Muhubiri 5:14 - Digo Bible

¹⁴ chisha zikaangamika bahati mbaya kpwenye bishara. Mwisho atu aho nkukala taana chitu cha kuarichira ana aho ario avyala enye.

Muhubiri 5:14 Iomraidhean Croise

1 Afalume 14:26

Wahala hazina yosi ya nyumba ya Mwenyezi Mlungu na ya nyumba ya mfalume. Wahala chila chitu piya ngao zosi za zahabu zotengezwa ni mfalume Selemani.

Ayubu 1:21

Achiamba, “Nátuluka ndanini mwa mayo chitsaha, nami ndauya chitsaha. Mwenyezi Mlungu wanipha, na Mwenyezi Mlungu akahala, dzinare naritogolwe.”

Ayubu 5:5

Mavunoge nkuriwa ni andzala, aho nkugahala hata garigo miyani, na enye tamaa nkuhega aphahe utajiriwe.

Zaburi 39:6

Kpwa kpweli mwanadamu anatsupa dza chivurivuri chadiche chosi ni bure, mana anakusanya mali na kamanya indarisiwa ni ani.”

Zaburi 49:18

Dzagbwe wakati anaishi nkudziharira kukala ana baha, na kulikpwa ni atu, wakati anaphoongokerwa.

Misemo 23:5

Dze, undavitongʼorera matso vitu visivyodumu? Mana, bila shaka mali nkumera mapha, ikauruka mlunguni dza nyama wa mapha.

Muhubiri 2:26

Mlungu nkumupha ikima, marifwa na furaha mutu amuhamiraye. Ela kpwa mwenye dambi nkumupha kazi za kuvuna na kuika phamwenga, chisha akamupha yuyatu amuhamiraye. Gaga nago ganasinya, ni sawa na kuzoresa phepho.

Muhubiri 5:13

Nkaona dzambo dzii hipha tsini ya dzuwa: atu nkudziikira akiba kpwa ajili ya wakati wa shida,

Muhubiri 5:15

Vyo arivyotuluka chitsaha kula ndanini mwa nine zao, ndivyo ndivyouya kuko arikola bila chitu. Kandaweza kuphiya na hata seemu ndide ya mapatoge mwakpwe mikononi.

Hagai 1:9

Mwakuluphira kuphaha mavuno manji ela mchiphaha machache. Na hata hivyo navyo murivyoreha kaya nchivivuvurira vichiuka. Mwenyezi Mlungu, Mlungu wa majeshi anaamba, Dze, kpwa utu wani yakala hivyo? Ni kpwa sababu chila mutu a mairo kudzidzengera nyumba nono, ela nyumba yangu yo ichere gandzo.

1 Samueli 2:36

Na ichikala mutu yeyesi wa mryangoo andasala, phahi andaphiya akamgbwerere maguluni mlavyadzi-sadaka wangu, avoye chipande cha feza au mkpwahe. Na piya andamuamba, ‘Myao niinjiza kpwenye kazi mwengayapho ya ulavyadzi-sadaka, niphahe kurya dzagbwe nchipande chidide cha mkpwahe.’ ”