Misemo 9:8 - Digo Bible

⁸ Mwenye chibero usimuonye, mana andakuzira, muonye mwenye ikima naye andakumendza.

Misemo 9:8 Iomraidhean Croise

1 Afalume 1:23

Nao atumishi amuambira mfalume, “Hiyu nabii Nathani akedza.” Naye ariphofika mbere za mfalume, wazama hadi uso uchiguta photsi.

1 Afalume 1:32

Naye mfalume Daudi waamba, “Niihira mlavyadzi-sadaka Sadoki, nabii Nathani na Benaya mwana wa Jehoyada.” Nao achedza mbere za mfalume.

1 Afalume 22:8

Naye mfalume wa Iziraeli achimjibu Jehoshafati achimuamba, “Phasere mutu mmwenga, Mikaya mwana wa Imula, ambaye hunaweza kumuuza Mwenyezi Mlungu, ela mino nammena, mana kanitabiriya manono ela mai.” Naye Jehoshafati achijibu achiamba, “Hata, mfalume na asiambe hivyo.”

Zaburi 141:5

Mwenye haki achinipiga au achinidemurira indakala ni dza mafuha mwangu chitswani. Chitswa changu tachindarema. Kpwa kpweli sindaricha kuvoya kuhusu uyi wao.

Misemo 1:5

Mwenye busara asikire na aenjereze ilimu, mwenye ikima aphahe mashauri ga kumlongoza.

Misemo 10:8

Mwenye moyo wa achili andatii shariya, ela azuzu adererekao maneno manji andaangamika.

Misemo 13:1

Mwana wa ikima nkugbwira mafundzo ga ise, ela mwana mwenye chibero kaphundza mashauri.

Misemo 13:18

Mutu apuzaye mafundzo andafikpwa ni uchiya na waibu, ela agbwiraye mafundzo andaishimiwa.

Misemo 15:12

Mutu wa chibero kamendze kukanywa, phahi kalunga ushauri kpwa atu a achili.

Misemo 19:25

Mtiye adabu mutu wa chibero, na mzuzu andakala mlachu, na mutu wa achili achikanywa nkuonjereza marifwa.

Misemo 23:23

Gula kpweli, wala usiiguze, tsona gula ikima, mafundzo na ufahamu.

Misemo 23:9

Mutu mzuzu kaambirwa, mana andabera mashaurigo ga ikima.

Misemo 28:23

Mutu aonyaye ayae mwishowe andamendzwa kuriko mutu adzipendekezaye na maneno manono.

Misemo 29:1

Mutu aonywaye kano nyinji na ahende likakado, andavundzwa gafula bila ya kupona.

Isaya 36:21

Ela aho anyamala zii, mana kala akalagizwa ni mfalume Hezekiya asimjibu rorosi.

Alawi 19:17

“Usimzire nduguyo mwako moyoni, ela mdemurire chingʼangʼa siku zosi ili usishiriki dambiye.

Mathayo 15:14

Msidzishuulishe na hinyo vilongozi vipofu. Chipofu achilongoza chipofu myawe, osi airi andavoromoka dibwani.”

Mathayo 7:6

“Musitsuphire madiya vitu vya Mlungu gasedze gakakungʼatani. Piya musitsuphire nguluwe lulu zenu asedze akazivyoga-vyoga.