Zaburi 5:3 - Digo Bible

³ Ligundzu uwe Mwenyezi Mlungu, ukuphundza sauti yangu. Ligundzu nkukuvoya, chisha nkagodzera unijibu.

Zaburi 5:3 Iomraidhean Croise

Ayubu 34:28

Aho ahenda chiriro cha achiya chichimfikira, naye achisikira chiriro cha agayao.

Zaburi 119:147

Nikurauka chiti na kuvoya msada, tumaini rangu nkariika kpwenye nenoro.

Zaburi 130:2

Mwenyezi Mlungu phundza sauti yangu! Masikirogo nagasikize vinono mavoyo gangu!

Zaburi 130:6

Nagodzera Mwenyezi Mlungu, zaidi ya vira arindzi a usiku agodzeravyo kuche, ehe, ni zaidi ya vira arindzi a usiku agodzeravyo aone kukacha.

Zaburi 145:1

Nindakulika uwe Mlungu wangu na mfalume wangu, nindatogola dzinaro hata kare na kare.

Zaburi 22:2

Nkukuiha mutsi, Mlungu wangu, ela kunijibu; nkukuiha usiku, ela sioya.

Zaburi 44:5

Kutsapira uwe hunaturya aviha ehu, kpwa dzinaro hunaavyoga-vyoga aviha ehu.

Zaburi 55:17

Dziloni, ligundzu hata wakati wa namutsi nalalama na kurira na hiye Mlungu andasikira raka rangu.

Zaburi 69:16

Nijibu ee Mwenyezi Mlungu, kpwa sababu ya mendzwayo nono isiyosika, nigalukira mimi kulengana na unji wa mbazizo.

Zaburi 74:12

Hata vivyo uwe Mlungu u mfalume wehu hangu kare ukahenda mahendo ga kutivya kahi za tsi.

Zaburi 84:4

Baha hinyo asagalao mwako nyumbani na kukuimbira mawira ga kukutogola chila wakati!

Zaburi 88:13

Ela ninakuririra uwe, ee Mwenyezi Mlungu, chila ligundzu nkukuvoya.

Isaya 26:9

Nafsi yangu inakuaza uwe usiku wosi, moyo wangu unakuendza kpwa chadi mana hukumuzo zikalapho duniani atu nkudzifundza haki.

Sonono za Jeremia 3:56

Uchisikira kulalama kpwangu, nriphokuvoya nchiamba, “Usizibe masikirogo niriphokuririra kulonda kuterywa!”

Mariko 1:35

Siku ya phiriye, chimirimiri kabila ya atu kulamuka, Jesu watuluka achiphiya phatu kanda macheye achendavoya.