Mwandzo 2:1 - Digo Bible

^1-2 Phahi Mlungu wamarigiza kuumba mlunguni na dunia na vyosi virivyo mumo. Kpwa hivyo, yo siku ya sabaa, waoya, bada ya kukala akamala kuhenda kazize zosi arizohenda.

Mwandzo 2:1 Iomraidhean Croise

Mwandzo 1:1

Hipho mwandzo, Mlungu waumba dzulu mlunguni na dunia.

Mwandzo 1:10

Mlungu achiyiiha yo tsi kavu “tsi,” na go madzi garigokala gakakusanyika phamwenga achigaiha “bahari.” Mlungu achiona vivyo ni vinono.

Mwandzo 2:4

Hivyo ndivyo vyokala wakati Mlungu phoumba dzulu mlunguni na dunia. Mwenyezi Mlungu ariphoumba mlunguni na dunia,

2 Afalume 19:15

Hezekiya achivoya mbere za Mwenyezi Mlungu achiamba, “Uwe Mwenyezi Mlungu, Mlungu wa Iziraeli, usagalaye chihi cha chifalume dzulu ya makerubi, uwe macheyo ndiwe Mlungu wa falume zosi za dunia. Uwe ndiwe uriyeumba mlunguni na tsi.

2 Nyakati 2:12

Hiramu achienderera kuamba, “Naatogolowe Mwenyezi Mlungu, Mlungu wa Iziraeli, ariyeumba dzulu mlunguni na dunia. Iye achiyemupha mfalume Daudi mwana mlume wa ikima, marifwa na achili ya kumanya mambo ambaye andamdzengera Mwenyezi Mlungu nyumba na adzidzengere nyumba ya chifalume.

Nehemia 9:6

Uwe ndiwe Mwenyezi Mlungu macheyo. Uwe waumba kosi mlunguni na vyosi virivyo kuko, uchiumba tsi na vyosi virivyo mumo na bahari na vyosi virivyo mumo. Chisha uwe ndiwe ulavyaye uzima kpwa viumbe vyosi na malaika anaokuabudu.

Ayubu 12:9

Ni ani asiyemanya, kahi ya aha osi, kukala ni uwezo wa Mwenyezi Mlungu ndio uriohenda gaga?

Zaburi 104:2

Nawe unangʼala yesi avi ukavwala mwanga. Mlunguni nako ukakutandaza dza hema,

Zaburi 146:6

ariyeumba mlunguni na dunia, bahari na vyosi virivyo himo Mwenyezi Mlungu ariye muaminifu hata kare na kare.

Zaburi 33:6

Kpwa neno ra Mwenyezi Mlungu, mlunguni kpwaumbwa, na vyosi virivyo mumo kpwa pumuzi ya kanwaye.

Zaburi 33:9

Ariphogomba dunia yaumbwa aripholavya amuri chila chitu chichitsembuka.

Kutsama 20:11

Mana kpwa siku sita, Mwenyezi Mlungu waumba mlunguni, duniani, baharini na vyosi virivyo mumo. Achioya siku ya sabaa, ndiyo mana Mlungu wajaliya yo Siku ya Kuoya na achiihenda takatifu.

Kutsama 31:17

Ni ishara ya kudumu kahi-kahi ya atu a Iziraeli na mimi, Mwenyezi Mlungu. Kpwa sababu náumba mlunguni na tsi siku sita, na nchiricha kuhenda kazi siku ya sabaa, ichikala ya kuoya.”

Isaya 34:4

Nyenyezi zosi mlunguni zindaangamika na mlungu undakundzwa dza jamvi. Chila chitu mlunguni chindagbwa dza makodza ga mzabibu chigonyala au ga mtini chigouma pho muhini.

Isaya 42:5

Mwenyezi Mlungu, ariyeumba mlunguni na achikutandaza, ariyetandaza tsi na mavunoge, aaphaye pumuzi atu a tsi, aaphaye uhai aho aishio mumo ndiye aambaye hivi:

Isaya 45:12

Ni mimi nriyeumba dunia na nchimuumba mwanadamu dzuluye. Mikono yangu ndiyo iriyotandaza ko mlunguni, na nchilagiza kukale nyenyezi ko mlunguni.

