Misemo 28:9 - Digo Bible

⁹ Mutu akahalaye kusikira shariya hata mavoyoge ganatsukiza Mlungu.

Misemo 28:9 Iomraidhean Croise

Zaburi 109:7

Ndiphoamulwa naaphahikane kukala ana makosa, mavoyoge nagaisabiwe kukala ni dambi!

Zaburi 66:18

Kalapho kala nkakusudiya mai mwangu moyoni, Mwenyezi Mlungu kangeniphundza.

Zaburi 94:20

Uwe kuweza kuungana na atawala ayi, atungao shariya za kukanira mai?

Misemo 10:3

Mwenyezi Mlungu karicha mwenye haki akale na ndzala, ela tamaa za atu ayi kazimendze.

Misemo 15:8

Sadaka za atu ayi ni tsukizo kpwa Mwenyezi Mlungu, ela nkufwahirwa ni mavoyo ga enye haki.

Misemo 21:13

Mutu aremaye kuphundza chiriro cha mchiya, iye naye andarira, ela kandasikizwa.

Misemo 21:27

Sadaka ya mutu mui ni dzambo ra kutsukiza. Inatsukiza zaidi ichirehwa na nia mbii.

Isaya 41:24

Mwimwi vizuka si chitu, chisha tamuna uwezo wowosi. Iye anayekutsambulani ni tsukizo.

Jeremia 14:12

Dzagbwe nkufunga, sindasikira chiriro chao, na hata dzagbwe analavya sadaka za kuochwa na za mtsere, mino sindazikubali. Ela nindaangamiza kpwa upanga, ndzala na ukongo mui.”

Johana 9:31

Humanyavyo Mlungu kaphundza achina-dambi, ela anaphundza mutu yeyesi amuabuduye na kuhenda gara alondago.