Zakariya 10:3 - Digo Bible

³ Mwenyezi Mlungu anaamba, “Nkaatsukirirwa sana nyo arisa, nami nindaatiya adabu.” Mana Mwenyezi Mlungu, Mlungu wa majeshi anamanyirira mifugoye, yani atu a Juda, naye andaahenda akale dza farasie anono a viha.

Zakariya 10:3 Iomraidhean Croise

Ayubu 39:25

Gunda ripigbwapho, iye nkurira, Nkunusa kungu ya viha kula kure, nkusikira msindo wa akulu a jeshi na kululu za viha.

Kutsama 4:31

Atumia osi akuluphira, nao ariphosikira kala Mwenyezi Mlungu waona kugaya kpwa atu a Iziraeli na achisononeka, azamisa vitswa vyao na achimuabudu Mlungu.

Misemo 21:31

Farasi nkutayarishwa kpwa ajili ya siku ya viha, ela ushindi nkurehwa ni Mwenyezi Mlungu.

Wira wa Selemani 1:9

Wende wangu, uwe u wa samani na u mnono, dza farasi mchetu kahi za farasi alume a kuvweha magari ga Farao.

Isaya 10:12

Mwenyezi Mlungu anaamba, ndiphomala kuhenda achigopanga kuhendera Jerusalemu na Mwango wa Sayuni, andamtiya adabu mfalume wa Ashuru kpwa vira arivyo na ngulu na kudzikarya.

Isaya 24:21

Wakati hinyo Mwenyezi Mlungu andatiya adabu vitu vyosi virivyo na uwezo ko mlunguni na afalume hipha duniani.

Jeremia 10:21

Mana arisa ni apumbavu, taalonda kuuza kula kpwa Mwenyezi Mlungu kpwa hivyo taadzangbweongokerwa na mangʼondzi gao gosi gakatsamukana.

Jeremia 11:22

Kpwa hivyo Mwenyezi Mlungu, Mlungu wa majeshi anaamba, “Lola, nindaatiya adabu. Avulana aho ndaangamiza kpwa upanga; ana aho alume na achetu andafwa na ndzala.

Jeremia 25:12

Ela bada ya nyo muda wa miaka mirongo sabaa kusira, mimi nindamtiya adabu ye mfalume wa Babeli na tsiiye, yani tsi ya Akalidayo kpwa sababu ya makosa gao, nami yo tsi ndaihenda ikale tuphu hata kare na kare. Mimi Mwenyezi Mlungu nkaamba.

Jeremia 25:34

Rirani na mmwagikpwe ni matsozi mwi arisa, lalani ivuni mwi vilongozi a cho chaa. Mana nyo wakati wa kutsindzwa ukafika mundagbwa na mvundzike-vundzike dza nyungu nono.

Jeremia 50:6

“Atu angu akakala mangʼondzi ga kuangamika. Arisa akagaangamiza na kugahenda gazunguluke ko myangoni. Gakakala ga kudengereka ko myangoni na vidzangoni na kuyala kpwao chaani.

Ezekieli 34:11

“ ‘Mwenyezi Mlungu anaamba hivi: Lola mimi mwenye ndaendza mangʼondzi na mbuzi zangu na kuziroroma vinono.

Ezekieli 34:12

Dza mrisa aendzavyo chaache wakati seemu ya mangʼondzige na mbuzize zikatsamuka, ndivyo ndivyoendza mangʼondzi na mbuzi zangu. Nami ndazitivya kula kosi ambako zatsamulwa siku yofunga jiza kpwa maingu.

Ezekieli 34:2

“Mwanadamu, lavya unabii chinyume cha arisa a Iziraeli uaambire, ‘Mwenyezi Mlungu anaamba hivi: Shauri yao arisa a Iziraeli adzirisao enye! Dze, si kazi ya arisa kurisa mangʼondzi na mbuzi?

Danieli 11:32

Iye andahumira maneno manono-manono kuchenga hara ariovundza chilagane, ela ammanyao Mlungu wao andampinga vikali.

Zefania 1:8

Mwenyezi Mlungu anaamba, “Siku iyo ambayo nindalavya sadaka, ndaatiya adabu akulu a atu na piya ana a mfalume phamwenga na osi alungao mila za chijeni.

Zefania 2:7

Yo tsi ya pwani indakala ya atu a Juda ndiosala, na kuko andaphaha marisa. Dziloni andakpwedza aoye kpwenye nyumba zorichwa hiko Ashikeloni, mana Mwenyezi Mlungu, Mlungu wao andaamanyirira, na aauyizire hali nono ariyokala nayo pho mwandzo.

Zakariya 11:17

Andamanya mwenye ye mrisa asiyekala na mana, arichaye mangʼondzi na mbuzi ziinjirirwe! Upanga naukate mkpwonowe, na uhumbule dzitsore ra kulume! Mkpwonowe naupholoze, na dzitsore ra kulume narihohe kamare!”

Luka 1:68

“Naatogolwe Bwana Mlungu wa Iziraeli, mana wakpwedza kuterya na kukombola atue.

1 Petero 2:12

Kalani na ndzimo nono ili hata ichikala atu asiomkuluphira Mlungu andakuzigani kukala mu ayi, aone mahendo genu manono hata aweze kumtogola Mlungu kpwa ajili yenu hipho siku ya kpwedzakpwe.

Ruthi 1:6

Sambi Naomi ariphokala a hiko Moabu, wasikira kukala Mwenyezi Mlungu waapha atue chakurya hiko Juda, kpwa hivyo iye na akaza anae achifunga charo kuphiya Juda.