Zakariya 2:13 - Digo Bible

¹³ Nyamalani mbere za Mwenyezi Mlungu mwimwi mosi, mana iye aredza kula phatuphe phatakatifu.

Zakariya 2:13 Iomraidhean Croise

2 Nyakati 30:27

Ndipho alavyadzi-sadaka na Alawi achiima na achiavoyera atu baraka. Naye Mwenyezi Mlungu achisikira kula makaloge hiko mlunguni na achikubali mavoyo gao.

Zaburi 11:4

Mwenyezi Mlungu a ndani ya nyumba takatifu ya kuvoya Mlungu na chihiche cha utawala chi mlunguni. Iye analola anadamu osi na anachunguza gara ahendago.

Zaburi 46:10

Iye anaamba, “Hurirani mmanye kukala mimi ndimi Mlungu! Mimi natogolwa ni chila taifa, Mimi natogolwa duniani kosi.”

Zaburi 68:5

Mlungu, asagalaye kpwenye makaloge matakatifu, ni baba wa anachiya na mrindzi wa magungu.

Zaburi 78:65

Halafu Mwenyezi Mlungu walamuka dza alaye usingizini, dza mutu jasiri achiyechangamshwa ni uchi.

Isaya 14:2

Atu anjina anji andaaterya Aiziraeli kuuya kpwenye tsi yao ariyowewa ni Mwenyezi Mlungu. Hinyo Aiziraeli andaamiliki atu hano alume kpwa achetu akale atumwa ao. Andaahala mateka atu ambao kala akaateka na andatawala atu ambao kala anaaonera

Isaya 19:16

Siku Mwenyezi Mlungu, Mlungu wa majeshi ndiphounula mkpwonowe chinyume cha Misiri, Amisiri andakala dza achetu, andakakama kpwa wuoga.

Isaya 41:1

Nyamalani mnisikize mwi atu a visuwani, atu a mataifa ni adzitiye nguvu nyiphya, aricheni asengere edze agombe, na hukusanyikeni phamwenga phapho phatu pha uamuli.

Isaya 51:9

Lamuka, uwe Mwenyezi Mlungu uhuterye. Humira uwezoo uhuokole, uuhumire dza urivyouhumira pho kare. Dze, siwe uriyekata ro dzoka ra Naili riihwaro Rahabu?

Isaya 57:15

Mana vivi ndivyo aambavyo iye ariye dzulu, iye aunulwaye sana, iye ariye moyo hata kare na kare, ambaye dzinare ni Mtakatifu, “Mimi nasagala phatu phatakatifu pharipho dzulu, chisha ninasagala phamwenga na nyo adzitserezao na kutubu, ili niatiye nguvu nyiphya.

Isaya 57:5

Mwi muhendao muzingao tsini ya mialoni, na tsini ya chila muhi wenye pepho. Munalavya ana enu sadaka madeteni, tsini ya mapango ga myamba.

Isaya 63:15

Hulole kula ko mlunguni, na uone kula kpwenye makalogo matakatifu ga nguma. U phaphi wivuo na uwezoo? Usiriche kuhuonera mbazi,

Jeremia 25:30

“Phahi tabiri maneno gaga gosi na uambire: Mwenyezi Mlungu andanguruma kula dzulu, andaruruma kula phatuphe phatakatifu, andangurumira atue kpwa nguvu, andakota kululu dza atu aminyao zabibu, andangurumira atu osi a duniani.

Habakuki 2:20

Ela, Mwenyezi Mlungu ye, a kpwenye Nyumbaye takatifu ya kuvoya Mlungu, tsi yosi nainyamale mbereze.

Zefania 1:7

Nyamalani mbere za Mwenyezi Mlungu, kpwa kukala siku ya Mwenyezi Mlungu i phephi. Mwenyezi Mlungu akatayarisha sadaka na arioaalika akaatakasa.

Zefania 2:9

Kpwa hivyo, mimi Mwenyezi Mlungu, Mlungu wa majeshi naamba, kpwa kpweli dza niishivyo, mimi Mlungu wa Iziraeli, naapa kukala Moabu indakala dza Sodoma na Amoni indakala dza Gomora. Tsi hizo zindamera mihi ya miya na madibwa ga munyu, na zindakala tuphu hata kare na kare. Atu angu ndiosala andaziteka tsi zao, atu a taifa rangu ndiosala andazihala zikale urisi wao.”

Zefania 3:8

Kpwa hivyo Mwenyezi Mlungu anaamba, “Godzani siku iyo ambayo ndaunuka dza shaidi, mana nkaamula kukusanya atu a chila taifa na a chila falume, niatiye adabu kpwa usiru wa tsukizi zangu. Nindaocha dunia yosi na moho wa wivu wangu.

Zakariya 4:9

“Zerubabeli ndiye ariyeika msingi wa nyumba ya kuvoya Mlungu na ndiye ndiyemarigiza kuidzenga.” Hipho ndipho undamanya kukala náhumwa kpwenu ni Mwenyezi Mlungu, Mlungu wa majeshi.

Zakariya 6:15

“Na atu ario kure andakpwedza akuteryeni kudzenga luphya yo nyumba ya kuvoya Mwenyezi Mlungu, namwi mundamanya kukala Mwenyezi Mlungu, Mlungu wa majeshi akanihuma kpwenu. Mambo gaga gandakala ichikala mundakala na chadi cha kugbwira gosi ambago Mwenyezi Mlungu, Mlungu wenu anakuambirani.”

Arumi 3:19

Kufikira hipho hunaona kukala hizo Shariya, zichigomba utu wowosi, zinaambira atu osi azilungao. Nazo zaikpwa ili Mlungu ndiphoamula dunia, anadamu asikale na sababu ya kudzihehera, na ionekane wazi kukala atu osi ana makosa mbere za Mlungu.

Arumi 9:20

Ela we, u ani hata umuuze Mlungu? Dze, chitu choumbwa chinaweza kushindana na yechiumba na kuuza, “Kpwa utu wani waniumba hivi?”

Kumbukumbu 18:21

“Mendzerepho mundadziuza, ‘Hundawezadze kumanya neno ambaro Mwenyezi Mlungu kagombere?’

Kumbukumbu 18:22

Napho nabii akagomba chitu na akaamba ni kpwa dzina ra Mwenyezi Mlungu, ela chitu hicho chisihendeke, manyani Mwenyezi Mlungu kagombere. Nabii hiye akadzitungira gakpwe kpwa hivyo msimuogophe.”

Kumbukumbu 26:15

Lola photsi kula makalogo matakatifu hiko mlunguni, ujaliye atuo Iziraeli na tsi uriyohupha, tsi yenye rutuba dza vira urivyolaga akare ehu.’