Mwandzo 47:23 - Digo Bible

²³ Chisha Yusufu achiaambira atu, “Sambi phundzani, nkakugulani na minda yenu na mosi mu mali ya mfalume. Vivi nakuphani mbeyu mkaphande mwenu mindani.

Mwandzo 47:23 Iomraidhean Croise

Mwandzo 41:27

Zira ngʼombe sabaa za kuonda chizotuluka bada ya zira za kunona, na gara masuche sabaa ga kunyala, manaye ni miaka sabaa ya ndzala.

Mwandzo 45:6

Huno ni mwaka wa phiri wa ndzala himu, na ko mbere kuchere na miaka mitsano ambapho takundakala na kurima wala kuvuna.

Mwandzo 47:22

Ela Yusufu kayagula minda ya alavyadzi-sadaka, mana taayakala na lazima ya kuguza minda yao kpwa sababu mfalume kala achiapha posho.

Mwandzo 47:24

Ela siku muchivuna, seemu mwenga ya tsano ya mavuno genu mundamupha mfalume. Seemu ndiyosala indakala ya mbeyu na ya chakurya chenu na ana enu.”

Zaburi 112:5

Manono gandamwedzera iye ariye na mbazi na aaphasaye atu, ahendaye mamboge kpwa njira ya haki.

Zaburi 41:1

Baha mutu amanyiriraye mchiya, mana Mwenyezi Mlungu andamuokola wakati wa tabu.

Misemo 11:26

Atu nkulani achuuzi ambao anafwitsa chakurya ili aguze badaye na bei gali, ela hara aguzao nkuvoyerwa baraka.

Misemo 12:11

Mutu arimaye mundawe andakala na chakurya chinji, ela alungaye mambo ga upuzi kana achili.

Misemo 13:23

Munda wa mchiya unaweza kuvyala chakurya chinji, ela chosi nkuzolwa ni aonerao.

Muhubiri 11:6

Phanda ligundzu na uphande dziloni, mana kumanya ni mbeyu ziphi ndizomerato, ichikala ni hizi au hizi, au ichikala zosi zindavyala vinono.

Isaya 55:10

Dza mvula inyavyo na barafu igbwavyo kula mlunguni, na isiuye tsona dzulu, ela nkuihenda tsi ikalwama na ivyale, na kuapha mbeyu akurima na chakurya atu angu,

Mathayo 24:45

Jesu achienderera kuamba, “Kalani dza mtumishi muaminifu na wa marifwa, ambaye tajiriwe nkumupha kazi ya kuimirira nyumbaye na kuapha atumishi ayae chakurya wakati unaofwaha.

2 Akorintho 9:10

Mlungu ndiye amuphaye mkurima mbeyu na kuapha atu chakurya. Vivyo hivyo Mlungu andakuphani mbeyu, naye andazihenda zizidi na kukuphani mavuno manji ga haki kpwa kulavya kpwenu kpwa mbazi.