Mwandzo 6:5 - Digo Bible

⁵ Mwenyezi Mlungu ariphoona uyi wa atu unazidi phapha duniani na chila apangago mwao mioyoni ni mai wakati wosi,

Mwandzo 6:5 Iomraidhean Croise

Mwandzo 13:13

Ela atu a Sodoma kala ni ayi, na akala anamuhendera Mwenyezi Mlungu dambi nyinji.

Mwandzo 8:21

Mwenyezi Mlungu ariphosikira nyo mzingo mnono, wagomba chimoyo-moyo achiamba, “Sindailani tsona dunia wakati wowosi kpwa sababu ya mambo ga mwanadamu. Namanya kukala maazoge ni mai hangu wanachewe. Sindaviangamiza tsona viumbe vyosi wakati wowosi dza vira vyohenda.

Ayubu 15:16

dze ye mwanadamu amtsukizaye na ariye mkolo, ahendaye uyi dza anwaye madzi?

Ayubu 22:15

Dze, undalunga yo njira ya kare ambayo yalungbwa ni atu ayi?

Zaburi 53:2

Mlungu analola anadamu kula mlunguni aone napho phana yeyesi mwenye ikima amuendzaye Mlungu.

Misemo 6:18

Moyo utungao mipango mii, magulu gazorerago kuhenda mai,

Muhubiri 7:29

Lola, hiri ndiro nriromanya kukala Mlungu wamuumba mwanadamu akale wa haki, ela nyo enye nkuhenda gara alondago.

Muhubiri 9:3

Dzambo ra kukala atu osi mwisho wao ni mmwenga ni dzii sana. Ndiyo mana atu taana makini kuhenda manono, badalaye nkuamua kuishi dza atu a koma, kpwa kukala taana kuluphiro. Mana mwisho andafwa.

Jeremia 17:9

Moyo una handzo kuriko vyosi, nao tauweza kulagulwa na takuna awezaye kumanya uazacho.

Jeremia 4:14

Mwi atu a Jerusalemu dzisafisheni, muuse mai mwenu moyoni ili mphahe kutivywa. Hadi rini maazo mai gandakala na nafwasi mwenu moyoni?

Ezekieli 8:12

Chisha achiniamba, “Mwanadamu, ukaaona nyo atumia a Aiziraeli chivyokala anahenda pho jizani, chila mmwenga kpwenye chumbache cha vizuka? Aho anaamba, ‘Mwenyezi Mlungu kahuona, ihi tsi akairicha.’ ”

Ezekieli 8:9

Naye achiniamba, “Injira ndani ukaone nyo uyi na mambo ga kutsukiza gahendwago hipha.”

Mathayo 15:19

Mana moyoni mwa mutu, ndimo asili ya maazo mai, gamuhendago akaolaga, akahenda uzembe, udiya, wivi, ushaidi wa handzo, na lisengenyo.

Mathayo 24:37

Vivyo vyokala wakati wa Nuhu, ndivyo ndivyokala wakati mimi, Mutu Yela Mlunguni, ndiphouya.

Luka 17:26

“Vivyo vyokala wakati wa Nuhu, ndivyo ndivyokala wakati mimi Mutu Yela Mlunguni ndiphouya.

Kumbukumbu 29:19

Ichikala bada ya kusikira maneno ga chilagane hichi ambacho mkaapishwa, mutu andadziamini mwakpwe moyoni na aambe kukala andakala salama hata achilunga uyi wa moyowe, likakado hiro rindasababisha kuangamizwa kpwa atu osi, anono na ayi.

Tito 3:3

Mana kare swiswi hwakala azuzu, asiosikira na ariochengbwa. Hwakala atumwa a tamaa mbii-mbii na anasa za chila aina, hwaishi maisha mai ga wivu; atu ahureyera naswi huchiareyera.

1 Petero 3:20

Maroho higo ni ga atu ambao taayamuogopha Mlungu hipho kare, wakati Nuhu kala anadzenga meli. Mlungu wavumirira uyi wao hadi meli iriphodzengbwa, ela mwisho atu achache, anane bahi, ndio ariopona madzi.