Nahumu 2:3 - Digo Bible

³ Masujaae akavwala nguwo za kundu na ngao zao zi dododo. Vyuma kpwenye magari ga kuvwehwa ni farasi vinameka-meka yo siku gariphoikpwa tayari kushambuliya Ninawi kuno anajeshie anatukusa mafumo gao.

Nahumu 2:3 Iomraidhean Croise

Ayubu 39:23

Ryaka rinakokolosa phakpwe lavuni, phamwenga na fumo ringʼalaro-ngʼalaro na mkuki ungʼalao-ngʼalao.

Zaburi 80:13

Nguluwe a tsakani anaubananga-bananga, na nyama a tsakani anarisa mumo.

Isaya 14:8

Hata mihi ya miboreshi indahererwa na mierezi ya Lebanoni indapiga njerejere kpwa sababuyo iambe, “Ukahendato kugbwa, vivi taphana mutu ndiye kpwedzahukata.”

Ezekieli 23:24

Nao andakuvamia kula uphande wa vurini na magari ga kuvwehwa ni farasi, marukpwama na likumundi ra atu. Andakuzangira pande zosi kuno akavwala kofiya za shaba na akagbwira ngao kulu na ndide. Nindaaricha akuamuleni, nao andakuamulani kulengana na shariya zao.

Ezekieli 26:7

“Mana Mwenyezi Mlungu anaamba hivi: We Tiro, ni phephi kukurehera Nebukadineza, mfalume wa Babeli, mfalume mkpwulu kula uphande wa vurini na farasi, magari ga kuvwehwa ni farasi, apandadzi-farasi na anajeshi anji.

Nahumu 3:2

Phundzani hinyo mriro wa mijeledi na kuvye-kuvye ya magurudumo, farasi anavyodzimwirika na magari ga kuvwehwa ni farasi ganavyotina-tina.

Zakariya 1:8

Usiku náona ruwiya. Mo ruwiyani naona mutu akapanda farasi wa kundu. Naye kala akamuimisa kahi ya mihi yiihwayo mihadasi na nyumaze kuchikala na farasi anjina a kundu, a ivu-ivu na ereru.

Zakariya 11:2

Rirani mwi mihi yiihwayo misonobari, mana mierezi ikagbwa mihi minono ikabanangbwa! Rirani mwi mihi yiihwayo mialoni ya Bashani. Mana ro tsaka rokala gigigi mihi, rikatemwa!

Zakariya 6:2

Gari ra kpwandza kala rinavwehwa ni farasi a rangi ya kundu, ra phiri richikala rinavwehwa ni farasi a rangi nyiru,

Maono 12:3

Badaye ko mlunguni kuchituluka chilinje chanjina cha kpwaangalaza. Náona dzoka kulu ra rangi ya kundu, na richikala na vitswa sabaa, pembe kumi, na chila chitswa chichikala na chiremba.

Maono 6:4

Phahi phatuluka farasi wanjina ambaye kala a kundu. Na mutu yekala dzuluye anamphirika wahewa upanga mkpwulu na uwezo wa kureha viha duniani, ili atu aolagane.