Nehemia 1:9 - Digo Bible

⁹ Ela mchiniuyira na kugbwira malagizo gangu, hata napho atu enu atsamizwa kpwa lazima tsi za kure, nindaakusanya kula kuko na niauyize phatu ambapho náphatsambula niabudiwe.’

Nehemia 1:9 Iomraidhean Croise

1 Afalume 8:48

kuko hiko kpwenye tsi ya aviha aho arioatsamiza kpwa lazima, achikuuyira na mioyo yao yosi na roho zao zosi na avoye kulola tsi yao uriyoapha akare ao, mudzi huno urioutsambula na nyumba hino niriyoidzenga kpwa ajili ya dzinaro,

1 Afalume 9:3

Mwenyezi Mlungu wamuamba, “Nkasikira mavoyogo na chirirocho. Nami nkaitenga nyumba hino ambayo ukanidzengera na kuika dzina rangu himo hata kare na kare. Matso gangu na moyo wangu undakala himo siku zosi.

1 Nyakati 16:35

Namwi mundaamba: “Hutivye, ee Mlungu utivyaye, hukusanye na u hutivye kula kahi ya mataifa, huphahe kurishukuru dzinaro takatifu, na hushangilie kuno hunakutogola.”

Ezira 6:12

Ye Mlungu ariyetsambula Jerusalemu ikale phatuphe phakuabudiwa, naampendule mfalume yeyesi au mutu yeyesi ndiyegaluza amuri ihi ama kubomola ihi nyumba ya kuvoya Mlungu iriyo Jerusalemu. Mimi Dario nikagomba, amuri ihi nailungbweto.

Zaburi 106:47

Hutivye, ee Mwenyezi Mlungu, Mlungu wehu, hukusanye kula kahi ya mataifa ili hushukuru dzinaro takatifu na kudzikarya kpwa ngumazo.

Zaburi 107:3

Na achiakusanya kula tsi zosi, kula mlairo wa dzuwa na kula mtswerero wa dzuwa, kula uphande wa vurini na kula uphande wa mwakani.

Zaburi 147:2

Mwenyezi Mlungu ndiye adzengaye Jerusalemu, na kukusanya Aiziraeli ariokala akatsamizwa kpwa lazima.

Isaya 11:12

Andaonyesa ishara kpwa mataifa na kukusanya Aiziraeli ariotsamizwa turi-turi na kukusanya atu a Juda nyo tsamukana kosi duniani.

Isaya 27:12

Siku hiyo, Mwenyezi Mlungu andakusanya atue Iziraeli mmwenga-mmwenga, kula muho wa Yufurati hadi chidzuho cha Misiri, dza viratu mutu awagavyo nganu na kutuluza mtsere.

Isaya 56:8

Mwenyezi Mlungu akusanyaye Aiziraeli ariotsamizwa kpwa lazima anaamba, “Nindamkusanyira anjina, mbali na aho ambao akusanywa kare.”

Jeremia 12:15

Na hata bada ya kuausa, nindaaonera mbazi tsona, na kuareha kpwenye tsi yao chila mmwenga kpwenye seemuye.

Jeremia 3:14

Uyani mwi anache msio aaminifu, mimi Mwenyezi Mlungu nkaamba, mana mimi ni Bwana wenu. Nindakuhalani, mmwenga kula kahi mudzi mmwenga na airi kula kahi ya mryango mmwenga nikureheni mudzi wa Sayuni.

Jeremia 31:10

Phundzani neno ra Mwenyezi Mlungu aambavyo mwi mataifa, naritangazwe tsi za kure za pwani, amba, “Iye ariyetsamula Aiziraeli andaakusanya,” naye andaaroroma dza mrisa aroromavyo mangʼondzige.

Jeremia 32:37

‘Lola, nindaakusanya kula tsi zosi nrikoazola niriphokala nikatsukirwa na tsukizi nyinji. Mimi nindaauyiza phapha na kuahenda asagale kpwa usalama.

Jeremia 6:22

Mwenyezi Mlungu anaamba, “Lola, jeshi riredza kula tsi ya vurini, taifa kulu rinafyakatsirwa kula mwisho wa dunia.

Ezekieli 14:6

“Kpwa hivyo aambire atu a Iziraeli, Mwenyezi Mlungu anaamba, ‘Tubuni chisha mriche vyo vizuka vyenu na go mahendo genu ga kutsukiza.

Ezekieli 36:24

Mana ndakutuluzani kula kahi za mataifa na nikukusanyeni kula kpwa zo tsi, nami nikuuyizeni kpwenye tsi yenu enye.

Alawi 26:3

“Ichikala mundalunga malagizo gangu na kugbwira shariya zangu,

Zakariya 8:7

Mwenyezi Mlungu, Mlungu wa majeshi waenderera kuamba hivi, ‘Ni phephi nitivye atu angu kula tsi za mlairo wa dzuwa na mtswerero wa dzuwa,

Mathayo 24:31

Nami nindahuma malaika angu na gunda ra sauti kulu sana, nao andakusanya ariotsambulwa kula chila pembe ya dunia.

Kumbukumbu 12:21

Napho phatu pha ibada ambapho Mwenyezi Mlungu, Mlungu wenu, waphatsambula, pha kure sana namwi, phahi munaweza kutsindza ngʼombe au mangʼondzi ambago Mwenyezi Mlungu akakujaliyani, kama nrivyokuamuruni na munaweza kurya chiasi chochosi mlondacho kpwenye midzi yenu.

Kumbukumbu 12:5

Mwenyezi Mlungu, Mlungu wenu, andatsambula phatu kahi ya mbari zosi ili aike dzinare na ahende makaloge. Mwimwi ni muendze phatu hipho na mphiye,

Kumbukumbu 30:1

Musa achienderera kugomba achiamba, “Vivi nkakuikirani baraka na lana mtsambule. Wakati mambo higa gosi gakakuphahani namwi munasagala kahi ya mataifa ganjina ambako Mwenyezi Mlungu, Mlungu wenu akakutsamulani, tambukirani malagizo higa.