Zakariya 5:4 - Digo Bible

⁴ Mwenyezi Mlungu, Mlungu wa majeshi anaamba, ‘Nindaihuma hino lana, nayo indamenya nyumbani mwa muivi na nyumbani mwa iye anayeapa wakati anagomba handzo. Indakala mumo hadi ibomole na kubananga mbaoze na mawege.’ ”

Zakariya 5:4 Iomraidhean Croise

Ayubu 18:15

Tamundakala chirichoche mo mwakpwe hemani chibiriti chindatsamulwa dzulu ya makaloge.

Ayubu 20:26

Chilungulungu cha jiza chinagodzera akibaze, moho ambao tauasirwe ni mwanadamu undamuocha, na cho ndichokala chikasala mo mwakpwe hemani chindaphya.

Ayubu 8:15

Nkujejemera nyo muhambo, ela tauazuwiya, nkuugbwira ngingingi ela tauaterya.

Ayubu 8:22

Osi akuberao andatiywa waibu, na makalo ga atu ayi tagandakalako tsona.”

Misemo 3:33

Mwenyezi Mlungu anaapiza nyumba za atu ai, ela anabariki za enye haki.

Isaya 24:6

Ndiyo mana dunia ikalaniwa, na hinyo aisagalao anagaya kpwa makosa gao. Ndiyo mana atu aisagalao dunia akafwa achiosala ni achache tu.

Jeremia 2:26

Dza muivi agbwirwavyo ni waibu anaphogbwirwa ndivyo atu a Iziraeli ndivyogbwirwa ni haya: Aho, afalume aho na maofisaa gao, alavyadzi-sadaka aho na manabii ao.

Hosea 4:2

Kazi yenu ni kulani, kuchenga, kuolaga, kuiya na kuzinga. Atu ahendao mambo chimabavu, hipha na hipha anaolaga ayawao.

Hosea 4:3

Kpwa sababu hiyo, yo tsi indauma na osi asagalao mumo anaonda. Nyama a tsakani, nyama a mapha hadi ngʼonda a baharini anafwa.

Amosi 3:10

Mwenyezi Mlungu anaamba, “Taamanya kuhenda haki aho atu aikao mali mwao ngomeni arizoziphaha kpwa kuhumira fujo.”

Zakariya 5:3

Naye achiniamba, “Chitabu hichi chikaandikpwa lana ambayo indaphiya tsi yosi ya Juda. Uphande mmwenga chikaandikpwa kukala chila ndiyeiya andaikpwa nyunga ni utsi, na ura wa phiri chikaandikpwa kukala chila anayeapa wakati anagomba handzo piya andatengbwa na utsi.

Zakariya 8:17

Msiaze kupangirana mai mwenu mioyoni na msimendze kuapa kpwa dzambo ra handzo. Mana gaga gosi nagamena, mimi Mwenyezi Mlungu nkaamba.’ ”

Malaki 3:5

Mwenyezi Mlungu, Mlungu wa majeshi anaamba, “Nami nindasengera phephi namwi nilavye uamuli. Nindalavya ushaidi upesi chinyume cha atsai, azinifu, anaoapa na handzo, anaoakopya vibaruwa katika maripho gao, anaoonera magungu na anachiya na anaonera atsupi a njira, jibu osi ambao taaniogopha.”

Kumbukumbu 28:16

“Mundalaniwa kpwenye midzi yenu na minda yenu.

Kumbukumbu 7:26

Usitiye mwako nyumbani chitu cha kutsukiza Mlungu, sedze ukatengbwa kpwa ajili ya kuangamizwa dza chitu hicho. Vimeneni na kuvibera kpwa sababu ni vitu virivyotengbwa ili viangamizwe tsetsetse.”

Joshuwa 9:20

Ela hundaahendera hivi: hundaaricha aishi, sedze Mlungu akahutsukirirwa kpwa sababu hukavundza mapatano hurigoaapira.”