Nahumu 3:9 - Digo Bible

⁹ Nguvu za Thebesi kala ni Kushi na Misiri tsi zoipha nguvu zisizosira. Msada wa Thebesi kala ula Puti na Libiya.

Nahumu 3:9 Iomraidhean Croise

Mwandzo 10:6

Ana alume a Hamu kala ni Kushi, Misiri, Puti na Kanani.

1 Nyakati 1:8

Ana alume a Hamu kala ni Kushi, Misiri, Puti na Kanani.

2 Nyakati 12:3

Shishaki wakpwendavamia na magarige ga kuvwehwa ni farasi elufu mwenga na magana mairi na anajeshi akuhumira farasi elufu mirongo sita na anajeshi a kunyendeka na magulu asioolangika. Nao kala ni Alibiya, Asukii na Akushi ariokpwedza nao kula Misiri.

2 Nyakati 16:8

Kpwani nyo Akushi na Alibiya kala siro jeshi kulu sana renye magari manji ga kuvwehwa ni farasi na aphirikie? Ela Mwenyezi Mlungu ye waatiya mwako mkpwononi kpwa vira uwe wamkuluphira.

Isaya 20:5

Hinyo ariokuluphira Kushi na kudzikarya kuhusu Misiri andaogopha na kutiywa waibu.

Jeremia 46:9

Sengerani mbere, mwi farasi, shambuliyani mwi anajeshi akuhumira magari ga kuvwehwa ni farasi! Sengerani mbere mwi masujaa: Atu a Kushi na Puti ajuzi akuhumira ngao, atu a Ludi amanyao kuhumira uha.

Ezekieli 27:10

“ ‘Atu a Pashia, Ludi na Puti ahumika dza asikari mwako jeshini. Aho agbwadzika ngao na kofiya za chuma mwako kutani, nao achionyesa unonoo.

Ezekieli 29:7

Ariphokugbwira na mikono ili uaterye wavundzika na uchimwamula mabega gao; ariphokujejemera, wavundzika na kuahenda osi akakamwe ni magulu.

Ezekieli 30:5

“ ‘Anajeshi a kukodishwa kula Kushi, Puti, Ludi, Arabiya yosi, Libiya na hata atu a tsi ya chilagane changu andaolagbwa na upanga phamwenga na Amisiri.

Ezekieli 31:2

“Mwanadamu, muambire Farao, mfalume wa Misiri na jeshire kulu: ‘Ufwananishwe na ani kpwa vira urivyo mkpwulu?

Ezekieli 38:5

Anajeshi a Pashia, Kushi na Puti a phamwenga nao, chila mmwenga ana ngao na kofiya ya chuma.

Danieli 11:43

Na hazina za zahabu, za feza na vitu vyanjina vyosi vya samani vya Misiri, vindakala tsiniye. Piya andatawala atu a Libiya na a Kushi.