Misemo 4:5 - Digo Bible

⁵ Dziphahire ikima, dziphahire kuelewa mambo; usiyale wala kubera maneno gangu.

Misemo 4:5 Iomraidhean Croise

2 Nyakati 34:2

Josiya wahenda garigo sawa mbere za Mwenyezi Mlungu. Walunga njira za mkarewe Daudi, kayagaluka uphande wa kulume wala wa kumotso.

Ayubu 23:11

Chigulu changu chikalunga nyagoze, nikalunga njiraze na sidzangbweaphuka.

Zaburi 119:157

Aviha angu na anigayisao ni anji, ela sindaricha kulunga malagizogo.

Zaburi 119:51

Atu a kudzikarya ananibera, ela siricha kulunga shariyazo.

Zaburi 44:18

Tahudzangbwerema kugbwira shariyazo, wala kurema kuhenda vira ulondavyo.

Misemo 16:16

Ni bora iriyodze kuphaha ikima kuriko zahabu na kutsambula kukala na achili kuriko feza.

Misemo 17:16

Taina mana mzuzu kukala na pesa za kuriphira ilimu, napho kana hamu ya kuphaha ikima.

Misemo 18:1

Mutu asiyelonda ga ayae anadziendzera fwaidaye mwenye, na nkupingana na chila ushauri mnono ahewao.

Misemo 19:8

Mutu aphahaye ikima anamendza rohoye, na atu ario na ufahamu andaongokerwa.

Misemo 23:23

Gula kpweli, wala usiiguze, tsona gula ikima, mafundzo na ufahamu.

Misemo 3:1

Mwanangu, usiyale mafundzo gangu, ela gbwira malagizo gangu na moyoo wosi.

Misemo 4:7

Dzambo ra msingi ni kudziphahira ikima; lavya chila urichonacho kpwa uphahe busara.

Misemo 8:5

Mwino azuzu dzifundzeni kukala alachu, namwi apumbavu kalani na makini.

Jakobo 1:5

Myawenu yeyesi achikosa marifwa, ni lazima avoye Mlungu, naye andahewa. Mana Mlungu ndiye alavyaye kpwa chila mutu moyo kutsuka tsona na mbazi.