Misemo 30:19 - Digo Bible

¹⁹ Mwendo wa kozi hewani, mwendo wa nyoka aambalapho mwambani, mwendo wa meli baharini, na vira mlume amendzavyo mwanache wa chichetu.

Misemo 30:19 Iomraidhean Croise

Ayubu 39:27

Dze, kozi nkuphiya dzulu kpwa amuriyo, na kudzenga nyumbaye phatu pha dzulu?

Kutsama 22:16

“Mutu achimrusa msichana ambaye kadzangbwelólwa na achimchenga-chenga hata achikala naye, naamlavire mali na amlóle.

Misemo 30:18

Kuna mambo mahahu ambago ni ajabu kpwangu, kamwe ni mane ambago sigaelewa.

Isaya 40:31

Ela osi amukuluphirao Mwenyezi Mlungu andatiywa nguvu nyiphya, nao andauruka dzulu sana dza kozi, andazola wala taandaremwa, andanyendeka wala taandafwa purungire.”

Jeremia 48:40

Mana Mwenyezi Mlungu anaamba: “Lola, taifa mwenga riredza mairo dza kozi, redze rifwinike Moabu na maphage.

Jeremia 49:22

Lola, mmwenga andapanda na kuuruka dza kozi, na kuandzula maphage dzulu ya Bosira. Siku iyo mioyo ya anajeshi a Edomu indakala dza moyo wa mchetu ariye na utsungu wa kudzivugula.”

Kumbukumbu 28:49

“Mwenyezi Mlungu andareha taifa kula kure rikushambuliye. Rindakpwedza kula pembe za dunia, na mwendo wa kasi dza kozi, taifa ambaro kurimanya lugaye.