Nehemia 9:17 - Digo Bible

¹⁷ achirema kukusikira, tsona taayavitambukira vyo vilinje urivyohenda kahi yao. Aho arema tsetsetse kukuphundza achidzitsamburira chilongozi ili aweze kuuya kpwao utumwani ko Misiri. Ela uwe u Mlungu uriye tayari kuswamehe, Mlungu mwenye huruma na mbazi nyinji. Mlungu usiye na tsukizi za phephi na mendzwayo taisika, kuyaaricha!

Nehemia 9:17 Iomraidhean Croise

1 Afalume 6:13

Mino ndakala kahi ya ana a Iziraeli na sindaaricha hata chidide atu angu, Aiziraeli.”

1 Afalume 8:57

Mwenyezi Mlungu, Mlungu wehu, naakale naswi dza arivyokala na baba zehu. Hunavoya asihuriche, wala asihutsuphe.

2 Nyakati 36:13

Tsona Zedekiya waasi mfalume Nebukadineza, ambapho kala akaapa kukala andaishimu Mwenyezi Mlungu. Ela Zedekiya kala ni mutu wa moyo mufu, warema kulunga Mwenyezi Mlungu, Mlungu wa Iziraeli.

Ezira 9:9

Dzagbwe swiswi kala hu atumwa, uwe Mlungu wehu kuhurichire bii kahi za utumwa wehu. Ukahuonyesa mendzwaye isiyosika mbere za afalume a Pashia. Ukahutiya nguvu luphya huidzenge nyumbayo ambayo kala ikakala gandzo. Chisha ukakala ukuta wa kuhurinda hipha Juda na Jerusalemu.

Nehemia 9:31

Ela kpwa mbazizo nyinji, kuyaamarigiza wala kuaricha mana uwe u Mlungu wa mbazi.

Zaburi 106:13

Ela bada ya jumwa na chisiku ayala mahendoge taayagodzera mashaurige.

Zaburi 106:7

Akare ehu, ariphokala Misiri, taayajali mahendogo ga ajabu, taayatambukira unji wa mendzwayo isiyosika, ela aasi ko kanda-kanda ya Bahari ya Shamu.

Zaburi 130:4

Ela kpwako kuna msamaha ili huphahe kukuogopha.

Zaburi 78:10

Taayagbwira chilagane cha Mlungu, arema kugbwira shariyaze.

Zaburi 78:11

Ayala gara garigohendwa ni Mlungu na vilinje ambavyo kala akaaonyesa.

Zaburi 78:38

Hata hivyo kpwa kukala iye ni wa mbazi, waaswamehe uyi wao, wala kayaangamiza, wazuwiya tsukizize hipha na hipha, wala kayadziricha apandwe ni asira.

Zaburi 86:15

Ela uwe, ee Mwenyezi Mlungu, u Mlungu wa huruma na mbazi, kureya upesi na u tele mendzwa isiyosika na uaminifu.

Zaburi 86:5

Mana uwe, ee Mwenyezi Mlungu, u mnono na unaswamehe hinyo akuvoyao unaaonyesa mendzwa isiyosika.

Kutsama 32:9

Na Mwenyezi Mlungu achimuamba Musa, “Nikaaona hinya atu. Ni atu a vitswa vigumu, asiosikira.

Misemo 1:24

Vyo nchivyoiha ela mkarema kuphundza, na nkakusengererani ela tamkajali,

Jeremia 18:15

Ela atu angu akaniyala, anafukizira uvumba milungu ya handzo. Akakpwala katika njira zao, kpwenye njira za kare zisizohumirwa. Anatsupira vijirajira badala ya kugbwira barabara kulu.

Jeremia 19:15

“Mwenyezi Mlungu, Mlungu wa majeshi, Mlungu wa Iziraeli anaamba hivi, ‘Lolani nindaahendera atu a mudzi uhu mkpwulu na vidzidzivye chila aina ya mashaka nrigopanga chinyume chao, kpwa kukala ni atu visoto asiomendza kuniphundza.’ ”

Jeremia 7:26

Ela tamuyaniphundza wala kuhega masikiro genu, ela mwazidi kuhenda mai kushinda akare enu.

Ezekieli 5:6

Ela kpwa sababu ya uyiwe, nyo mudzi ukarema shariya zangu na malagizo gangu na kuenda mai kuriko mataifa ganjina. Yani ukakahala shariya zangu na kulunga malagizo gangu.

Danieli 9:9

Ela uwe Mwenyezi Mlungu u wa mbazi na msamaha hata napho hukakuasi.

Joeli 2:13

Mnaphosononeka msikpwanyule mavwazi genu, ela kpwanyulani mioyo yenu. Muuyireni Mwenyezi Mlungu, Mlungu wenu, kpwa kukala iye ana huruma na mbazi, kana tsukizi za phephi bali ana mendzwa nyinji isiyosika, na higo mai achigopanga kukuhenderani a tayari kugaricha.

Alawi 26:44

Ela, phamwenga na higo gosi, ndiphokala tsi ya maadui gao, mimi sindaaricha wala kuamena hadi niaolage tsetsetse na kuvundza chilagane changu nao. Mimi, ndimi Mwenyezi Mlungu, Mlungu wao.

Nahumu 1:3

Mwenyezi Mlungu katsukirwa upesi na ana nguvu nyinji, wala kandasita bii kumtiya adabu mutu mwenye makosa. Pho anyendekapho nkukala na chikulukulu na phuto, na maingu ni vumbi ra nyayoze.

Isabu 14:11

Mwenyezi Mlungu achimuuza Musa achimuamba, “Ano Aiziraeli andanibera hadi rini? Na taandaniamini hadi rini, hata bada ya ishara zosi nirizoahendera kahi yao?

Isabu 14:41

Ela Musa achiamba, “Kpwa utu wani tamlunga lagizo ra Mwenyezi Mlungu? Tamundaongokerwa bii!

Isabu 16:14

Zaidi ya gago kuyahureha kahi za tsi, tsi yenye rutuba, wala kuhupha urisi wa minda na vyunga vya mizabibu. Vino undaahenda atu hano akale azuzu? Tahwedza bii!”

Mahendo 7:39

“Ela akare ehu arema kumphundza, achimkahala na achiaza kuuya Misiri.

Arumi 9:15

Mana wamuambira Musa, “Nkumjaliya na kuonyesa mbazi mutu yeyesi nimlondaye.”

Aeburania 12:25

Hakikishani munamphundza ye agombaye, mana akare enu arema kumphundza Musa ariyeaonya hipha duniani, nao achitiywa adabu kali. Naswi hakika hundatiywa adabu kali sana huchirema kumuogopha ye ahugombekezaye kula mlunguni.

1 Samueli 12:22

Mana Mwenyezi Mlungu kandaaricha atue kpwa ajili ya dzinare kulu risiberwe, kpwa kukala ikamfwahira Mwenyezi Mlungu kukuhendani mwimwi mkale atue mwenye.