Muhubiri 9:8 - Digo Bible

⁸ Vwala mavwazi gakukuajiza chila wakati na udzipake manukato.

Muhubiri 9:8 Iomraidhean Croise

2 Samueli 14:2

Achihuma mutu aphiye Tekoa, akamrehe mchetu mwenye achili, achedzamuamba, “Dzihende u mutu mwenye chiriro, ukavwale nguwo za mfwererwa, wala usidzipake mafuha, ela uigane na mchetu ariye na chiriro cha siku nyinji kpwa ajili ya kufwererwa,

2 Samueli 19:24

Chisha Mefiboshethi mdzukulu wa Sauli, achitserera ili akutane na mfalume. Hangu siku ariphouka mfalume hadi siku ariyouya salama, Mefiboshethi kala kaatire kombe za maguluni, kayadira masharubu wala kufula nguwoze.

Esta 8:15

Phahi Modekai wauka mbere za mfalume, kuno akavwala nguwo za chifalume za rangi nyereru na buluu. Tsona kala akavwala chiremba chikulu cha zahabu na chitambaa cha mafuzini cha katani ya zambarau. Mudzi wosi wa Susa wapiga njerejere kpwa raha.

Zaburi 23:5

Unaniandazira karamu kuno maadui gangu ganalola. Ukanimwagira mafuha phangu chitswani ili kuniishimu, na kuodzaza chikombe changu hadi chinafurika.

Danieli 10:3

Siyarya chakurya chinono wala nyama, siyanwa uchi na siyadzipaka mafuha hadi zo wiki tahu ziriphosira.

Amosi 6:6

Mwimwi munaonwa uchi kuhumira ndzele, na kudzipaka mafuha manono, ela tamsononeka kpwa sababu ya magandzo ga Iziraeli.

Mathayo 6:17

Ela uwe uchifunga, singa uso na udzipake mafuha chitswani,

Luka 7:46

Tsona kukanipaka mafuha chitswani kama desturi, ela iye akanipaka marashi ga magulu.

Maono 16:15

Phahi hara pepho akusanya afalume osi na majeshi gao phatu ambapho Chieburania phanaihwa Arimagedoni. Bwana Jesu anaamba, “Phundzani, mimi ndakpwedza gafula dza viratu muivi edzavyo bila ya kusema. Ela waajaliwa iye achesaye matso kuika nguwoze tayari ili asedze akanyendeka chihuphu na kuphaha waibu.”

Maono 19:14

Nago majeshi ga mlunguni kala ganamlunga-lunga nyuma. Kala gakavwala nguwo nono, nyereru tsetsetse zisizo na madowa, nao kala akapanda farasi ereru.

Maono 19:8

Iye bibi arusi akahewa nguwo nono za kungʼala-ngʼala zisizo na dowa.” (Hizo nguwo nono manage ni mahendo manono ga atakatifu a Mlungu.)

Maono 7:9

Bada ya hivyo, nátsupha matso nahenda hivi, nchiona umati mkpwulu wa atu ambao kala tauolangika, atu a tsi zosi na chila kabila dunia ndzima, aimire mbere za chihi cha chifalume na ye Mwana ngʼondzi. Nao kala akavwala kandzu nyereru na kala akagbwira makandza ga mitende.

Ruthi 3:3

Kpwa hivyo oga na udzipake mafuha ga kunukato na uvwale nguwo nono, halafu uphiye hipho awagirapho iyo shayiri. Ela uchifika phapho dzifwitse hadi amale kurya na kunwa.