Muhubiri 2:23 - Digo Bible

²³ Mana sikuze zosi zikaodzala sonono, na kaziye inamtsukiza. Hata usiku achiliye taioya. Cho chadiche china mana yani?

Muhubiri 2:23 Iomraidhean Croise

Mwandzo 3:17

Chisha achimuamba yuya mlume, “Kpwa vira ukagbwira maneno ga mcheo, na ukarya tunda ra muhi ambao nákukahaza usirye matundage, vivi tsi ikalaniwa kpwa sababuyo. Kpwa jasho undarya mavunoge maishago gosi.

Mwandzo 47:9

Jakobo achimuambira mfalume, “Miaka ya charo changu himu duniani ni gana mwenga na mirongo mihahu. Miaka hino ni michache na taidzangbwefika miaka yoishi akare angu, tsona yakala ya kugaya.”

Esta 6:1

Phahi usiku uho mfalume wakala na chilahulwe. Achilagiza chitabu cha kumbukumbu ya mambo garigohendeka chirehwe. Phahi charehwa na chichisomwa mbereze.

Ayubu 14:1

Mwanadamu avyalwaye ni mchetu maishage sigo mare, tsona ga tele tabu.

Ayubu 5:7

Mwanadamu nkudzirehera mwenye shida dza tsetse ziurukavyo kuphiya dzulu.

Zaburi 127:2

Ni kazi ya bure kurauka ligundzu na kulala kuchelewa, na kuphaha chakurya kpwa tabu. Mana Mlungu nkuatimizira mahitaji ga anaoamendza na kuapha usingizi mnono.

Zaburi 32:4

Usiku na mutsi mkpwonoo wanitiya adabu mkpwotse wangu wasira dza madzi gaumavyo wakati wa kazikazi.

Zaburi 90:15

Hujaliye siku nyinji za raha chiasi cha urivyohenda hugaye; miaka yehu ya tabu naikale chiasi sawa na miaka ya kujaliwa.

Muhubiri 1:13

Náhenda chadi kuchunguza na kuendza kpwa ikima chila chitu chihendekacho hipha tsini ya dzuwa. Mlungu waapha anadamu kazi ngumu.

Muhubiri 1:18

Kpwa mana ikima nyinji inareha sonono nyinji; na nyo aenjerezao marifwa anadzienjerezera huzuni.

Muhubiri 2:11

Chisha nchilola gosi nrigohenda na mikono yangu na vyo nirivyokala na chadi kugahenda. Nami nchimanya kukala gosi tagana mana, sawa na kuzoresa phepho, chitu sichokala na fwaida phapha tsini ya dzuwa.

Muhubiri 5:12

Mchibaruwa alala usingizi wa mtswano, akale akarya kumvuna au akahenda lamba-lamba tu. Ela tajiri kaphaha usingizi kpwa sababu ya utajiriwe munji.

Muhubiri 5:17

Siku zosi arya jizani, kuno ana sonono, makongo na utsungu.

Muhubiri 8:16

Chila mara nriphodzilavya kuendza ikima na kuona gahendekago phapha duniani, náona kukala mutu anaweza kukosa usingizi usiku na mutsi.

Danieli 6:18

Bada ya hipho mfalume wauya kpwakpwe kaya. Usiku uho kayarya, kayapigirwa ngoma na achikala na chalaulwe.

Mahendo 14:22

Hara mitume atiya moyo afuasi a midzi iyo na achiafundza zaidi kumkuluphira Jesu. Chisha achiatambukiza achiamba, “Huchilonda kuinjira kpwenye ufalume wa Mlungu ni lazima hutsapireni tabu nyinji.”