Misemo 29:23 - Digo Bible

²³ Ngulu za mutu zindamʼbwaga, ela mwenye moyo wa kugbwa maguluni andaishimiwa.

Misemo 29:23 Iomraidhean Croise

Ayubu 22:29

Mana Mlungu nkuatsereza enye kudzikarya, ela nkutivya anaodzitsereza.

Ayubu 40:12

Lola chila mmwenga adzikaryaye, umutsereze, na uvyoge-vyoge ayi osi pho achiphoima.

Misemo 11:2

Kudzikarya nkpwedza phamwenga na waibu, ela anyenyekevu ndio enye ikima.

Misemo 15:33

Kumuogopha Mwenyezi Mlungu kunafundza mutu akale na ikima, mutu achigbwa maguluni badaye andaishimiwa.

Misemo 16:18

Ngulu nkutanguliya kubanangika, na roho ya kudziunula ikatanguliya kugbwa.

Misemo 16:19

Baha kukala mnyenyekevu na kuishi phamwenga na mchiya, kuriko kuganya nyara phamwenga na atu a ngulu.

Misemo 17:19

Mutu amendzaye kondo anamendza dambi na adzikaryaye anadzitakira kubanangbwa.

Misemo 18:12

Moyo wa mutu nkudzikarya kabila kabadogbwa, ela upole nkuhenda mutu aishimiwe.

Misemo 22:4

Sawabu ya unyenyekevu na kumuogopha Mwenyezi Mlungu ni utajiri, ishima na maisha mare.

Isaya 57:15

Mana vivi ndivyo aambavyo iye ariye dzulu, iye aunulwaye sana, iye ariye moyo hata kare na kare, ambaye dzinare ni Mtakatifu, “Mimi nasagala phatu phatakatifu pharipho dzulu, chisha ninasagala phamwenga na nyo adzitserezao na kutubu, ili niatiye nguvu nyiphya.

Isaya 66:2

Vitu vivi vyosi navitengeza na mkpwono wangu, navyo vichikala,” Mwenyezi Mlungu anaamba. Nkuhamirwa ni hara adzitserezao na kutubu, aniogophao na kunitii.

Obadiya 1:3

Ko kudzikaryako mo mwako moyoni kukakuchenga uwe usagalaye kpwenye panga za myamba, na makalogo ga dzulu ya myango unadziamba, ‘Takuna mutu awezaye kunitsereza photsi bii.’

Mathayo 18:4

Yeyesi ndiyegbwa maguluni dza hiyu mwanache, hiye ndiye mkpwulu kahi za atu angu.

Mathayo 23:12

Adzikpwezaye andatserezwa, na adzitserezaye andakpwezwa.

Mathayo 5:3

“Baha adzimanyao kukala ni agayi a chiroho, mana ufalume wa mlunguni ni wao.

Luka 14:11

Mana mutu yeyesi ndiyedzihenda muhimu, andatserezwa, na ndiyedzitsereza, andahendwa muhimu.”

Luka 18:14

Alafu Jesu achiaambira, “Nakuambirani kpweli, hiye mtoza kodi waswamehewa dambize na achikubaliwa ni Mlungu. Ela kpwa yuya Mfarisayo taiyakala hivyo. Kpwa mana chila adzikpwezaye andatserezwa, na adzitserezaye andakpwezwa.”

Mahendo 12:23

Phapho hipho malaika wa Mlungu wamʼbwaga Herode na ukongo, kpwa sababu kala kamuphere Mlungu sifwa hiyo. Wariwa ni minyololo na achifwa.

Kumbukumbu 8:16

Tsona achikurisani manna hiko jangbwani, chakurya ambacho akare enu kala taachimanya. Wahenda higo gosi kusudi akuhendeni mnyenyekee na akujezeni ili mwishirowe aphahe kukujaliyani mambo manono.

1 Petero 5:5

Namwi munaolongozwa, aogopheni vilongozi enu. Na mosi avyere na adide kalani atu a pole na a kuhumikira ayawenu, mana Maandiko ganaamba: “Mlungu anapinga anaodzikarya, na kuaonera mbazi a pole.”