Misemo 3:5 - Digo Bible

⁵ Mkuluphire Mwenyezi Mlungu na moyoo wosi, wala usiadamire achilizo mwenye;

Misemo 3:5 Iomraidhean Croise

Ezira 8:23

Phahi huchifunga na kumvoya Mlungu wehu kpwa sababu ihi, naye achisikira mavoyo gehu.

Ayubu 13:15

Andaniolaga, nami sina kuluphiro, ela ndahehera mwendo wangu mbereze.

Zaburi 125:1

Amukuluphirao Mwenyezi Mlungu ni dza mwango wa Sayuni, ambao tauweza kusumbiswa, ela unadumu hata kare na kare.

Zaburi 37:3

Mkuluphire Mwenyezi Mlungu na uhende manono, ili uishi salama kpwenye yo tsi na uongokerwe.

Zaburi 37:5

Mrichire Mwenyezi Mlungu njirazo zosi, mkuluphire iye naye andakuhendera.

Zaburi 37:7

Hurira mbere za Mwenyezi Mlungu, mgodze na uvumirire, usibabaishwe ni iye ambaye njiraze zinaongokerwa, wakati anahenda mipangoye mii.

Zaburi 62:8

Mwi atu, mkuluphireni Mlungu wakati wosi, muambireni gosi garigo mwenu mioyoni. Mlungu ndiye chimbiriro rehu.

Misemo 22:19

Nimendzaye kumfundza rero hasa ni uwe, ili kuluphiroro rikale kpwa Mwenyezi Mlungu.

Misemo 23:4

Usidzikate palata kuendza utajiri humira achilizo kudzizuwiya usiangaike sana kuendza mali.

Misemo 28:26

Mutu anayekuluphira achilize mwenye ni mzuzu, ela mutu aishiye kpwa ikima andakala salama.

Misemo 3:7

Usidzione kukala u mwerevu, Muogophe Mwenyezi Mlungu na uriche kuhenda mai.

Isaya 12:2

Kpwa kpweli Mlungu ndiye muokoli wangu, ndamkuluphira wala sindaogopha. Mwenyezi Mlungu ndiye nguvu zangu na wira wangu, iye akakala wokofu wangu.”

Jeremia 10:23

Ninamanya, ee Mwenyezi Mlungu kukala mwanadamu kana uwezowe, Mwanadamu kaweza kudzilongoza.

Jeremia 9:23

Mwenyezi Mlungu anaamba, “Mutu ariye na ikima naasidzikarye kpwa ikimaye, na mwenye mkpwotse naasidzikarye kpwa mkpwotsewe na tajiri naye naasidzikarye kpwa utajiriwe.

Isabu 9:20

Wakati wanjina ro ingu rabwiningiza ro hema kpwa muda mchache. Phahi atu aenderera kusala phapho kambini au kuuka kpwa lagizo ra Mwenyezi Mlungu.

Isabu 9:22

Muda wosi ro ingu kala richienderera kukala pho dzulu ya hema ikale siku mbiri, mwezi au mwaka, Aiziraeli asala kambini, taaukire bii. Ela auka tu wakati ro ingu ririphounuka dzulu.

Arumi 12:16

Ishini vinono na ayawenu. Msihende shobo, ela dziikeni sawa na atu a kawaida, wala msidzione kala muna marifwa zaidi.

Aefeso 1:12

Sambi swiswi ambao hu a kpwandza kumtarajiya Jesu, hunalondwa humtogole Mlungu kpwa ngumaye.