Zakariya 2:5 - Digo Bible

⁵ Kpwa mana mimi mwenye, nindakala ukuta wa moho kuzunguluka nyo mudzi wosi, mimi Mwenyezi Mlungu nkaamba. Nami nindakala utukufu mo mudzini.’ ”

Zakariya 2:5 Iomraidhean Croise

Zaburi 125:2

Dza vira myango chivyozunguluka Jerusalemu, ndivyo Mwenyezi Mlungu azungulukavyo atue hangu sambi hata kare na kare.

Zaburi 3:3

Uwe Mwenyezi Mlungu ndiwe ngao yangu. Uwe ndiwe nguma yangu, na ndiwe unitiyaye moyo.

Zaburi 46:5

Mudzi hinyo taundabanangbwa, mana Mlungu asagala mumo, naye nkuuterya chila kuchapho.

Zaburi 48:12

Nyendekani, zungulukani Sayuni yosi muolange minaraye,

Zaburi 48:3

Kahi za ngomeze, Mlungu akadzionyesa kukala iye ndiye mrindzi.

Zaburi 85:9

Hakika iye a tayari kutivya hinyo amuogophao, ili ngumaye isale kpwenye tsi yehu.

Isaya 12:6

Kotani kululu na muimbe kpwa kuhererwa mwimwi atu a Sayuni, mana Mtakatifu wa Iziraeli ni mkpwulu kahi yenu.”

Isaya 31:9

Urindzi wa Aashuru undagbwa kpwa sababu ya wuoga, Akulue a viha andadziondoka achimbire ariche bendera yao vihani.” Hivi ndivyo Mwenyezi Mlungu aambavyo iye ambaye mohowe mkpwulu u dzulu ya mwango Sayuni na jimbi-jimbire ri Jerusalemu.

Isaya 32:18

Atu angu andasagala kpwa amani makalo gao gandakala phatu salama pha kuishi, andahurira na taandayugbwa ni yeyesi.

Isaya 33:21

Kpwa kpweli, hipho Mwenyezi Mlungu wa nguvu andakala phamwenga naswi. Iye andaphahenda hipho phakale dza phatu phenye myuho mipana na vidzuho. Phatu ambapho meli kulu za maadui tazindaphafika.

Isaya 4:5

Chisha Mwenyezi Mlungu andareha ingu ra mosi wakati wa mutsi, na jimbijimbi ra moho wakati wa usiku, dzulu ya mwango Sayuni na osi chiokusanyika hipho. Nayo nguma ya Mlungu indafwinika mudzi wosi.

Jeremia 31:39

Na muphakawe undaphiya kure hadi mwango Garebu, chisha ugaluke kuelekea Goa.

Ezekieli 38:14

“Kpwa hivyo uwe mwanadamu, lavya unabii na uambire Gogu, ‘Mwenyezi Mlungu anaamba hivi: Siku iyo uwe undamanya kukala atu angu Iziraeli anasagala salama,

Ezekieli 42:20

Phahi wapima zo seemu za pande zosi ne za ukuta wa kutenga phatu phatakatifu na phatu pha kawaida. Nao kala una ure wa mita magana mairi na mirongo mitsano chila uphande.

Ezekieli 47:3

Chisha ye mutu waphiya uphande wa mlairo wa dzuwa kuno akagbwiririra mkpwowa wa kupimira, achipima mita magana matsano na achinilongoza kutsupira madzi gofika nguyuni.

Zakariya 1:16

Kpwa hivyo, Mwenyezi Mlungu, Mlungu wa majeshi anaamba hivi, “Nikauya Jerusalemu ili niyoonere mbazi. Nyumba yangu ya mavoyo indadzengbwa luphya mumo, na mkpwowa wa kupimira ukagoloswa kare kupima Jerusalemu.”

Zakariya 2:10

Mwenyezi Mlungu anaamba, “Imbani na muhererwe mwi atu a Sayuni, mana nindasagala kahi yenu.”

Zakariya 2:11

Siku iyo atu a tsi nyinji andakpwedza kpwa Mwenyezi Mlungu, nao andakala ni atue. Naye andasagala kahi yenu, namwi mundamanya kukala Mwenyezi Mlungu, Mlungu wa majeshi ndiye ariyenihuma.

Zakariya 9:14

Chisha Mwenyezi Mlungu andatsembuka dzulu yao, na miviye indaphiya dza limeme. Mwenyezi Mlungu andapiga gunda na kunyendeka kpwenye chikulukulu kula mwakani.

Zakariya 9:8

Chisha nindachita kambi kuzunguluka nyumba yangu niirinde, ili majeshi ga maadui gangu gasitsupe na phapho, kusikale na mutu wa kuaonera tsona atu angu, mana nkaona mwenye go mateso ga atu angu.

Luka 2:32

Ni mwanga ndiongʼarira atu ambao sio Aiziraeli kuaonyesa mendzwayo, na ni mwanga wa kureha nguma kpwa atuo Aiziraeli.”

Maono 21:23

Mudzi hinyo tauna haja ya mwanga wa dzuwa ama mwezi, mana nkungʼarirwa ni utukufu wa Mlungu, na Mwana ngʼondzi ndiye taa ya nyo mudzi.