Mwandzo 38:7 - Digo Bible

⁷ Ela Eri, mwana wa kpwandza wa Juda, kala ni mutu mui, uyiwe wamreyeza Mwenyezi Mlungu, na Mwenyezi Mlungu achimuolaga.

Mwandzo 38:7 Iomraidhean Croise

Mwandzo 13:13

Ela atu a Sodoma kala ni ayi, na akala anamuhendera Mwenyezi Mlungu dambi nyinji.

Mwandzo 19:13

mana swino hundauangamiza kpwa kukala chiriro kuhusu atu aha chikazidi nacho chikafikira Mwenyezi Mlungu naye akahuhuma hubanange uhu mudzi.”

Mwandzo 38:6

Juda wamlóza Eri, mwanawe mvyere; mchetu yeihwa Tamari.

Mwandzo 46:12

Juda na anae alume yani ano Eri, Onani, Shela, Peresi na Zera. (Ela Eri na Onani afwa Kanani.) Ana alume a Peresi kala ni Hezironi na Hamuli.

Mwandzo 6:8

Ela Mwenyezi Mlungu wahamirwa ni maisha ga Nuhu.

1 Afalume 17:20

Alafu achivoya na kumririra Mwenyezi Mlungu achiamba, “Mwenyezi Mlungu, Mlungu wangu, hata yu gungu ambaye nasagala kpwakpwe, unamrehera shaka ra kumuolagira mwanawe?”

1 Nyakati 2:3

Ana a Juda ni Eri, Onani na Shela. Juda wavyarirwa hinya ahahu ni Bathi-Shua mchetu wa Chikanani. Naye Eri, mwana wa kpwandza wa Juda, wakala mui matsoni pha Mwenyezi Mlungu, naye Mwenyezi Mlungu achimuolaga.

2 Nyakati 33:6

Wamlavya mwanawe dza sadaka ya kuochwa ko dete ra mwana wa Hinomu, achipiga mburuga, chisha achihenda utsai na uganga. Waendza ushauri kula kpwa apigi a mburuga, atsai na aganga. Wahenda mambo manji mai mbere za Mwenyezi Mlungu na achimtsukiza.

Zaburi 55:23

Ela uwe Mlungu undaahenda hinyo aolagadzi na atu a handzo avoromoke dibwani hata tsini kabisa kabila ya nusu ya siku zao za kuishi duniani. Ela mino nindakukuluphira uwe.

Isabu 26:19

Eri na Onani kala ni ana anjina a Juda ela afwa tsi ya Kanani.

1 Samueli 2:25

Mutu achimkosera myawe, anaweza kuvoyerwa ili Mlungu amswamehe; ela mutu achimkosera Mwenyezi Mlungu, ni ani ndiyemkanira?” Ela taayamphundza ise yao, kpwa sababu Mwenyezi Mlungu kala akakata shauri kuaolaga.