Mwandzo 24:11 - Digo Bible

¹¹ Ariphofika, waahenda ngamia asagale kondze ya mudzi kanda-kanda ya chisima. Kala ni dzuwa ra kuvunga, wakati wa achetu kpwedzaheka madzi.

Mwandzo 24:11 Iomraidhean Croise

Mwandzo 24:42

“Rero nchiphofika chisimani nkavoya, ‘Ee, Mwenyezi Mlungu, Mlungu wa bwana wangu Burahimu, nakuvoya charo changu chiniphihireto.

Mwandzo 29:2

Waona chisima pho weruni, na kanda-kanda ya cho chisima kala phana makundi mahahu ga mangʼondzi gasegere, mana kala nkunwesa phapho. Mlomo wa cho chisima kala ukabwiningizwa na dziwe kulu.

Kutsama 2:15

Phahi Farao ariphogasikira, walonda kumuolaga Musa, ela Musa wachimbira hipho pha Farao, achendasagala tsi ya Midiani. Siku mwenga Musa ariphokala asegere kanda-kanda ya chisima,

Kutsama 2:16

phakpwedza asichana sabaa ana a mlavyadzi-sadaka wa Midiani. Achedzaheka madzi achiodzaza mabirika ili kunwesa mangʼondzi na mbuzi za ise yao.

Misemo 12:10

Mwenye haki nkuroroma nyama ao, ela hendo ra mbazi kabisa ra mutu mui ni ukatili tu.

Johana 4:7

Anafundzie amricha hipho chisimani achiphiya mudzini kpwendagula chakurya. Badaye chidide, phachedza mchetu wa Chisamariya kuheka madzi. Jesu wamuamba yuya mchetu, “Nipha madzi ninwe.”

Aamuli 5:11

Phundzani sauti za aimbadzi pho phatu phahekpwapho madzi. Tangazani ushindi wa Mwenyezi Mlungu, ushindi wa achiyae ario Iziraeli. Ndipho atu a Mwenyezi Mlungu ariphotserera maryangoni.

1 Samueli 9:11

Ariphokala anaambuka mwango kuphiya himo mudzini, akutana na asichana, anatuluka kpwendaheka madzi achiauza, “Dze! Muonadzi a kuko?”