Misemo 8:35 - Digo Bible

³⁵ Mana aniphahaye mimi ana uzima, naye akakubaliwa ni Mwenyezi Mlungu.

Misemo 8:35 Iomraidhean Croise

Misemo 1:33

Ela chila aniphundzaye andakala salama, naye andahurira bila ya kuogopha mai.”

Misemo 12:2

Mutu mnono nkupendeleywa ni Mwenyezi Mlungu, ela mutu wa nia mbii nkuhukumiwa ni Mwenyezi Mlungu.

Misemo 18:22

Mutu aphahaye mchetu akaphaha chitu chinono, naye andapendeleywa ni Mwenyezi Mlungu.

Misemo 3:22

Navyo vindakupha maisha manono, dza mkpwufu uhendavyo singoyo ikakala nono.

Misemo 3:4

Ndipho undakubalika na kutogolwa mbere za Mwenyezi Mlungu na mbere za mwanadamu.

Misemo 4:13

Gbwira sana mafundzo ga ikima usigariche gatsopoke, gatundzeto kpwani ni uzimao.

Misemo 4:22

Kpwa vira higo ni uzima kpwa iye agaphahaye, na ni dawa ya mwiri wosi.

Misemo 9:6

Richani uzuzu mphahe kuishi, lungani mambo ga achili.”

Muhubiri 7:12

Kpwa mana urindzi wa ikima ni dza urindzi wa pesa, na fwaida ya marifwa ni hino: kukala ikima nkumfwaidi iye ariye nayo.

Johana 14:6

Achiambwa, “Mimi ndimi njira, ndimi kpweli na ndimi uzima. Takuna mutu awezaye kufika kpwa Baba isiphokala atsupire kpwangu.

Johana 17:3

Na hinyo uzima wa kare na kare ni kukumanya uwe, Mlungu wa kpweli, Mlungu macheye, na kunimanya mimi, Jesu Masihi, uriyenihuma himu duniani.

Johana 3:16

Kpwa sababu iyo Mlungu wamendza atu duniani hata achimlavya mwanawe wa macheye, ili chila mutu amkuluphiraye asiangamike, ela akale na uzima wa kare na kare.

Johana 3:36

Yeyesi akuluphiraye Mwana ana uzima wa kare na kare. Ela asiyemuogopha kandakala na uzima mana Mlungu anaenderera kumreyera.”

Aefeso 1:6

Nahumtogoleni Mlungu kpwa mbazize nyinji za ajabu arizohupha kpwa sababu ya arigohenda mwanawe ammendzaye sana.

Afilipi 3:8

Kpwa kpweli, chila chitu nrichokala nchihenda nachiona tachina mana nchifwananisha na samani kulu ya kummanya Masihi Jesu, Bwana wangu. Náricha vitu vyosi kpwa sababuye, na sambi naviona dza uchafu wa kutsupha dzalani. Maazo gangu ni nikale wa Jesu bahi,

Akolosai 3:3

Kpwa sababu maisha ga kare gasira, kama avi mwafwa, na sambi muna maisha maphya. Atu taaelewa kukala maisha genu maphya na Jesu ni chitu chimwenga kpwa Mlungu.