Misemo 30:12 - Digo Bible

¹² Kuna atu ambao nkudziona swafi phao matsoni, ela uchafu wao taudzangbwesafishwa.

Misemo 30:12 Iomraidhean Croise

Ayubu 33:9

Uwe unaamba, ‘Mimi ni swafi, sina dambi, sina ila wala uyi.

Zaburi 36:2

Mui nkudzichenga mwenye iye nkuona uyiwe taundamanyikana na akahukumiwa.

Zaburi 51:2

Niusira makosa gangu kabisa, nitsusa dambi zangu.

Zaburi 51:7

Nitsusa dambi zangu na muhisopo, nami nindatsuka; niogesa niere, nkale mwereru kuriko bafuta.

Misemo 16:2

Mutu nkuona mahendoge ga sawa, ela Mwenyezi Mlungu ndiye achunguzaye moyo wa atu.

Misemo 21:2

Mutu mwakpwe moyoni nkudziona anaphiya sawa-sawa, ela Mwenyezi Mlungu ndiye achunguzaye moyo.

Isaya 1:16

Tsukutsani mikono yenu na mkale swafi. Usani mahendo genu mai phangu matsoni. Richani kuhenda mai.

Isaya 65:5

Aho akutanapho nkuambirana, ‘Kalani kure naswi, musihusengerere bii, mana swiswi hu atakatifu kuriko mwimwi.’ Atu aha ananitsukiza sana, dza mosi uinjirao pulani, dza moho uakao siku ndzima.

Jeremia 2:35

unaamba, ‘Sina makosa, kpwa kpweli Mwenyezi Mlungu kanitsukirirwa tsona.’ Ela mino ndakuamula kpwa ko kuamba, ‘Sina makosa.’

Jeremia 4:14

Mwi atu a Jerusalemu dzisafisheni, muuse mai mwenu moyoni ili mphahe kutivywa. Hadi rini maazo mai gandakala na nafwasi mwenu moyoni?

Ezekieli 36:25

Ndakutimvirani-timvirani madzi swafi ambago gandakuhendani mkale swafi kula kpwa vizuka vyenu na chila chitu chanjina chokuhendani mkale najisi.

Hosea 12:9

Mimi, Ndimi Mwenyezi Mlungu, Mlunguo niriyekutuluza kula tsi ya Misiri. Nindakuhenda usagale mahemani tsona dza viratu uhendavyo wakati wa sikukuu ya vibanda.

Zakariya 13:1

“Siku iyo ichifika, kundahumbuka pula ya madzi kpwa atu a chivyazi cha Daudi na atu asagalao Jerusalemu ili gatakase dambi zao na unajisi wao.”

Luka 16:15

Phahi waambira, “Mwimwi munadzionyesa kpwa atu kala mu atu anono, ela Mlungu anamanya wazi mambo mai garigo mwenu mioyoni. Kpwa mana mambo gamuhendago mutu aonekane mzuri kpwa atu anjina, kpwa Mlungu ni mabaya.

Luka 18:11

Yuya Mfarisayo waima na achivoya chimoyo-moyo, achiamba, ‘Nakushukuru Mlungu, kpwa kukala mino si dza atu anjina: aivi, atu ayi na azinifu, wala si dza hiyu mtoza kodi.

1 Akorintho 6:11

Kpwa kugomba kpweli anjina enu kala mu dza vivyo, ela mwatakaswa, mwatengbwa na mwahendwa atu a haki kpwa sababu ya Bwana Jesu Masihi na Roho Mtakatifu wehu.

2 Timothi 3:5

Nao andaonekana avi anaogopha Mlungu, ela andakahala nguvuze. Phahi atu dza hinyo, dzitenge nao.

Tito 3:5

Wahuokola, si kpwa sababu ya dzambo rorosi nono ra haki hurirorihenda, ela kpwa sababu ya mbazize. Wahuokola kpwa kuhutakasa huriphovyalwa mara ya phiri, na kpwa kuhupha maisha maphya kutsupira Roho Mtakatifu.

Aamuli 17:13

Phahi Mika waamba, “Vivi namanya kukala Mwenyezi Mlungu andanijaliya kpwa sababu mlavyadzi-sadaka wangu ni Mlawi.”

Aamuli 17:5

Mika kala ana phatuphe pha kuabudu. Achishona chisibao na achidzitengezera vizuka, chisha achimtenga mwanawe mmwenga akale mlavyadziwe wa sadaka.