Isaya 45:18

Mana Mwenyezi Mlungu anaamba kukala iye ndiye ariyeumba mlunguni, naye ni Mlungu. Iye waumba dunia naye achiyiika imara, kayayiumba ikale tuphu, ela wayiumba ili isagalwe ni atu. Iye anaamba, “Mimi machiyangu ndimi Mwenyezi Mlungu, na takuna wanjina.

Isaya 48:13

Mkpwono wangu ndio urioika msingi wa dunia, na mkpwono wangu wa kulume uchitandaza ko mlunguni, ninaphoziamurisha nyenyezi, nkudzikusanya phamwenga.

Isaya 55:9

“Dza vyo mlunguni kurivyo dzulu sana kuriko tsi, ndivyo njira zangu zirivyo dzulu kuriko zenu, na maazo gangu garivyo dzulu kuriko go genu.

Isaya 65:17

Lola, ninaumba mlunguni kuphya na dunia nyiphya, na mambo ga kare tagandatambukirwa wala kuririkanwa.

Jeremia 10:12

Ela Mlungu ndiye ariyeumba tsi kpwa uwezowe, achiimarisha dunia kpwa ikimaye na kpwa kuelewakpwe achitandaza mlunguni.

Jeremia 10:16

Iye ariye mtalo wa Jakobo si dza vyo vizuka, mana ndiye ariyeumba vitu vyosi, chisha mbari za Iziraeli ni urisiwe Mwenyezi Mlungu, Mlungu wa Majeshi ndiro dzinare.

Jeremia 8:2

Nayo indatsamulwa ipigbwe ni dzuwa na mwezi na viumbe vyosi vya mlunguni, ambavyo avimendza na kuvihumikira, ambavyo avilunga na kuviabudu, nayo taindakusanywa na kuzikpwa ela indakala dza mavi pho photsi.

Zakariya 12:1

Ujumbe wa Mwenyezi Mlungu kuhusu tsi ya Iziraeli. Mwenyezi Mlungu ariyetandaza ko mlunguni, ariyeika misingi ya dunia na ariyeumba roho ya mwanadamu anaamba hivi,

Luka 2:13

Gafula kundi kulu ra malaika a mlunguni akala phamwenga na yuya malaika wanjina na achimtogola Mlungu, achiamba:

Mahendo 4:24

Hinyo ayawao ariphosikira hivyo, aungana phamwenga osi achivoya Mlungu na raka ra dzulu, achiamba, “Mwenyezi Mlungu, uriyeumba dzulu mlunguni, tsi, bahari na vyosi virivyo mumo.

Mahendo 7:42

Ela Mlungu wagaluka na achiaaricha aenderere kuabudu nyenyezi za mlunguni, kama vyoandikpwa ni manabii, achiamba: ‘Dze, mwanilavira sadaka za kuochwa na sadaka zanjina, yo miaka mirongo mine mriphokala ko jangbwani, mwi atu a nyumba ya Iziraeli?

Kumbukumbu 17:3

naye akaphiya na kuhumikira milungu yanjina na kuiabudu, achiabudu dzuwa, mwezi au vitu vyanjina vya mlunguni ambavyo nakahaza visiabudiwe,

Kumbukumbu 4:19

Dzimanyirireni ndipholola mlunguni na kuona dzuwa, mwezi, nyenyezi na vitu vyosi, sedze mkaaza kuviabudu na kuvihumikira. Vitu hivyo Mwenyezi Mlungu, Mlunguo akavirichira atu anjina osi duniani.

Aeburania 4:3

Sisi humukuluphirao Mlungu ndio ndioinjira phatuphe pha kuoya. Ela kpwa hinyo asiomkuluphira Mlungu, waamba, “Wakati mino kala nikareyezwa, náapa nchiamba, ‘Hakika atu hano sindaaruhusu ainjire phatu phangu pha kuoya.’ ” Mlungu waamba hivi hata dzagbwe kaziye na hata hipho phatu kala pha tayari hangu ariphomala kuumba dzulu na photsi.