Mwandzo 7:11 - Digo Bible

¹¹ Nuhu phokala ana miaka magana sita, siku ya kumi na sabaa ya mwezi wa phiri, pula za madzi za kuzimu zasodoka kpwa nguvu na zichiandza kulavya madzi. Na dzulu mlunguni kpwauduka mvula ya komesha.

Mwandzo 7:11 Iomraidhean Croise

Mwandzo 1:7

Sambi Mlungu achitengeza dari yoganya madzi gokala dzulu ya dari iyo na madzi garigo photsi. Na vichikala vivyo.

Mwandzo 6:17

Mimi nindareha mafuriko makulu duniani kuolaga viumbe vyosi virivyo moyo. Vitu vyosi duniani vindafwa,

Mwandzo 7:6

Nuhu kala ana miaka magana sita wakati Mlungu phoreha mafuriko duniani.

Mwandzo 8:14

Iriphofika siku ya mirongo miiri na sabaa ya mwezi wa phiri tsi ichikala ikauma kabisa.

Mwandzo 8:2

Pula za madzi za kuzimu kala zikazibwa na hira mvula kula dzulu mlunguni ichikala ikacha

2 Afalume 7:19

Yuya jemedari mrindzi wa mfalume kala akamuambira Elisha, “Hata kala Mwenyezi Mlungu mwenye angehenda madirisha mlunguni, dze, dzambo hiro ringewezekana?” Naye Elisha kala akamjibu achiamba, “Undaona kpwa matsogo mwenye, ela uwe kundavirya.”

2 Afalume 7:2

Jemedari mrindzi wa mfalume wamuambira Elisha, “Hata kama Mwenyezi Mlungu mwenye angehenda madirisha mlunguni, dzambo hiri ringewezekana?” Elisha wamjibu achiamba, “Undaona na matsogo mwenye, ela kundavirya.”

Ayubu 12:15

Anaphogbwira mvula, tsi nkuuma, achiirichira, tsi nkuodzala madzi.

Ayubu 28:4

Aho nkutsimba madibwa ko deteni kure na kura atu asagalako, ko kusikotsupirwa ni acharo; nkufungbwa mikowa akadewadewa, kuphiya mbere na nyuma kure na atu.

Ayubu 38:16

Dze, udzangbwefikira pula za bahari, au kunyendeka ko tsini za vivwa vya bahari?

Ayubu 38:37

Ni ani ariye na ikima ya kuolanga maingu? Au ni ani awezaye kuwesa viriba vya madzi ko mlunguni,

Zaburi 33:7

Wakusanya madzi ga bahari achigaikira miphaka na vivwa achivifungira seemuye.

Zaburi 74:15

Uwe ndiwe uriyehumbula pula za madzi na vidzuho na waumisa madzi myuho mikulu.

Misemo 3:20

Kpwa marifwage vilindi vya madzi vyatsembuka, na maingu ganatweneza manena.

Isaya 24:18

Indakala chila achimbiraye sauti ya kuogofya andagbwa lwinani, na chila apandaye ili kutuluka lwinani, andagbwirwa ni muhego. Mana madirisha ga mlunguni gakavugulwa, na misingi ya dunia ikasukpwa-sukpwa.

Isaya 24:19

Dunia ikavundzwa-vundzwa, dunia ikaahulwa-ahulwa, dunia ikasukpwa-sukpwa kpwa nguvu.

Jeremia 5:22

Kpwa utu wani tamuniogopha? Mimi Mwenyezi Mlungu nkaamba. Tamukakama mbere zangu? Mimi naika mtsanga ukale mphaka wa bahari, chizuwizi ambacho bahari taiweza kutsupa; dzagbwe maimbi nkpwedza kpwa nguvu ela tagatsapa hata gakavuma sana ela tagaweza kutsupa.

Jeremia 51:16

Atuluzapho sauti, madzi nkuvuma ko mlunguni, nkuhenda guro rikapanda kula pembe za tsi. Nkumeka limeme wakati wa mvula, na kureha phuto kula kpwenye nyumbaze za kuikira akiba.

Ezekieli 26:19

“Mana Mwenyezi Mlungu anaamba: Uwe mudzi ndiphokuhenda gandzo, dza midzi ambayo taisagalwa ni atu, ndiphoreha vivwa vya bahari dzuluyo, na madzi manji gakufwinike,

Malaki 3:10

Rehani kamili fungu ra kumi kpwenye nyumba yangu ya kuikira akiba ili mwangu nyumbani mkale na chakurya.” Mwenyezi Mlungu, Mlungu wa majeshi anaamba, “Ni jezani kpwa njira hino phahi mlole ichikala sindakuvugurirani madirisha ga mlunguni na kuamwagira baraka, hadi mkose phatu pha kuziika.”

Mathayo 24:38

Mana wakati hinyo kabila ya mafuriko makulu, atu kala achirya na kunwa, kala achilóla na kulólwa, hadi siku Nuhu ariphoinjira ndani ya hira safina.

1 Athesalonike 5:3

Atu achikala anaamba, “Chila chitu chi sawa na salama,” hipho ndipho ndiphogbwererwa ni mashaka. Nago gandahendeka gafula dza viratu mayo akalavyo na utsungu ichikala mwana a phephi na kuvyalwa. Kpwa hivyo taindawezekana mutu kuchimbira mashaka higa.

2 Petero 3:6

na kpwa kuhumira madzi piya, waangamiza dunia ariphoreha mafuriko.