Misemo 31:4 - Digo Bible

⁴ Taifwaha afalume kunwa uchi, Lemueli, taifwaha, wala taifwaha atawala kuaza uchi mufu.

Misemo 31:4 Iomraidhean Croise

1 Afalume 16:9

Ela Zimuri, mkpwuluwe wa jeshi ambaye kala ni muimirizi wa nusu ya kundi ra magarige ga kuvwehwa ni farasi wampangira njama mbii. Siku mwenga, mfalume Ela ariphokala hiko Tirisa ndani ya nyumba ya Arisa ariyekala muimirizi wa nyumba ya mfalume, wanwa, achilewa.

1 Afalume 20:12

Beni-Hadadi waphokera ujumbe wa Ahabu ariphokala ananwa ndani ya mahema gao phamwenga na afalume ayae. Phahi, waambira asikarie akale tayari. Nao adzipanga kuushambuliya mudzi.

Esta 1:10

Sambi, iriphofika siku ya sabaa ya iyo sharee, mfalume wanwa uchi wa zabibu na achisikira raha sana mwakpwe moyoni kpwa sababu ya hinyo uchi wa zabibu. Chisha achialagiza hinyo atumishie sabaa ariotulwa akamrehe mchewe Vashiti mbereze. Atumishi hinyo kala ni Mahemani, Bizitha, Haribona, Bigitha, Abagitha, Zethari na Karikasi. Mfalume walagiza kukala arehwe, kuno akavwala kofiyaye ya chifalume ili edze aonyese hinyo akulu phamwenga na atumishie unono wa Vashiti, mana kala ni mnono tamuna.

Esta 3:15

Baruwa hizo zichiphirikpwa upesi sana, kulengana na shariya ya mfalume. Lagizo hiro piya richilaviwa hadi Susa kaya pha mfalume. Phahi Hamani na mfalume achisagala achinwa ela mudzi wosi wa Susa uchimenya wuoga.

Misemo 20:1

Uchi wa zabibu nkureha chibero na uchi wowosi nkusababisha fujo na mutu akosezwaye ni vitu hivyo kana ikima.

Misemo 23:34

Undakala dza mutu alalaye kahi-kahi ya bahari, auruswaye hiku na hiku dza mutu ariye dzulu ya mlingoti wa meli.

Muhubiri 10:17

Baha uwe tsi, uriye mfalumeo ni wa chivyazi cha chifalume, na vilongozio anahenda sharee wakati wa sawa ili aphahe nguvu wala si kpwa sababu ya ulevi.

Isaya 5:22

Shaka hiro kpwa hinyo ario masujaa a kunwa uchi na atu amanyikanao kubiganya madzuchi.

Habakuki 2:5

Uchi unamchenga, kpwa kudzikaryakpwe kandaoya bii. Kpwa kukala ni mtoni, katosheka dza kuzimu na chifo, anaakusanyira mataifa ganjina gosi na anateka atu osi akale akpwe.”