Mwandzo 1:9 - Digo Bible

⁹ Chisha Mlungu achiamba, “Madzi garigo tsini ya mlunguni nagakusanyike phamwenga, na tsi kavu ionekane.” Na vichikala vivyo.

Mwandzo 1:9 Iomraidhean Croise

Mwandzo 1:8

Achikuiha kura kpwahali dza dari “mlunguni.” Kuchikala ligundzu na kuchikala dziloni, na iyo ichikala ni siku ya phiri.

Nehemia 9:6

Uwe ndiwe Mwenyezi Mlungu macheyo. Uwe waumba kosi mlunguni na vyosi virivyo kuko, uchiumba tsi na vyosi virivyo mumo na bahari na vyosi virivyo mumo. Chisha uwe ndiwe ulavyaye uzima kpwa viumbe vyosi na malaika anaokuabudu.

Ayubu 26:10

Iye waika mwisho wa matso dzulu ya uso wa madzi, nao unaonekana dza mviringo uzungulukao dunia, phapho ndipho phenye mphaka wa mwanga na jiza.

Ayubu 26:7

Iye anakudula vurini dzulu ya phatu phasipho na chitu, na anagbwadzika dunia dzulu ya phatu phasipho na chitu.

Zaburi 104:3

na unasagala kuko. Maingu ukugahenda gariyo ya kuvwehwa ni farasi, na ukupanda dzulu ya phuto.

Zaburi 33:7

Wakusanya madzi ga bahari achigaikira miphaka na vivwa achivifungira seemuye.

Zaburi 95:5

Bahari ni yakpwe, mana waiumba mwenye; tsi kavu nayo ni yakpwe, ndiye ariyeiumba.

Muhubiri 1:7

Myuho yosi inamwaga madzi baharini, ela yo bahari tayiodzala. Madzi nkuuya ko myuho iandzirako, chisha gakaandza tsona kujera.

Jeremia 5:22

Kpwa utu wani tamuniogopha? Mimi Mwenyezi Mlungu nkaamba. Tamukakama mbere zangu? Mimi naika mtsanga ukale mphaka wa bahari, chizuwizi ambacho bahari taiweza kutsupa; dzagbwe maimbi nkpwedza kpwa nguvu ela tagatsapa hata gakavuma sana ela tagaweza kutsupa.

Jona 1:9

Jona achiaambira, “Mino ni Mueburania na ninamuabudu Mwenyezi Mlungu ariye dzulu mlunguni, yeumba bahari na tsi kavu.

2 Petero 3:5

Ela atu anarema makusudi ukpweli hinyu, kukala hipho kare Mlungu wagomba neno ra kuumba dunia na dzulu mlunguni. Wahenda dunia kula madzini, na achiitenga na madzi,

Maono 10:6

Waapa kpwa dzina ra Mlungu aishiye hata kare na kare na ambaye waumba dzulu mlunguni, duniani, baharini na viumbe vyosi virivyo ndani yao. Achiamba, “Wakati wa kugodzera ukasira.