Ruthi 2:9 - Digo Bible

⁹ Alole hipho avunapho nyo ahendadzi-kazi alume na ulunge-lunge nyuma nyo ahendadzi-kazi achetu. Nkaalagiza ahendi angu a kazi alume asikuhende mai. Na uchikala una chiru phiya ukanwe madzi kula kpwenye miyo ya madzi ichiyoodzazwa ni nyo mabarobaro.”

Ruthi 2:9 Iomraidhean Croise

Mwandzo 20:6

Ndipho Mlungu achimuambira Abimeleki mo ndosoni, “Ee, namanya kala wahenda neno hiri na moyo mmwenga, ndiyo mana nákuzuwiya usihende dambi na siyakuricha ukalala naye.

Ayubu 19:21

Nionerani mbazi, nionerani mbazi, mwi asena angu, mana Mlungu akaniguta na mkpwonowe.

Zaburi 105:15

Waamba, “Msigute apakpwa mafuha angu, wala msiahende mai manabii angu.”

Misemo 6:29

Ndivyo mutu alalaye mkpwaza myawe akalavyo, yeyesi amgutaye mkpwaza myawe andatiywa adabu.

Mathayo 10:42

Mutu ndiyemupha angaa chikombe cha madzi ga kunwa mmwengawapho wa afuasi hinya ambao si muhimu, ela kpwa sababu ni mfuasi wangu, nakuambirani kpweli andatuzwa.”

1 Akorintho 7:1

Sambi kuhusu gara mambo mrigoniandikira, naamba hivi: Ni vinono mutu kusalóla.

1 Johana 5:18

Hunamanya kala ana osi a Mlungu taahenda dambi, mana Jesu nkuarinda, naye Shetani kaweza kuahenda rorosi.

Ruthi 2:10

Ruthi achichita mavwindi achizama hadi chilanguche chichiguta photsi na achimuuza Boazi achiamba, “Kpwa utu wani unanionera mbazi vino na kunijali nami hata simi Myahudi?”

Ruthi 2:8

Phahi Boazi achimuambira Ruthi, “Niphundza mwanangu, usiphiye uchatsembwesa kpwahali kpwanjina isiphokala kpwenye munda uhu. Gbwirana na aha ahendi angu a kazi achetu.