17 Njiraze ni nono, zosi zinaelekea kpwenye amani.
Haleluya. Mwenyezi Mlungu naatogolwe. Baha mutu amuogophaye Mwenyezi Mlungu, mutu ahamirwaye ni malagizoge.
Manenogo ga mtswano sana kpwangu, ga mtswano kuriko asali!
Nahamirwa ni kulunga malagizogo, dza viratu mutu ahamirwavyo ni utajiri munji.
Hinyo amendzao shariyayo ana amani kulu na taphana chochosi ndicho ahenda akpwale.
Naaza wokofuo, ee Mwenyezi Mlungu, na shariyayo inanihenda nihamirwe.
Mana nafwahirwa ni kugbwira malagizogo, kpwa kukala nagamendza.
Njira zosi za Mwenyezi Mlungu ni za mendzwa isiyosika na uaminifu kpwa hinyo agbwirao chilaganeche na malagizoge.
Ela hinyo anaogbwa maguluni andarisi tsi, nao andasagala kpwa amani na aongokerwe.
Njira za mutu zichimfwahira Mwenyezi Mlungu, Mwenyezi Mlungu nkuhenda maadui ga mutu hiye gaishi naye kpwa amani.
Mana ikima indainjira mwako moyoni, na marifwa gandafwahira nafusiyo.
Mana ni vinono maneno higa gachikala mwako moyoni, tsona chila mara gakale tayari mwako mromoni.
Mwenyezi Mlungu andamupha amani hiye ariye muaminifu wakati wosi kpwa kukala anamkuluphira.
Mimi nindaahenda osi asononekao anitogole kahi ya Iziraeli. Nindaahenda osi ario kure na ario phephi akale na amani na niaphoze,” Mwenyezi Mlungu aambavyo.
Undaangʼarira atu ario jizani, ambaro ni dalili ya chifo, na undahuelekeza maisha ga salama.”
Phahi, kpwa vira Mlungu wahuphokera dza atu a haki kpwa kumkuluphira, sambi hunasagalato na Mlungu kpwa gara arigohenda Bwana wehu Jesu Masihi.
