Mwandzo 9:25 - Digo Bible

²⁵ waamba, “Naalaniwe Kanani! Andakala mtumwa mkpwulu wa nduguze.”

Mwandzo 9:25 Iomraidhean Croise

Mwandzo 3:14

Ndipho Mwenyezi Mlungu achiiambira nyoka, “Kpwa kukala ukahenda hivyo, ukalaniwa kuriko nyama osi a kufuga, na kutsupa nyama osi a tsakani. Undaambala na ndani, na undarya vumbi maishago gosi.

Mwandzo 4:11

Sambi uwe ukalaniwa. Kundarima tsona tsi ambayo ikaphokera mlatso wa mwenenu, uriyemuolaga.

Mwandzo 49:7

Tsukizi zenu nazilaniwe mana zikahenda na muno, usiru wenu naulaniwe mana ni ukatili. Nindatsamula atu a vivyazi vyenu kosi Iziraeli, niaganye kahi ya mbari zanjina za Jakobo.

Mwandzo 9:18

Anangbwa alume a Nuhu ariotuluka melini kala ni Shemu, Hamu na Jafeti. (Hamu kala ni isengbwa wa Kanani.)

Mwandzo 9:22

Hamu, isengbwa wa Kanani, walola chitsaha cha ise na achendaambira nduguze airi okala kondze.

Mwandzo 9:24

Nuhu phokala uchi ukamkutika na kumanya achigohenderwa ni mwanawe mdide,

Mathayo 25:41

“Chisha nindaambira hara ario uphande wa kumotso, ‘Ukani mbere zangu mwimwi muriolaniwa! Phiyani moho wa kare na kare uriotengezerwa Shetani na malaikae.

Johana 8:34

Ndipho achiaambira, “Nakuambirani kpweli, mutu yeyesi aishiye maisha ga dambi ni mtumwa wa dambi.

Kumbukumbu 27:16

“ ‘Naalaniwe mutu yeyesi ndiyebera ise au nine.’ Na atu osi andajibu aambe, ‘Amina!’

Kumbukumbu 28:18

“Mlungu andalani ana enu, mavuno genu ga tsi na ana a mifugo yenu.

Joshuwa 9:23

Vivi mkalaniwa na vivi tamundaricha kukala atumwa a kuendza kuni na kuheka madzi kpwa ajili ya nyumba ya Mlungu wangu.”

Joshuwa 9:27

Ela kuandzira siku iyo, Joshuwa waahenda aendzadzi a kuni na aheki a madzi kpwa kundi rosi ra Aiziraeli na kpwa phatu pha kulavira sadaka pha Mwenyezi Mlungu kokosi Mlungu ndikotsambula. Hivi ndivyo irivyo hadi rero.