Tito 3:5 - Digo Bible

⁵ Wahuokola, si kpwa sababu ya dzambo rorosi nono ra haki hurirorihenda, ela kpwa sababu ya mbazize. Wahuokola kpwa kuhutakasa huriphovyalwa mara ya phiri, na kpwa kuhupha maisha maphya kutsupira Roho Mtakatifu.

Tito 3:5 Iomraidhean Croise

Ayubu 15:14

Mwanadamu ni ani, hata akale swafi? Au iye yevyalwa ni mchetu ni chitu chani, hata akale wa haki?

Ayubu 25:4

Kpwa hivyo mutu anawezadze kukala na haki mbere za Mlungu? Ye avyalwaye ni mchetu anawezadze kukala swafi?

Ayubu 9:20

Dzagbwe sina lawama, kanwa yangu ingeniamula, dzagbwe sina makosa, iye angeonyesa kukala ni mkosa.

Zaburi 130:7

Uwe Iziraeli mkuluphire Mwenyezi Mlungu, mana Mwenyezi Mlungu ana mendzwa isiyosika, tsona iye ana nguvu nyinji za kukombola.

Zaburi 143:2

Usiniamule mimi mtumishio, mana takuna mutu ariye na haki mberezo.

Zaburi 51:10

Niumbira moyo swafi, ee Mlungu, na roho yangu uihende luphya na ya kuhurira.

Zaburi 62:12

na piya mendzwa isiyosika ni yako uwe, Mwenyezi Mlungu. Mana uwe unamripha mwanadamu kulengana na mahendoge.

Zaburi 86:15

Ela uwe, ee Mwenyezi Mlungu, u Mlungu wa huruma na mbazi, kureya upesi na u tele mendzwa isiyosika na uaminifu.

Zaburi 86:5

Mana uwe, ee Mwenyezi Mlungu, u mnono na unaswamehe hinyo akuvoyao unaaonyesa mendzwa isiyosika.

Isaya 57:12

Nindatangaza mahendogo uonago ni ga haki, ela tagandakufwaha chitu.

Ezekieli 36:25

Ndakutimvirani-timvirani madzi swafi ambago gandakuhendani mkale swafi kula kpwa vizuka vyenu na chila chitu chanjina chokuhendani mkale najisi.

Mika 7:18

Takuna Mlungu ariye dza uwe anayeswamehe dambi na kusalola makosa ga atu a urisiwe ariosala kutiywa adabu. Uwe kutsukirwa na ikakala ni bahi hata kare na kare, ela unaonato kuhuonyesa mendzwa isiyosika.

Mathayo 3:11

Ndipho Johana ariphogomba na atu osi, achiamba, “Mimi nakubatizani na madzi, kuonyesa mkaricha dambi zenu. Ela aredza mutu ambaye ana uwezo zaidi yangu, ambaye mimi sifwaha hata kuvula virahuvye. Naye andakubatizani na Roho Mtakatifu na moho.

Luka 1:50

Andaaonera mbazi atu amuogophao, vivyazi na vivyazi.

Luka 1:54

Waaterya Aiziraeli atumishie, na achiaonera mbazi,

Luka 1:72

Mlungu waamba andaonera mbazi akare ehu, na andatimiza ahadiye takatifu.

Luka 1:78

Mlungu wehu ni mpole na wa mbazi; andahurehera mwanga wa dzuwa wa wokofu kula mlunguni.

Arumi 11:14

mana nalonda Ayahudi ayangu akuonereni wivu kpwa gara Mlungu anagokuhenderani, ili anjina ao aokolwe.

Arumi 11:6

Phahi kpwa vira hwatsambulwa kpwa mbazi za Mlungu, tahuyaokolwa ni mahendo hurigohenda. Mana kalapho ni kpwa mahendo gehu, phahi mbazi tazingekala mbazi tsona.

Arumi 12:2

Msiige tsona mambo gahendwago ni atu a dunia hino, ela Mlungu akugaluzeni mwenu mioyoni mkale na maazo maphya. Hipho ndipho ndiphomanya hakika Mlungu amendzavyo; dzambo nono na ra sawa rimhamiraro.

Arumi 3:20

Kpwa mana takuna mutu yeyesi ambaye anahendwa kukala na haki mbere za Mlungu kpwa kulunga vira Shariya ziambavyo. Kazi ya Shariya ni kuonyesa mutu kala akahenda dambi tu.

Arumi 3:28

Mana Mlungu nkumuhenda mutu akale na haki kpwa kukuluphira, wala sio kpwa kulunga Shariya.

Arumi 4:5

Ela mbazi za Mlungu sizo dza mshahara. Mana mutu asiyeadamira mahendoge kuphaha haki ela anamkuluphira Mlungu aswameheye atu ayi, andaphokerwa kukala na haki kpwa kumkuluphira.

