Zaburi 81:9 - Digo Bible

⁹ Si ruhusa kukala na milungu ya chijeni kahi zenu, msiabudu mlungu wanjina.

Zaburi 81:9 Iomraidhean Croise

1 Afalume 22:19

Mikaya waenderera kugomba achiamba, “Phahi sikira neno ra Mwenyezi Mlungu. Namuona Mwenyezi Mlungu asegere kpwenye chihiche cha endzi, kuno jeshi rosi ra mlunguni riimire mkpwonowe wa kulume na wa kumotso.

Zaburi 44:20

Kalapho kala hukayala dzina ra Mlungu wehu, au huchigolosa mikono yehu kuvoya milungu ya chijeni,

Zaburi 50:7

Mlungu anaamba, “Sikirani mwi atu angu, nami ndagomba, nindalavya ushaidi wa uyi wenu, mwimwi Aiziraeli. Mimi ndimi Mlungu, Mlungu wenu.

Kutsama 15:26

achiamba, “Mchiphundza sauti yangu kpwa makini na kuhenda garigo sawa, na mchiphundza amuri na kulunga malagizo gangu, sindakureherani makongo dza nrigoarehera Amisiri. Mana mimi, ndimi Mwenyezi Mlungu, Mlungu wenu, ambaye nkukuphozani.”

Isaya 28:23

Hegani masikiro musikire sauti yangu. Phundzani higa nigombago.

Isaya 43:12

Nátangaza, nchitivya na nchionyesa, na taphakarire na mlungu wa chijeni kahi-kahi yenu.” Mwenyezi Mlungu anaamba, “Mwimwi mu mashaidi angu, kukala mimi ndimi Mlungu.

Hosea 4:1

Mwi Aiziraeli phundzani neno ra Mwenyezi Mlungu. Mwenyezi Mlungu ana malau na mwi msagalao tsi ihi mana tamuna uaminifu wala mbazi chisha tamummanya Mlungu.

Malaki 2:11

Atu a Juda taakakala aaminifu kpwa Mlungu. Anahenda mambo ga kutsukiza hiko Jerusalemu na katika tsi ndzima ya Iziraeli. Akaphatiya najisi phatu phatakatifu aphamendzapho Mwenyezi Mlungu kpwa kulóla achetu avoyao vizuka.

Kumbukumbu 32:12

Mwenyezi Mlungu mwenye wamlongoza na takuyakala mlungu wanjina phamwenga naye.

Kumbukumbu 6:14

Msilunge milungu yanjina, milungu ya atu anaokala jirani namwi,