Mwandzo 2:8 - Digo Bible

⁸ Mwenyezi Mlungu achiphanda chunga phatu phoihwa Edeni, uphande wa mlairo wa dzuwa, na achimuika himo yuya mutu yemuumba.

Mwandzo 2:8 Iomraidhean Croise

Mwandzo 13:10

Lutu waona kukala dete ra muho Joridani rina madzi manji chila phatu hadi Soari, dza viratu munda wa Mwenyezi Mlungu ama tsi ya Misiri. Wakati hinyo Mwenyezi Mlungu kala kadzangbweangamiza midzi ya Sodoma na Gomora.

Mwandzo 3:23

Kpwa hivyo, Mwenyezi Mlungu achimzola Adamu asikale mura munda wa Edeni, kpwa akarime tsi iyo ariyoumbirwa.

Mwandzo 3:24

Ariphoazola, Mwenyezi Mlungu waika makerubi ko mlairo wa dzuwa wa Edeni. Chisha achiika upanga wa moho ugalukao hiku na hiku, ili kurinda njira iphiyayo kura kuriko na hura muhi wa uzima.

Mwandzo 4:16

Kaini wauka matsoni pha Mwenyezi Mlungu na achendasagala tsi ya Nodi ambayo i mlairo wa dzuwa wa Edeni.

2 Afalume 19:12

Dze, yo milungu ya mataifa goangamizwa ni ano baba, yani Gozani, Harani, Resefu na atu a Edeni asagalao mudzi uihwao Telasari yaweza kugativya?

Isaya 51:3

Mana Mwenyezi Mlungu andaphoza marenda mudzi wa Sayuni, na chila phatu phokala gandzo, na andahenda weru wa mudzi hinyo ukale dza bustani ya Edeni, na jangbware rikale dza munda wa Mwenyezi Mlungu. Atu a himo andahererwa na kuhamirwa, sauti za shukurani na kuimba zindasikirwa kula mumo.

Ezekieli 27:23

Wahenda bishara na Harani, Kane, Edeni, Sheba, Ashuru na Kilimadi.

Ezekieli 28:13

Uwe wakala Edeni, bustani ya Mlungu, uchipambwa kpwa mawe ga samani ga chila aina: akiki, yakuti ya mandano, alimasi, zabarajadi, shohamu, jasipa, yakuti samawi, zumaridi, baharamani na mapambogo ga zahabu. Vyokala vikatengezwa kare siku uriyoumbwa.

Ezekieli 31:16

Náhenda mataifa ganjina gasumbe kpwa msindo wa kugbwakpwe, hipho nriphoutsupha kuzimu phamwenga na hinyo atsererao mbirani. Na mihi yosi ya Edeni, mihi yosi minono na bora ya Lebanoni, mihi yosi imwagirwayo madzi vinono yafarijiwa ko tsini.

Ezekieli 31:18

“ ‘Ni muhi uphi wa Edeni ambao unaweza kufwananishwa na ngumayo na ukuluo we Farao? Uwe undatserezwa phamwenga na mihi ya Edeni ko kuzimu, undalazwa kahi ya nyo asiotiywa tsatsani, phamwenga na arioolagbwa na upanga. Higa ndigo ndigomphaha Farao phamwenga na jeshire kulu, Mwenyezi Mlungu anaamba.’ ”

Joeli 2:3

Dza moho uochavyo, ndivyo ndzije aryavyo phophosi atsapirapho na nyuma zao nkuricha tsandzala. Achimenya phatu, dzagbwe ni phanono dza munda wa Edeni, ela achituluka phatu hipho nkukala avi ni jangbwa mana taphana mmea hata mmwenga ndiosala.