Zakariya 8:12 - Digo Bible

¹² ‘Mana atu andaphanda kpwa amani, mizabibu indavyala matundage, tsi indalavya mavuno na mlunguni kundalavya manena. Nindaapha atu aha ariosala vitu hivi vyosi vikale vyao.

Zakariya 8:12 Iomraidhean Croise

Mwandzo 26:12

Isaka warima munda tsi iyo na mwaka hinyo-hinyo wavuna kano gana ya chipimo chophanda, mana Mwenyezi Mlungu wamjaliya.

Mwandzo 27:28

Mlungu akuphe mvula nyinji na minda ya rutuba ili uphahe mavuno manji na uchi munji.

1 Afalume 17:1

Phahi Elija kula chidzidzi cha Tishibi ko Giliadi wamuambira mfalume Ahabu, “Kama Mwenyezi Mlungu, Mlungu wa Iziraeli aishivyo, Mlungu ambaye namuhumikira, takundakala umande wala mvula miaka hino michache yedzayo hadi ndiphogomba.”

Zaburi 72:3

Myango nairehere atu mafwanikiyo na vidzango virehe haki.

Zaburi 85:12

Ee, Mwenyezi Mlungu andahurehera mambo manono, nayo tsi yehu indalavya mavuno manji.

Misemo 19:12

Tsukizi za mfalume ni dza ngurumo ya simba, ela mendzwaye ni dza manena garigo nyasini.

Isaya 30:23

Mwenyezi Mlungu andahenda mvula inye kpwa ajili ya mbeyu zenu mchizophanda. Minda yenu indavyala mtsere munji na mifugo yenu indaphaha nyasi nyinji za kurisa.

Isaya 61:7

Badala ya waibu muriophaha, mundaphaha ishima kano mbiri, phatu pha kuberwa, mundahamirwa ni urisi wenu. Mundaphaha mtalo kano mbiri kahi ya tsi yenu, na mundahererwa hata kare na kare.

Jeremia 31:12

Andakpwedza aimbe na raka ra dzulu pho mwango wa Sayuni, andahererwa kpwa sababu ya unono wa Mwenyezi Mlungu, kpwa mtsere, uchi na mafuha niaphago, na kpwa mangʼondzi na ngʼombe piya. Maisha gao gandakala dza minda iriyo na chinemi, nao taandakala na sonono tsona.

Ezekieli 34:28

Vitu vyao tavindahalwa zewe tsona ni mataifa wala kuriwa ni nyama a tsakani, nao andaishi salama na taphana ndiyeaogofyera.

Ezekieli 36:12

Nindaahenda atu, atu angu Iziraeli asagale dzulu zenu. Mundakala mali na urisi wa atu angu. Namwi tamundahala tsona ana ao.

Ezekieli 36:30

Nindahenda matunda ga mihini na mavuno ga mindani gakale manji, ili msiphahe waibu kahi za mataifa kpwa sababu ya ndzala.

Ezekieli 36:9

Mana mimi ni uphande wenu, nami ndakupendeleya nawe undarimwa na kuphandwa mbeyu.

Hosea 13:3

Kpwa hivyo aho andakala dza kunje ra ligundzu, andakala dza manena gaumago mara mwenga. Andakala dza wiswa uphepheruswao ni phepho kula phatu pha kuwagira, au andakala dza mosi utulukao na dirishani.

Hosea 14:5

Mimi nindakala dza manena kpwa Aiziraeli. Aho andabumula dza maruwa, mizi yao indagota dza mierezi ya Lebanoni.

Joeli 2:19

Mwenyezi Mlungu achijibu atue achiamba, “Lolani ninakureherani mtsere, uchi muphya wa zabibu na mafuha hadi mtosheke. Wala sindakuhendani muberwe kahi ya mataifa ganjina.

Joeli 2:22

Mwi nyama a tsakani, msiogophe, mana hiko weruni kundakala tele nyasi mbitsi. Mihi inavyala matunda mizabibu na mitini inavyala kpwa unji tsona.

Alawi 26:3

“Ichikala mundalunga malagizo gangu na kugbwira shariya zangu,

Zefania 3:13

Nyo Aiziraeli ndiosala taandahenda mai na taandagomba handzo, mana takundakala na mutu wa handzo kahi yao. Andarisa na kulala salama na takuna yeyesi ndiyeaogofyera.”

Hagai 1:10

Kpwa hivyo, kpwa sababu yenu mwimwi manena ambago ni baraka za mlunguni tagapho na tsi nayo ikazuwiywa isivyale chitu.

Hagai 2:18

Kula rero, tarehe mirongo miiri na ne mwezi wa tisiya, kpwenderera, ririkanani vinono kuhusu siku hino ambapho nyumba ya Mwenyezi Mlungu ikasira kudzengerwa msingi. Ririkanani vinono.

Hagai 2:19

Kama mmanyavyo himo chitsagani tamuna mbeyu na mizabibu, mikuyu, mikomamanga na mizaituni taidzangbwevyala matunda. Ela kula rero nindakujaliyani.”

Zakariya 8:6

Mwenyezi Mlungu, Mlungu wa majeshi anaamba hivi, ‘Nyo atu achache ndiokala akasala wakati uho anaweza kuona avi neno riri tariwezekana. Dze, rikale kpwangu tariwezekana?’

Malaki 3:11

Mwenyezi Mlungu, Mlungu wa majeshi anaamba, “Nindaademurira adudu aryao mimea yenu ili asibanange mavuno ga minda yenu na mizabibu iriyo mwenu mindani taindakosa kuvyala.”

Mathayo 6:33

Phahi, endzani ufalume wa Mlungu kpwandza na muhende hakiye na go ganjina gosi andakuenjerezani.

1 Akorintho 3:21

Phahi mutu naasidzikarye kuhusu chilongozi fulani. Mana vitu vyosi ni vyenu,

Kumbukumbu 32:2

Mafundzo gangu gandateha-teha dza mvula, maneno gangu gandatwena dza manena. Gandakala dza manyunyu kpwenye mimea mitsanga, dza mvula chache-chache kpwenye nyasi.

Kumbukumbu 33:13

Kuhusu mbari ya Yusufu achiamba, “Mwenyezi Mlungu ajaliye tsiiye, kpwa baraka nono kabisa kula dzulu mlunguni na manena, na kpwa madzi galago tsini.

Kumbukumbu 33:28

Kpwa hiyo, atu a Iziraeli achisagala salama, chivyazi cha Jakobo machiyao, kpwenye tsi yoodzala mtsere na uchi wa zabibu, tsi ambayo inaphaha manena kula mlunguni.

Jakobo 3:18

Atu ambao nkuunganisha atu anaoheha, ni dza atu ario anaphanda mbeyu za amani, nao andavuna haki.