Misemo 6:6 - Digo Bible

⁶ We mvivu! Phiya ukalole tsungutsungu, karirikane njiraze ili uphahe ikima.

Misemo 6:6 Iomraidhean Croise

Misemo 1:17

Muhambo uhegbwapho kuno nyama a mapha analola, unahegbwa bure.

Misemo 10:26

Viratu vira digbwa rihendavyo gandzi menoni au mosi uawisavyo matsoni, ndivyo mvivu alumizavyo achiomuandika kazi.

Misemo 10:4

Uvivu unareha uchiya, mkpwono wa mutu mwenye chadi unatajirisha.

Misemo 13:4

Atu avivu nkutamani na kaphaha chitu, ela gaazwago ni atu a chadi nkutimizwa.

Misemo 15:19

Njira ya mutu mvivu yamera miya, ela njira ya mwenye haki ikaera dza njira kulu.

Misemo 18:9

Mutu mvivu wa kazi ni sawa na mutu mʼbanandzi.

Misemo 19:15

Uvivu nkureha usingizi wa fungo, na mutu asiyelonda kuhenda kazi andagaya na ndzala.

Misemo 19:24

Mutu mvivu nkutiya mkpwonowe ligani ela akashindwa kuutiya mromoni!

Misemo 20:4

Mvivu karima minga ya kurima naye minga ya kuvuna andaaza aphahe mavuno ela kandaphaha chitu.

Misemo 21:25

Tamaa ya mutu mvivu ndiyo ndiyomuolaga, mana mikonoye tailonda kuhenda kazi.

Misemo 22:13

Mutu mvivu nkuamba, “Ko kondze kuna simba, anaweza kuniolaga mo njirani.”

Misemo 23:19

Mwanangu, phundza na ukale na ikima, moyoo naufikiri sana vira uishivyo.

Misemo 30:24

Kuna viumbe vine duniani virivyo vidide ela vina ikima nyinji sana:

Misemo 30:25

Tsungutsungu ni adudu adide asinyo nguvu ela nkudziikira chakurya cha minga za kazikazi.

Misemo 6:9

We mvivu! Undalala ta rini? Undalamuka rini kula usingizini?

Isaya 1:3

Ndzau inamanya anayeifuga na punda anamanya chidau atiirwacho chakurya ni ye amfugaye, ela Aiziraeli taamanya, atu angu taaelewa.”

Jeremia 8:7

Hata manjera anamanya wakati wa kutsama; na njiya, mberya na mariro, nkulunga majira gao ga kuuya; ela atu angu taamanya zo amuri zangu mimi Mwenyezi Mlungu.

Mathayo 25:26

“Ela yuya bwana achimuamba, ‘We mtumishi mui na mvivu! Unamanya kukala nkuvuna phatu ambapho siphandire, na nkukusanya phatu ambapho siyakumbira.

Mathayo 6:26

Lolani nyama a mapha. Taaphanda, taavuna, wala taaika vitsagani. Ela Sowe yenu ariye Mlunguni nkuarisa. Dze, mwi si mu a samani kulu kuriko aho?

Arumi 12:11

Msikale avivu kuhenda kazi ya Mlungu, ela lungani vira Roho Mtakatifu alondavyo mumhumikire Bwana Jesu kpwa chadi.

Aeburania 6:12

Msikale avivu, ela igizani hara ambao kpwa kukuluphira na kuvumirira nkuphokera gara ambago gaahidiwa ni Mlungu.