Mwandzo 19:9 - Digo Bible

⁹ Ela aho achiamba, “Hebu, huphise hipha njirani! Uwe u mjeni tu na kuweza kuhuambira ra kuhenda. Phahi, hundakuhenda vibaya kushinda aho ajenio.” Achimsukuma-sukuma sana Lutu, achisengera ili avundze mryango.

Mwandzo 19:9 Iomraidhean Croise

Mwandzo 11:6

Mwenyezi Mlungu achiamba, “Aah! Atu aha ni amwenga na osi anagomba luga mwenga na chichi ni chandzo cha maneno makulu ambago andagahenda. Na takuna rorosi ambaro andaripanga ambaro tarindakala.

Mwandzo 13:12

Buramu wakala phapho Kanani, na Lutu achendasagala hira midzi ya deteni, achichita mahemage phephi na Sodoma.

Kutsama 2:14

Yuya mutu achimuamba Musa, “Ni ani yekuhenda mtawala wehu na muamuli? Hebu unalonda uniolage dza vira vyomuolaga yuya Mmisiri?” Musa ariphosikira hivyo waogopha na achidziamba, “Higa mambo nrigohenda ni lazima gakale ganamanyikana!”

Misemo 14:16

Mutu wa achili nkumuogopha Mlungu na kuricha mai, ela azuzu taana makini na taajali.

Misemo 17:12

Baha kukutana na dubu mchetu achiyefutwa anae, kuriko kukutana na mzuzu anaphohenda ujingawe.

Misemo 27:3

Dziwe ni ziho na mtsanga nao dza vivyo, ela chibako cha mutu mzuzu china uziho kuriko hivi vyosi viiri.

Muhubiri 10:13

Mazungumuzoge nkuandza na uzuzu, na mwishirowe kukala uyi na koma zenye,

Muhubiri 9:3

Dzambo ra kukala atu osi mwisho wao ni mmwenga ni dzii sana. Ndiyo mana atu taana makini kuhenda manono, badalaye nkuamua kuishi dza atu a koma, kpwa kukala taana kuluphiro. Mana mwisho andafwa.

Isaya 65:5

Aho akutanapho nkuambirana, ‘Kalani kure naswi, musihusengerere bii, mana swiswi hu atakatifu kuriko mwimwi.’ Atu aha ananitsukiza sana, dza mosi uinjirao pulani, dza moho uakao siku ndzima.

Jeremia 3:3

Ndiyo mana mawasa ga mvula gazuwiywa, na mvula za vuri tazidzangbwenya ela una matso mafu dza ga malaya kuona waibu tse.

Jeremia 6:15

Dze aona waibu wakati ariphohenda mambo ga kutsukiza? Hata taayaona waibu bii; aho taayamanya tse. Kpwa hivyo andagbwa kahi za nyo ariogbwa; ndiphoatiya adabu undakala mwisho wao, mimi Mwenyezi Mlungu nkaamba.”

Jeremia 8:12

Dze ariphohenda utu wa kutsukiza agbwirwa ni waibu? Taayaona waibu tsetsetse vyo vya mutu kuona waibu aho taavimanya. Kpwa hivyo andagbwa kahi za atu ariogbwa; ndiphoatiya adabu, andaangamia, mimi Mwenyezi Mlungu nkaamba.

Ezekieli 16:49

Lola, makosa ga mwenenu mchetu Sodoma na anae achetu ni higa: Kudziunula na kusaterya achiya na akutsowa, dzagbwe kala akaongokerwa na kala ana chakurya chinji.

Mathayo 7:6

“Musitsuphire madiya vitu vya Mlungu gasedze gakakungʼatani. Piya musitsuphire nguluwe lulu zenu asedze akazivyoga-vyoga.

1 Samueli 17:44

achiamba, “We ndzo tu nami nyamazo ndazipha nyama a mapha na nyama a tsakani.”

1 Samueli 2:16

Na ichikala mutu hiye andamuamba, “Richa kpwandza nioche higo marunya, chisha uhale kadiri rohoyo ndivyomendza.” Ndipho hiye mtumishi wa mlavyadzi-sadaka nkujibu, “Sivyo hivyo, sharuti uniphe vi sambi. Ichikala, kundanipha, phahi ndaihala kpwa nguvu.”

1 Samueli 25:17

Phahi aza, umanye ra kuhenda, kpwa mana akapangirwa mai dzulu ya bwana wehu na nyumbaye yosi. Kpwa kukala iye ni mutu mui tsetsetse hata takuna awezaye kumuambira.”