Muhubiri 3:7 - Digo Bible

⁷ wakati wa kuahula na wakati wa kushona wakati wa kunyamala na wakati wa kugomba

Muhubiri 3:7 Iomraidhean Croise

Mwandzo 37:29

Wakati wa kuguzwa Yusufu, Rubini kala kapho na kamanyire kukala nduguze akamguza. Ariphouya, chisimani na achiona Yusufu kamo, wakpwanyula nguwoze kpwa utsungu.

Mwandzo 37:34

Jakobo wakpwanyula nguwoze achivwala magunia kpwa utsungu. Wamririra mwanawe siku nyinji.

Mwandzo 44:18

Phahi, Juda wamsengerera Yusufu na achimuamba, “Tafadhali bwana, nakuvoya nigombe maneno machache, dzagbwe u sawa na mfalume ela nakuvoya usireye.

Mwandzo 44:34

Nindamloladze baba mino bila mwanache hiyu? Sindaweza kuvumirira mai ndigomphaha baba.”

2 Samueli 1:11

Ndipho Daudi wagbwira nguwoze achizikpwanyula na atu osi ariokala phamwenga naye achihenda dza vivyo.

2 Samueli 3:31

Chisha Daudi waambira Joabu na anajeshi osi ariokala phamwenga naye, “Kpwanyulani nguwo zenu, mkavwale magunia mumririre Abineri kuno mkatanguliya ro jeneza.” Naye mfalume Daudi wanyendeka nyuma ya jeneza,

1 Afalume 21:27

Ela, Ahabu ariphosikira maneno higo, wakpwanyula nguwoze, achivwala gunia na achifunga. Kala analala na magunia na kuphiya hiku na hiku na sonono.

2 Afalume 18:36

Ela atu anyamala zii, mana kala akalagizwa ni mfalume Hezekiya asimjibu rorosi.

2 Afalume 5:7

Ela ye mfalume wa Iziraeli ariphosoma baruwa iyo wakpwanyula nguwoye na achiamba; “Kpwani mino ni Mlungu niolage na kutiya roho, ndipho mutu hiyu akahuma mtumishiwe, edze nimphoze mahana? Bila shaka mutu hiyu ananiendza kondo!”

2 Afalume 6:30

Mara mfalume ariphosikira maneno ga mchetu hiye wakpwanyula nguwoze kpwa utsungu, na atu ariokala phephi na ukuta aona kukala ndani ya nguwoye, akavwala gunia.

Esta 7:4

Mana mimi na atu angu hwaguzwa huolagbwe na huangamizwe tsetsetse. Kalapho hwaguzwa hukale atumwa bahi, hata ningenyamala, singekuyuga nago tse mfalume.”

Ayubu 2:13

Chisha achisagala photsi phamwenga naye kpwa muda wa siku sabaa, usiku na mutsi na taphana ariyegomba naye mana aona go mashaka arigonago ni makulu sana.

Zaburi 39:2

Nákala dza bwibwi, sigombere chitu ela siyaphaha baha, mateso gangu gazidi,

Muhubiri 3:6

wakati wa kuendza na wakati wa kuangamiza wakati wa kuika na wakati wa kutsupha

Isaya 36:21

Ela aho anyamala zii, mana kala akalagizwa ni mfalume Hezekiya asimjibu rorosi.

Jeremia 36:24

Ela mfalume na atumishie osi taaogophere wala kukpwanyula mavwazi gao kpwa sonono ariphosikira maneno higo.

Jeremia 8:14

Ndipho atu achiamba, “Kpwa utu wani hunasagala phano huhurire? Nahukusanyikeni, huchimbirire midzi iriyo na ngome hukafwerere kuko; mana Mwenyezi Mlungu, Mlungu wehu akahupangira hukafwe akahupha madzi ga sumu hunwe mana hukahenda dambi mbere za Mwenyezi Mlungu.

Sonono za Jeremia 3:28

Naasagale macheye na ahurire, maziho kula kpwa Mwenyezi Mlungu ganaphomphaha.

Joeli 2:13

Mnaphosononeka msikpwanyule mavwazi genu, ela kpwanyulani mioyo yenu. Muuyireni Mwenyezi Mlungu, Mlungu wenu, kpwa kukala iye ana huruma na mbazi, kana tsukizi za phephi bali ana mendzwa nyinji isiyosika, na higo mai achigopanga kukuhenderani a tayari kugaricha.

Amosi 5:13

Kpwa hivyo enye busara andanyamala wakati dza uho, kpwa kukala ni wakati mui.

Amosi 8:3

Mawira gaimbwago nyumba ya kuvoya Mlungu ko Betheli gandagaluka gakale chiriro siku iyo,” Mwenyezi Mlungu anaamba. “Nyufu zindakala nyinji, nazo zindaenea chila phatu. Takuna sauti ndiyosikirika!”

Mika 7:5

Usimuamini jiranio wala usimkuluphire msenao wa phephi! Dzimanyirire sana na maneno ugombago hata kpwa hiye alalaye phako lavuni.

Mahendo 4:20

Kpwa mana tahuweza kuricha kugomba mambo hurigogaona na kugasikira.”

Mahendo 9:39

Petero wakpwedza nao, na ariphotsoloka waphirikpwa chumba cha gorofani, ambako kala akaikpwa ye mufwa. Magungu gosi kala gakamzangira Petero kuno anarira na kumuonyesa mashati na marinda gotengezwa ni Dorokasi wakati kala ni mzima.

1 Samueli 10:16

Sauli wamjibu ise mdide, achimuamba, “Wahuambira chingʼangʼa kukala hinyo punda akaoneka kare.” Ela kamuambirire kukala Samueli akamuamba andakala mfalume.