Misemo 25:5 - Digo Bible

⁵ Uchimuusira mfalume atu ai, utawalawe undaimarika na haki.

Misemo 25:5 Iomraidhean Croise

1 Afalume 2:33

Mlatso wa uolagadzi hinyo undakala dzulu ya Joabu na chivyaziche hata kare na kare. Ela Mwenyezi Mlungu andareha amani siku zosi kpwa Daudi na chivyaziche ndiosagarira chihiche cha ufalume hata kare na kare.”

1 Afalume 2:45

Ela mimi mfalume Selemani andanibariki na chihi cha ufalume cha Daudi chindaimarishwa mbere za Mwenyezi Mlungu hata kare na kare.”

1 Afalume 2:46

Hipho, mfalume wamuamuru Benaya mwana wa Jehoyada naye watuluka, achimpiga na achimuolaga Shimei. Phahi, ufalume waimarika tsini ya Selemani.

Esta 7:10

Phahi Hamani achihalwa achendasongolwa dzulu ya hinyo muhi ariokala akamtengezera Modekai na tsukizi za mfalume zichidigirika.

Misemo 16:12

Kuhenda mai kunatsukiza afalume, mana mamlaka gao gaimarishwa ni haki.

Misemo 20:28

Mfalume achikala na mbazi na uaminifu a salama, na achihenda haki chihiche cha endzi chinadumu.

Misemo 20:8

Mfalume asagalaye chihi cha kulavira uamuli, matsoge nkupheha mai gosi.

Misemo 25:6

Usidzipendekeze mbere za mfalume, wala usidzisagike phenye akulu.

Misemo 29:14

Mfalume ahukumuye achiya kpwa haki utawalawe undaimarika hata kare na kare.

Isaya 16:5

Chihi cha endzi chindaimarishwa kpwa mendzwa isiyosika. Mutu wa chivyazi cha Daudi andatawala kpwa uaminifu na mendzwa, naye andalavya uamuli wa haki na kukala na wangbwi kuhenda garigo sawa.

Isaya 9:7

Uwezo wa utawalawe taundakala na mwisho, amaniye indaenderera hadi kare na kare. Andatawala kula Jerusalemu dza mfalume Daudi, na auhende ufalumewe ukale na nguvu. Siku zosi andatawala na kpweli na haki kula sambi hata kare na kare. Mwenyezi Mlungu, Mlungu wa majeshi andahakikisha higa gakahendeka.