Arumi 9:11

Ela kabila ya hara patsa kuvyalwa, wala taadzangbwehenda nono au iyi, Mlungu wamuamba Rebeka kukala, “Mvyere andamuhumikira mdide.” Hivi vinaonyesa kala Mlungu nkutsambula mutu kulengana na arivyopanga iye, wala sio kulengana na mahendo ga yuya mutu.

Arumi 9:16

Phahi Mlungu nkumuonera mbazi ye ammendzaye, wala siyo chadi na kumendza kpwa mutu.

Arumi 9:30

Dze, gano gosi manage nini? Manage ni, atu ambao sio Ayahudi taayadzishuulisha kuphaha haki, ela Mlungu waahenda akale na haki kpwa kumkuluphira bahi.

1 Akorintho 6:11

Kpwa kugomba kpweli anjina enu kala mu dza vivyo, ela mwatakaswa, mwatengbwa na mwahendwa atu a haki kpwa sababu ya Bwana Jesu Masihi na Roho Mtakatifu wehu.

Agalatia 2:16

Ela hunamanya kala mutu kaphaha haki kpwa kulunga Shariya, ela kpwa kumkuluphira Masihi Jesu. Kpwa hivyo swiswi naswi hunaphaha haki kpwa kumkuluphira, wala sio kpwa kulunga Shariya, mana takuna hata mmwenga ndiyekala na haki kpwa kulunga Shariya.

Aefeso 2:4

Ela Mlungu ana mbazi nyinji. Na kpwa sababu ya kuhumendza sana,

Aefeso 4:23

Phahi galuzani maazo genu gakale maphya.

Aefeso 5:26

Wafwa ili atakase atue na ubatizo kpwa kuhumira nenore, na kuatenga

Kumbukumbu 9:5

Mwenyezi Mlungu, Mlungu wenu andazola atu a mataifa gago na akuhendeni mumiliki yo tsi yao. Andahenda vivyo si kpwa kukala mwimwi mu a haki au mu atu anono, ela ni kpwa kukala nyo atu a mataifa gaga ni ayi, na piya anatimiza chilagane arichoika na akare enu Burahimu, Isaka na Jakobo.

Akolosai 3:10

Sambi muna tabiya nyiphya kabisa. Mlungu wakuphani maisha higa, na chila wakati anakuhendani muaze na kuhenda dza iye, ili mzidi kummanya kpwa kpweli.

2 Timothi 1:9

Mlungu mwenye ndiye ariyehuokola na achihuiha huishi bila ya lawama. Naye wahenda hivyo si kpwa sababu swiswi hwahenda rorosi nono. Ela ni kpwa lengore mwenye, kama arivyopanga kuhuonera mbazi kpwa kuungana na Masihi Jesu kabila ya dunia kuumbwa.

Tito 3:4

Ela Mlungu Muokoli wehu wahuonera mbazi na achihuonyesa vira ahumendzavyo.

Aeburania 10:22

nahumsengerereni Mlungu mioyo kutsuka kuno huna hakika kabisa dzulu ya kuluphiro rehu. Mana mioyo yehu yamwagirwa-mwagirwa mlatso wa Jesu iriche maazo mai, na miri yehu yaogeswa na madzi maswafi.

Aeburania 4:16

Phahi nahusengerereni pho pharipho na chihi cha endzi cha Mlungu bila wuoga, mana Mlungu ni mnono. Ndipho andahuterya wakati wa shida kpwa kuhujaliya na kuhuonera mbazi.

Aeburania 6:6

ela aricha kumkuluphira Mlungu. Hivyo ni kama avi nyo enye anamuolaga Mwana wa Mlungu kpwa kumkota misumari msalabani kano ya phiri, na kumtiya waibu. Kpwa hivyo atu hinyo taaweza kuhendwa atubu tsona.

1 Petero 1:3

Nahumtogoleni Mlungu ambaye piya ni Isengbwa wa Bwana wehu Jesu Masihi. Mana kpwa mbazize nyinji wahuhenda huvyalwe mara ya phiri, na vivi huna hakika kukala hundaishi na Mlungu hata kare na kare kpwa sababu wamfufula Jesu Masihi.

1 Petero 2:10

Hipho mwandzo kala simwi atu a Mlungu, ela sambi mu akpwe. Tsona kala tamdzangbwemanya mbazi za Mlungu, ela vivi mkaziphokera.

1 Petero 3:21

Hinyo ni mfwano wa ubatizo wenu wa siku hizi. Mana munaphobatizwa inaonyesa kukala mkativywa na chifo na hukumu kpwa uwezo wa kufufuka kpwa Jesu Masihi. Kpwa hivyo ubatizo siyo kuoga ili kuusa nongo za mwiri, ela nkudzilavya kpwa Mlungu moyo kutsuka.