu: Msiishi tsona dza atu asiommanya Mlungu, ambao maazo gao ni ga chipuzi.

Aefeso 4:25

Phahi richani handzo. Chila mmwenga ni lazima amuambire myawe kpweli, mana hosi hu vilungo vya mwiri mmwenga.

1 Athesalonike 4:6

Phahi mutu naasimkosere myawe hata chidide kuhusu dzambo hiri. Mana hwakuambirani kare na huchikukanyani kukala Bwana Jesu andaatiya adabu kali ahendao mambo higo.

Maono 21:8

Ela phahi aoga, asiomkuluphira Mlungu, akora, aolagadzi, adiya, atsai, aabuduo vizuka, na a handzo, aho osi phatu phao ni ziya ra moho mkali wa chibiriti. Na chicho ndicho chifo cha phiri.”