Nehemia 2:17 - Digo Bible

¹⁷ Ndipho nchiaambira, “Mwimwi mnamanya yo tabu huriyonayo, ya kukala Jerusalemu ni gandzo na maryangoge gaochwa. Phahi nahudzengeni luphya nyo ukuta wa Jerusalemu, naswi tahundaberwa tsona.”

Nehemia 2:17 Iomraidhean Croise

Ezira 9:9

Dzagbwe swiswi kala hu atumwa, uwe Mlungu wehu kuhurichire bii kahi za utumwa wehu. Ukahuonyesa mendzwaye isiyosika mbere za afalume a Pashia. Ukahutiya nguvu luphya huidzenge nyumbayo ambayo kala ikakala gandzo. Chisha ukakala ukuta wa kuhurinda hipha Juda na Jerusalemu.

Nehemia 1:3

Nao achinijibu achiamba, “Nyo atu ariotiya kutsamizwa kpwa lazima na kusala kahi ya jimbo ra Juda anagaya sana na akatiywa waibu, tsona nyo ukuta wa Jerusalemu wabomolwa-bomolwa na maryangoge gaochwa.”

Nehemia 2:13

Nátuluka mudzini na Ryango ra Deteni kutsapira Chisima cha Dzoka hadi Ryango ra Chitole. Wakati naphiya, kala nachunguza kuta za Jerusalemu zirizobomolwa na maryango ambago kala gakaochwa.

Nehemia 2:16

Nyo maofisaa taamanyire kura nrikokala nkaphiya wala nrichokala nchahenda mana kala sidzangbweambira hata nyo Ayahudi ayangu, yani alavyadzi-sadaka, vilongozi, maofisaa na nyo atu anjina ambao kala andahenda yo kazi.

Nehemia 3:15

Ryango ra Pula ya Madzi rarekebishwa ni Shalumu mwana wa Kolihoze, chilongozi wa wilaya ya Mizipa. Iye waridzenga luphya, achiridzengera paa na achiritiya miryango, tumbuu na magbwama. Chisha achirekebisha ukuta wa birika ra madzi ra Shela, kanda ya Bustani ya mfalume na kufikira ngazi zitsererazo kula Mudzi wa Daudi.

Zaburi 102:15

Atu a mataifa ganjina andaogopha dzina ra Mwenyezi Mlungu, afalume osi duniani andaogopha utukufuwe.

Zaburi 44:13

Ukahuhenda hukale utu wa kuberwa ni majirani gehu, nao anahunyetera na kuhutseka.

Zaburi 44:14

Ukahuhenda hukale ndzimo ya kunyetera kpwa atu a mataifa, anahenda humyosera madomo kpwa chibero.

Zaburi 79:12

Ee Mwenyezi Mlungu, ariphize kano sabaa, atu a mataifa jirani kpwa sababu ya kulaphiza ariookulaphiza.

Zaburi 79:4

Hukakala utu wa kutsekpwa, kunyeterwa ni majirani, na kuchengbwa ni hinyo auzungulukao.

Jeremia 24:9

Nindaahenda akale utu wa kutisha kahi za mataifa gosi duniani. Andakala atu a kulaumiwa na a kuberwa na lana kosi-kosi ambako nindaaphirika.

Sonono za Jeremia 2:2

Mwenyezi Mlungu akabomola-bomola bila mbazi makalo gosi ga Jakobo. Kpwa tsukizize akabomola ngome za mwana wa chichetu wa Juda. Akatsereza hadi photsi utawalawe na vilongozie.

Sonono za Jeremia 3:51

Nasononeka kpwa kuona kuteseka kpwa achetu a mudzi wangu.

Ezekieli 5:14

Tsona ndakuhenda gandzo na utu wa kuberwa ni mataifa ganjina gachigokuzunguluka na atu osi atsupao na njira.

Mika 7:11

Wakati wa kudzenga kuta zenu u phephi! Wakati hinyo miphaka yenu indaenjerezwa.

1 Samueli 11:2

Hiye Nahashi, Muamoni, waambira, “Mino nindaika chilagane namwi kpwa sharuti hiri; chila mutu nimngʼole dzitso ra kulume ili niaibishe Iziraeli yosi.”