Muhubiri 10:12 - Digo Bible

¹² Maneno ga mutu mwenye ikima gana chibali; ela mzuzu nkubanangbwa ni manenoge.

Muhubiri 10:12 Iomraidhean Croise

2 Samueli 1:16

Mana Daudi kala akamuambira, “Milatsoyo na ikale dzuluyo mwenye, mana ukadzisema mwenye, ukaamba, ‘Nkamuolaga mmwagirwa mafuha wa Mwenyezi Mlungu.’ ”

Ayubu 16:5

Ningekutiyani nguvu kpwa gara nigombago, na maneno gangu ga kuphoza marenda gangehuriza utsungu wenu.

Zaburi 140:9

Usiruhusu maadui gangu gakanishinda, go mai anipangirago, nagaauyire enye!

Zaburi 37:30

Kanwa ya mutu wa haki igomba ikima na lilimire rigomba uamuli wa haki.

Zaburi 64:8

Mlungu andaangamiza kpwa sababu ya maneno gao enye, osi ndioaona andasuka-suka vitswa vyao.

Misemo 10:10

Afwinyiraye dzitso mutu andazula tabu, ela mzuzu asiyetsambula maneno, andadziangamiza.

Misemo 10:8

Mwenye moyo wa achili andatii shariya, ela azuzu adererekao maneno manji andaangamika.

Misemo 12:18

Maneno ga ovyo ganakata dza upanga, ela ariye na achili manenoge ganaphoza.

Misemo 15:2

Mromo wa mutu wa achili nkugoteza marifwa, ela miromo ya azuzu nkueneza ujinga.

Misemo 15:23

Kulavya jibu nono kunafurahisha, ni ajabu kuphaha neno ra kufwaha kano unaphoritaka!

Misemo 19:5

Shaidi wa handzo kandakosa kutiywa adabu, na mutu achengaye kandaweza kuchimbira.

Misemo 22:11

Mutu wa moyo mswafi na maneno manono andakala msena wa mfalume.

Misemo 26:9

Msemo uchigombwa ni mzuzu una hatari dza panda ya miya iriyo mikononi mwa mlevi.

Misemo 31:26

Agombapho manenoge gana ikima na nkufundza atu na mbazi.

Muhubiri 12:11

Misemo ya alachu ni dza mlawa wa kutsungira ngʼombe. Misemo yokusanywa phamwenga ni mrisa ni dza misumari yokotwa kpwa nguvu.

Muhubiri 4:5

Mzuzu kahenda kazi na mwishowe nkudzihirisa.

Muhubiri 5:2

Ririkana kabila kudzangbwegomba na usikale mwepesi wa kuahidi utu mbere za Mlungu. Mana Mlungu a dzulu mlunguni ela uwe u phapha duniani. Kpwa hivyo usikale na maneno manji.

Muhubiri 5:6

Tundza lilimiro sedze rikakuinjiza dambini. Mana uchihenda hivyo indabidi umuambire mtumishi wa Mlungu kukala wapitiliywa. Kpwa utu wani umtsukize Mlungu na manenogo na kumuhenda abanange kaziyo?

Muhubiri 9:17

Baha kuphundza maneno ga pore ga mwenye ikima, kuriko kuphundza kululu za mfalume kahi ya azuzu.

Mathayo 12:35

Mutu mnono nkutuluza manono kula kpwa akibaye nono na mutu mui nkutuluza mai kula kpwa akibaye mbii.

Luka 19:22

Yuya mfalume achimuamba, ‘Nindakuamula kpwa kauliyo mwenye, u mtumishi mui! Nawe unamanya mino ni mutu mgumu, nihalaye ambacho si changu na kuvuna ambacho siphandire,

Luka 4:22

Atu osi amtogola, na achiangalazwa ni manenoge mazuri achigogomba. Chisha achiuzana, “Yuno siye yuya mwana wa Yusufu?”

Aefeso 4:29

Msigombe maneno gogosi ga kulaphiza, ela gombani maneno ga kuterya ayawenu kulengana na maitaji gao, ili aphundzao aphahe fwaida.

Akolosai 4:6

Phahi wakati wosi bishani nao chituwo. Maneno genu nagakale manono, ili afwahirwe na azidi kugaphundza. Ndipho mundamanya kumjibu vinono chila mutu.