Nehemia 3:25 - Digo Bible

²⁵ Seemu yolungira kula yo pembe ya ukuta na mnara wa nyumba ya dzulu ya chifalume phephi na muhala wa urindzi yarekebishwa ni Palali mwana wa Uzai. Seemu yolungira yarekebishwa ni Pedaya mwana wa Paroshi.

Nehemia 3:25 Iomraidhean Croise

Ezira 2:3

Kula chivyazi cha Paroshi, atu elufu mbiri gana mwenga mirongo sabaa na airi.

Nehemia 12:39

Kula phapho hwatsupira Ryango ra Efuraimu, Ryango ra Jeshana, Ryango ra Ngʼonda, Mnara wa Hananeli, Mnara wa Gana hadi Ryango ra Mangʼondzi. Huchendaima Ryango ra Mrindzi.

Nehemia 7:8

Atu a chivyazi cha Paroshi kala ni elufu mbiri gana mwenga mirongo sabaa na airi.

Nehemia 8:4

Phahi Ezira waima dzulu ya uringo wa mbao ambao kala ukadzengbwa kpwa ajili hiyo, kuno atu anjina aimire phephi naye. Uphande wa mkpwonowe wa kulume kpwaima Matithia, Shema, Anaya, Uriya, Hilikiya na Maaseya. Uphandewe wa mkpwonowe wa kumotso kuchiima Pedaya, Mishaeli, Malikija, Hashumu, Hashibadana, Zakariya na Meshulamu.

Jeremia 22:14

Iye aambaye, ‘Ndadzenga dzumba kulu ra gorofa ririro na vyumba vikulu vyenye nafwasi, nivitiye madirisha na nifwinike kutaze na mbao za muerezi chisha niipake rangi ya kundu.’

Jeremia 32:2

Wakati uho jeshi ra mfalume wa Babeli kala rikazangira Jerusalemu, naye Jeremia nabii wafungirwa kpwenye muhala wa arindzi kahi ya nyumba ya mfalume wa Juda.

Jeremia 33:1

Mwenyezi Mlungu wamuamba tsona, Jeremia ariphokala achere jela kpwenye muhala wa urindzi,

Jeremia 37:21

Phahi mfalume Zedekiya walavya amuri Jeremia aikpwe kpwenye muhala wa mrindzi na ahewe mkpwahe mwenga chila siku hadi yo mikahe ichisira mo mudzini. Phahi Jeremia wasala kpwenye muhala wa mrindzi.

Jeremia 38:13

Phahi achimvweha dzulu kuhumira yo kowa hadi achimtuluza kula mura birikani naye Jeremia achisala pho muhala wa arindzi.

Jeremia 39:8

Nyo Akalidayo aocha dzumba ra mfalume na zo nyumba za atu na achibomola ukuta wa Jerusalemu.

Mika 4:8

Na hiko Jerusalemu ambako Mwenyezi Mlungu anarinda atue, dza mrisa arindavyo mifugoye kula mnara wa urindzi, kundakala tsona mudzi mkpwulu wa ufalume wa Iziraeli. Mwango wa mwana mchetu wa Sayuni, undauyizirwa utawalao wa kare, yani ufalume wa mwana mchetu wa Jerusalemu.”