Muhubiri 2:6 - Digo Bible

⁶ Nchidzitengezera mitsara ya madzi ga kumwagira mihi mitsanga.

Muhubiri 2:6 Iomraidhean Croise

Nehemia 2:14

Chisha nchienderera hadi Ryango ra Pula ya Madzi, hadi mtsara wa mfalume, ela ye nyama nriyekala dzuluye wakosa mwanya wa kutsupira.

Nehemia 2:8

Chisha navoya nihewe baruwa nkamuphe Asafu muimirizi wa tsaka ra mfalume, ili aniphe mbao nitengezere maryango ga ngome ya nyumba ya kuvoya Mlungu, ukuta wa mudzi na nyumba ambayo ndasagala.” Ye mfalume wanipha vyosi ambavyo namvoya kpwa kukala mkpwono wa mbazi wa Mlungu kala u phamwenga nami.

Nehemia 3:15

Ryango ra Pula ya Madzi rarekebishwa ni Shalumu mwana wa Kolihoze, chilongozi wa wilaya ya Mizipa. Iye waridzenga luphya, achiridzengera paa na achiritiya miryango, tumbuu na magbwama. Chisha achirekebisha ukuta wa birika ra madzi ra Shela, kanda ya Bustani ya mfalume na kufikira ngazi zitsererazo kula Mudzi wa Daudi.

Nehemia 3:16

Seemu ya ukuta yolungira kuelekezana na vikurani pha Daudi hadi dimbwi rohenda tsimbwa, hadi nyumba ya masujaa, yarekebishwa ni Nehemia mwana wa Azibuki, chilongozi wa nusu ya wilaya ya Bethi-Suri.

Zaburi 1:3

Mutu hiye ni dza muhi uriophandwa kanda-kanda ya vidzuho, ambao nkuvyala matunda kpwa mingaye, na makodzage taganyala. Na chila ahendaro, nkuongokerwa.

Wira wa Selemani 7:4

Singoyo yagoloka dza mnara wa pembe za ndzovu. Matsogo ganangʼala dza vidibwa vya madzi ga Heshiboni, virivyo kanda-kanda ya ryango riihwaro Bathi-Rabimu. Pulayo yaima dza mnara wa Lebanoni, mnara ulolao uphande wa Damasikasi.

Jeremia 17:8

Iye ni dza muhi uriophandwa kanda-kanda ya madzi, ambao miziye inafika pho muhoni, kandaogopha wakati wa kazikazi, mana makodzage gandaenderera kukala maitsi. Mwaka wa ukame taundaricha kuvyala matunda.